Istoria Susesu Ponte tara, mota sahen Soibada

Ponte tara ne´ebe mak lokaliza iha mota sahen, Suku Leohat, Sub Distrito Soibada, Distrito Manatuto hafoin hari´i iha Fulan Agostu tinan 2012, no hetan inagurasaun husi Sekretariu Estadu ba Politika Formasaun Profissional no Emprego Ilidio Ximenes da Costa no Bispo Dioseze Baucau Dom Basilio do Nascimento iha loron 20 fulan Janeiru tinan 2013.

Oinsa bele fasilita komunidade sira ne´ebe mak hela iha Sub Distrito Soibada, tamba Sub Distrito refere wainhira iha tempu udan labele hala´o viagem ba iha Distrito Manatuto, no Distrito sira seluk tamba komunidade sira tenki atravesa husi mota.

Ponte tara ne´ebe mak konstrui iha mota Sahen ho naruk metru 36 no luan metru 1, ne´e hetan apoiu husi komunidade Australia hanesan material konstrusaun no komunidade iha Sub Distrito Soibada rasik mak servisu iha konstrusaun ponte ne´e rasik ho objektivu katak komunidade sira mos tenki sai autor ba Desenvolvimentu.

Iha parte konstrusaun komunidade sira hetan mos apoiu husi instituisaun Governu liu husi SEPFOPE hodi fo intensiva ba komunidade sira liu husi programa ne´ebe hanaran `Cash for work` ka ($3) hodi fo servisu temporario ba komunidade husi suku Leohat no Manlala hamutuk 106 durante semana 2 nia laran.

Iha loron 4 Fulan Novembru tinan 2013, hafoin ekipa husi Gabinete SEPFOPE dadalia ho Direktur Ministerio Saude Sub Distrito Soibada kona ba esperiénsia halo tratamentu Saude ba komunidade sira iha tempu udan.

Hafoin halo diskusaun badak ho Direktur Ministerio Saude Sub Distrito Soibada Aparicio da Costa Soares informa katak hafoin konstrusaun ponte tara ne´e fasilita tebes servisu Saude nian tamba iha tinan 2013 nia laran iha tempu udan konsege atravesa husi ponte tara hodi halo atendementu ba komunidade sira ne´ebe mak hela iha mota sorin hanesan inan isin rua sira ne´ebe mak atu partu ami tenki liu husi ponte tara nia leten ka inan feton sira tenki atravesa husi ponte tara hodi ami bele halo tratamentu iha Centru Saude atu ekipamentus bele kompletu.

Wainhira iha pasiente ne´ebe mak moras grave no labele halo atendementu iha Centru Saude Sub Distrito nian, no tenki lori ba iha Centru Saude Distrito Manatuto mos ami tenki lori pasiente sira liu husi ponte tara nia leten hodi sa´e ambulansia ne´ebe mak hein iha mota sorin, no tuir observasaun Direktur Saude informa mos katak hafoin konstrusaun ponte tara numero hetan dezastre iha tinan ida ne´e la iha, tamba komunidade sira bele atravesa ona husi ponte tara.

Ida ne’e mak istoria susesu ne’ebe mak funsionario Gabinete SEPFOPE hetan hafoin dada lia ho Direktur Ministerio Saude Sub Distrito Soibada, Aparicio da Costa Soares.

Wainhira hakarak konfirma ka hetan esplikasaun klean bele kontaktu ba Direktur Ministerio Saude Sub Distrito Soibada :
Nomor kontaktu : +670 77410067.
Ka
Benigno da Cruz nudar Xefi Gabinete SEPFOPE
nomor kontaktu : +670 77327564 | 3310411.