Istoria Susesu Kompania lokal Risumali

Direktur Kompania Risumali Unipessoal lda, Sr.Filomeno Ximenes moris iha Goulolo

Cameoneta ne’e hola hafoin hetan projetu

husi SEPFOPE tinan 2013/Media SEPFOPE

loron 13  de Setembru  1984 oan husi Afonso Ximenes  no Domingas A. S. Araujo, oan ba dahuluk husi maun alin hamutuk nain hitu, molok sai nudar Direktur kompania sai mos nudar iha tinan 2003 hau servisu halo batako  iha kompania TBBI to tinan 2004 iha tempu loron no wainhira tempu kalan hau tenki servisu nudar segurança iha kompañia Maubere Security to tinan 2005, hafoin ida ne´e hau mos hanoin atu kontinua Escola iha Universidade Nasional Timor Leste to´o tinan 2008 iha tempu escola hau mos hala´o aktividade hanesan halo kantreiru hodi kuda modo no fa´an iha merkadu atu bele selu hau nia escola, iha fulan ikus tinan 2008 hau ata hanoin atu muda servisu no hanoin atu fila liman hanesan loke kios hodi bele remata hau nia estudo iha Universidade, hafoin iha tinan 2011 maun bo’ot husi maun alin nain hitu deside atu sai nudar parseiru governu no hahu loke kedas kompania.

Makina ne’e hola hafoin hetan projetu husi SEPFOPE/Media SEPFOPE

 Iha fulan Julho 2013 hetan fiar husi SEPFOPE hodi halo rehabilitasaun Estrada rural iha Aldeia Haupo Suku Gouolo, Sub Distrito Letefoho, Distritu Ermera ho distancia 2,5 km, ho total trabalhador ba projetu ne’e hamutuk 140 ba durasaun tempu fulan 3, ho montante orsamentu $ 244,091.10 wainhira halao visita no monitorizasaun husi Secretario Estado no injineiru sira  hare’e katak projetu ne’e halao remata ona no kualidade mos diak tuir desenhu ne’ebe mak prepara husi kompañia iha visita refere funsionario Gabinete hetan mos oportunidade hodi dada lia ho Direktur Kompania no konfesa katak obra ne’ebe mak halao ne’e, kompania mos kontribui loke aumenta estrada ho distansia 20 metrus, ke’e uma fatin ba uma kain 11, halo ponte ki’ik 1 ba komunidade sira nia uma, ponte ki’ik ba kapela Baturema, matterial uzados husi projetu ne’ e entrega  ba autoridade lokal sira, ajuda material konstrusaun ba grut Nossa Senhora iha Sub Distritu Letefoho,kontribuisaun hirak ne’ e fo ho intensaun atu bele apoiu komunidade iha Suku refereno hakarak mos atu bele  hetan konfiansa no sai parseiru ne’ebe mak diak ba Governu no oinsa bele kontribui mos ba dezenvolvimentu rai doben ida ne’ e. 

Hafoin aumenta obra ne’e aman husi oan nain tolu ne’e informa mos katak lukru ne’ebe mak hetan hamutuk $ 79,000.00. Informasaun ne’ebe mak hetan katak Kompania Risumali  ne’e mos fo ona servisu ba ema hamutuk 9 hanesan Manager 1, Administrasaun no Finansa 1, Funsionariu hein kios 2, kondutor 2, konzak 2, no tekniku 1.Hafoin halao remata obra ne’e no lukru ne’ebe mak direktur kompania hetan Sr. Filomeno Ximenes  hola ona truck foun 1, motor Honda 1, Mixer 1, vibrator 1, generator bomba be’ e mos 1, microlet 1, tanki be’e nian 2 no hola rai iha Distritu Ermera ho medida 35 x 35 ne’ ebe mak planu atu loke fabrika batako no pertamina. Ida ne’e mak istoria susesu ne’ebe mak funsionario Gabinete SEPFOPE hetan hafoin dada lia ho Direktur kompania Risumali Unipessoal lda.  Wainhira hakarak konfirma ka hetan esplikasaun klean bele kontaktu ba Direktur kompania ho nomor kontaktu +670 77403053/77679531.KaSr. Benigno da Cruz nudar Xefi Gabinete SEPFOPE ho nomor kontaktu +670 77327564/3310411

SEPFOPE Sei La Ekipamentos Ba Grupo Nebe Laiha Reponsavel

Sekertario Estato Politika Formasaun Profesional Emprego (SEPFOPE) Ilidio da Costa Ximenes amiansa sei la fotan ekipamentos ba grupo sira nebe laiha responsavel ba ekipamentos ne’ebe SEPFOPE fo hodi kria kampu detrabailho ba sira nia an. SEPFOPE, Ilidio da Costa hatete ekipamentos mak hanesan makina suku ropa, ekipamentos produs batako rai mean, ekipamentos oficina no seluk tan ne’ebe SEPFOPE fo ida ne’e atu kria kampu de trabailho ba sira nia an maibe dala barak balun la kohi utilija hodi at deit ida ne’e SEPFOPE sei foti fila fali hodi fo ba grupo seluk ne’ebe hakarak utilija hodi halao servisu.
“Realidade hatudu ona mai ami kona ba makina ida iha Lospalos, halo nuu kulit ba aisar no seluk tan ne’ebe makina ne’e ho folin karun maibe oras ne’e dadauk makina refere laiha responsabilidade husi grupo ida ne’ebe simu ne’e entaun oras ne’e kondisaun at tiha ona nune’e tempu badak hau sei ba foti fila fali makina refere,” Ilidio hatete iha seremonia intrega simbolika mente ekipamentos mak hanesan Makina suku ropa, ekipamentos oficina (benkel red), komputer no seluk tan ba servisu grupo sira mak hanesan Grupo Kalohan Remesio, Jekot Oficina, Imit Stor no ida seluk tan iha SEPFOPE sesta (5/12).

