SEPFOPE - Corpo Diplomático

Sekretariu Estadu ba Politika Formasaun Profisional no Empregu, Ilidio Ximenes da Costa akompanha husi assesora excutiva Junia Lie encontru hamutuk ho embaxador Nova Zelândia mai Timor Leste Mr. Tony Fautua, Primeiro Secretária ba desenvolvimento, Anna Mosley, Country manager Hawkins seth Pardoe no executive general maneger Hawkins Brian Fitzgerald, encontru ne’e kolia kona ba seasonal worker program no vocational training. Encontru neé realiza edificio embaxada Nova Zelândia Farol Dili (22/10). Media SEPFOPE

Sekretariu Estadu ba Politika Formasaun Profisional no Empregu, Ilidio Ximenes da Costa akompanha husi assesora excutiva Junia Lie encontru hamutuk ho embaxador Nova Zelândia mai Timor Leste Mr. Tony Fautua no Primeiro Secretária ba desenvolvimento, Anna Mosley, encontru ne’e kolia kona ba seasonal worker program no vocational training. Encontru neé realiza edificio embaxada Nova Zelândia Farol Dili (22/10). Media SEPFOPE.

Sekretariu Estadu ba Politika Formasaun Profisional no Empregu, Ilidio Ximenes da Costa  encontru hamutuk ho embaxador Jepan mai Timor Leste Mr. Yoshitaka Hanada.  Iha encontru neé kolia kona ba Programa vocational training automotive nebé hetan ajuda husi Jepan liu husi JIDRAC. Edificio embaxada Jepan Farol Dili (22/10). Media SEPFOPE.

Sekretariu Estadu ba Politika Formasaun Profisional no Empregu, Ilidio Ximenes da Costa akompanha husi assesora excutiva Junia Lie encontru hamutuk ho embaxador Jepan mai Timor Leste Mr. Yoshitaka Hanada.  Iha encontru neé kolia kona ba Programa vocational training automotive nebé hetan ajuda husi Jepan liu husi JIDRAC. Edificio embaxada Jepan Farol Dili (22/10). Media SEPFOPE.

Komunidade Maluro entrega rai ba SEPFOPE

Viqueque – Komunidade sira iha Suku Maluro, Sub-distritu Viqueque Vila, distritu Viqueque, entrega rai ektare 1,5 ba Sekretariu Estadu ba Politika Formasaun Profesional no Empregu (SEPFOPE).

Komunidade sira entrega rai ne’e ba SEPFOPE hodi harii Sentru Formasaun iha sira nia area.

Komunidade sira iha suku ne’e ho hakarak rasik konvida Sekretariu Estadu Ilidio Ximenes da Costa hodi entrega rai gratuita.

Sekretariu Estadu ne’ebe akompana husi Diretor Nasional Empregu Paulo Alves no xefe departamentu Auto-empregu Lucio Beretasi hakat ba Suku ne’e hodi hala’o serimonia entrega rai.

Administrador sub-distritu Viqueque Vila akompana husi Xefe Suku Maluro no Komandante PNTL Viqueque entrega rai ba Sekretariu Estadu Ilidio liu husi serimonia adat ho esperansa atu prosesu dezenvolvimentu ba nasaun ne’e sei susesu liu husi programa ne’ebe SEPFOPE implementa.

Komunidade Maluro ho haksolok simu prezensa SEPFOPE no entrega rai hodi bele utuliza ba sentru treinamentu ba juventude iha suku ne’e nune’e iha tempu oin mai sira bele iha abilidade hodi partisipa iha prosesu dezenvolvimentu.

Molok ne’e komunidade sira husi distritu Oekusi no Maliana entrega mos rai ba SEPFOPE hodi harii sentru formasaun.

Sekretariu Estadu hatete SEPFOPE sei utuliza rai ne’ebe komunidade entrega hodi oferese matenek no abilidade ba komunidade sira liu husi treinamentu hirak iha sentru formasaun ne’ebe sei harii.

Iha oportunidade ne’e Sekretariu Estadu entrega mos revista Empregu edisaun dahuluk ne’ebe SEPFOPE produs ba komunidade sira.

Objetivu husi fahe Revista ne’e atu komunidade sira bele akompana informasaun kona-ba servisu no atividade hirak ne’ebe SEPFOPE hala’o.

SEPFOPE fo ajudus ba juventude Nahareka

Ossu – Sekretariu Estadu ba Politika Formasaun Profisional no Empregu liu husi Diresaun Nasional Empregu, Kuarta (16/10), fo ekipamentu muzika ba juventude sira iha Suku Nahareka, Sub-distritu Ossu, distritu Viquque.

Diretor Nasional Empregu-SEPFOPE Paulo Alves entrega ajudus ne’e ba xefe Juventude Nahareka Anicote Bifen ne’ebe akompana husi Xefe Suku.

Ekipamentu muzika ne’e SEPFOPE fo bazeia ba pedidu husi komunidade sira ba Prezidente Republika RDTL Taur Matan Ruak bainhira hala’o vizita ba suku ne’e iha fulan hirak kotuk.

Iha altura ne’eba PR Taur indika direita SEPFOPE hodi toma konsiderasaun proposta husi komunidade Nahareka.

Apoiu ne’e SEPFOPE fo hodi bele ajuda judentude sira iha Nahareka ne’ebe iha talentu iha area muzika hodi bele kadi no aprende barak liu tan.

Diretor Paulo Alves hatete apoiu ne’e ajuda tebes juventude sira iha suku ne’e hodi bele kadi sira nia talentu no bainhira uruliza ho didi’ak bele fo mos rendimentu ba joven sira.

Ekipamentu hirak ne’e sei sai asetu ba komunidade suku Nahareka no bele aproveita hodi dezenvolve di’ak liu tan suku ne’e.

Ho apoiu ne’e komunidade sira sente kontente no promete atu tuliza didi’ak hodi nune’e bele fo benefisiu di’ak ba sira.

Xefe juventude Nahareka agradese ba SEPFOPE ne’ebe responde sira nia proposta no promete atu utuliza didi’ak ekipamentu ne’ebe iha ba interese komunidade tomak ninian.