Discurso abertura Kongresu KSTL ba daha’at

Secretariu Estadu Politika Formasaun Profisional no Emprego Ilidio Ximenes da Costa representante Sua Excelencia Sr. Kay Rala Xanana Gusmão abertura Kongresu “ KSTL ba daha’a iha Delta Nova

Discurso abertura ba Kongresu KSTL husi Secretariu Estadu Politika Formasaun Profisional no Emprego, Sr. Ilidio Ximenes da Costa nudar representante ba Sua Excelencia Sr. Kay Rala Xanana Gusmão

Dader diak ba convidado sira ne’be hola fatin iha ne’e.

Hau nian respeito ba Presidente KSTL ho nian Struktura tomak

Hau nian respeito ba komisaun Organizadora

Hau nia respeito ba convidado tomak.

Hau nian ksolok bo’ot ba comisaun organizasadora KSTL ne’be sempre hatu interese hodi defende ba direitu trabalhador Timoroan. Tuir lolos ohin Primeiro Ministro, Sua Excelencia Sr. Kay Rala Xanana Gusmão mak atu halo abertura iha eventu ida ne’e maibe hanesan ita hotu hare katak la iha biban atu mai tan ida ne’e delega hau nudar representante Sua Excelencia nian. Ho biban ida ne’e hau hakarak hato’o mos ba convidado sira katak hamutuk ita hotu hare ba trabalhador timoroan sira direitu wainhira iha campu servisu. Nudar Governo nia obrigasaun sei tau matan nafatin ba trabalhador timoroan sira atu iha rai laran ka rai liur atu nune husi obrigasaun servisu ne’be sira iha hodi hetan sustentabilidade ba moris bele hetan protesaun husi Governo. Governo mos sei garante politica ne’be forte no eficaz ne’be luta ba kondisaun trabalhador sira nian. Politica ne’be temi atu hametin no haforsa liu tan ligasaun interministirial atu hamutuk bele hatene no disemina liu tan informasaun kona ba Decreto Lei No. 19/2010 de 1 de Dezembro – Estatuto da Inspeção Geral do Trabalho (IGT); Lei do Trabalho; Lei da Greve no Convenções da OIT retificado por Timor-Leste – C.182, C.29, C.98, C.87. Baze legal hirak ne’e importante tebes atu atende ba necesidade tabalhador sira nian atu nune sira bele hetan servisu ne’be dignu.