Ilidio hatete ho ajuda ekipamentos sira ne’e atu fasilita nomos fo kbiit ba inan aman sira nomos juventude sira iha area rurais iha Munisipio atu hahu ninia negosio rasik tanba saida? Tanba iha primeiro Konstitusaun too agora sempre hakilar eletrisidade nune’e agora dadauk eletrisidade komesa tama ona iha kauje fatin-fatin hotu nune’e oinsa atu uja linha eletrisidade ida ne’e hodi kria servisu ba nia an entaun ho programa ida ne’e atu reforsa programa ida tan hodi reforsa auto emprego. 

Alende ne’e liu husi programa ida ne’e mos atu kapasita inan aman sira liu-liu ba grupo hamutuk 62 ne’ebe posibilidade hodi hetan ekipamentos apoio ba sira nia servisu hodi dezenvolve sira nia negosio nomos atu kria kampo de trabailho ba ema seluk hodi redus dadauk numeru dezemprego iha rai laran.

“Tuir bahasa Indonesia nian katak grupo hamutuk 62 ne’e beruntung tanba liu husi prosesu no selesaun ida ne’ebe naruk, ne’ebe laos Sekrtario Estado deit mak disidi maibe ho ema importante sira hotu ne’ebe iha SEPFOPE nia okos mak halo avaliasaun ida ne’e hodi hili 62 sai nudar grupo ida ne’ebe merese atu hetan ajuda ekipamentus ida ne’e,” nia hatete.

Nia mos hatete akipamentus ida ne’e laos atu fahe deit maibe SEPFOPE sei halo kontrola nafatin katak ekipamentus sira ne’e utilija duni ou lae no iha responsavel duni hodi fo duni benefisiu kalae.

Buat ne’ebe mak povo nian noa tu fo beneficiu ba povo tenki uja ho diak ho laran atu nune’e bele fo duni vantajen ba povo. Iha fatin hanesan Antonio Jose Florindo nudar beneficiario ekipamentos ho usaha alafaet husu agradece ba SEPFOPE tanba ho SEPFOPE nia esforsu proposta ne’ebe sira hatama bele sai duni realidade nune’e ohin simu ona ekipamentus ho ida ne’e husu ba grupo hotu ne’ebe simu ekipamentus atu keta laran tarido ho amiansa ida ne’e hodi hatudu ba nasaun ida ne’e katak Timor oang mos bele hodi lalika sentimento ho maluk sira ne’ebe mai husi estranjero mak hanesan Indiano sira, Indonesia, Sinejas no eluk tan. 

“Ita sentimento ba ita nia maluk sira ne’ebe mai iha ne’e maibe ita tenki ahtudu ba sira katak ita mos bele hodi ida ne’e ita tenki hatudu duni ita nia talentu tomak ba nasaun ida ne’e katak itta mos bele atu nune ba oin SEPFOPE bele fiar nafatin hodi kontinua fo apoio,” Antenio hatete. Diario Nasional (Ina)

Aprezentasaun Modelu Uma husi Dr. I.Patnaikoni ho Jhon Novosat

Melbourne- Delegasaun husi Sekretaria Estadu ba Politika Formasaun Professional no Empregu (SEPFOPE)  ne’ebe lidera husi Diretor Nasional Emprego, Paul Alves, Chefi Departementu Empregu Rural, Lucio Beretaci, Enjeneiru  Nasional SEPFOPEhala’o enkontru ho Dr. I. Patnaikoni,Dr.Jhon Novosathodi haree apresentasaun kona ba modelu uma ne’ebe uja ho kustu baratu no halo husi material lokal.Iha apresentasaun ne’e, Dr I. Patnaikoni esplika kona ba uma ne’ebe mak halo ho material lokal hanesan rai kahur ho sementi iha vantajen ne’ebe boot mak hanesan: sei la hetan estraga husi rai nakdoko, be sa’e, anin, no seluk-seluk tan.

Delegasaun mos hala’o visita ba uma ne’ebe halo ho modelu material lokal ne’ebe gastu ho kustu ne’ebe baratu.Iha fatin hanesan, enjeneiru Nasional SEPFOPE,Kancio Kunha  ho Daniel Martins mos hatutan katak Objetivu husi visita mai uma ne’ebe halo homaterial lokal no kustu baratu sai hanesan estudu komparativu atu nune’e bele haree rasik no bele aplika iha ita nia nasauntamba nfasil tebes atu uja modelu hanesan ne’e iha ita nia rain Timor-leste ba ema ki’ibit laek sira.Material Sira ne’ebe uja ba uma ne’e rasik fasil atu hetan iha ita nia rai.(20-22/11)(Tika)