Vaga Serbisu Depaetementu Kualifikasaun no Relasaun Industria

REPÚBLICA DEMOCRÁTICA DE TIMOR-LESTE

SECRETARIA DE ESTADO PARA A POLÍTICA DA FORMAÇÃO PROFISSIONAL E EMPREGO (SEPFOPE)

INSTITUTO NACIONAL DESENVOLVIMENTO DE MÃO-DE-OBRA (INDMO)

Rua Eis UNDP Caicoli Dili Timor Leste – Telefone: +670 3311325

VAGA SERBISU
Instituto Nasional ba Dezenvolvimento Mão-de-Obra (INDMO) estabelese liu husi Dekretu lei no 8/2008 hanesan orgaun regulatóriu formal ida ba sitema edukasaun no formasaun Tékniku no Profisional iha Timor-Leste. INDMO tutela iha SEPFOPE nia okos no parseria ho instituisaun seluk governu, organizasaun empregador sira no instituisaun formasaun profisional liu husi ninia Komisaun Ezekutiva no Sub-Komisaun Industria nian.

INDMO hamriik ho nia vizaun ida katak “atu fo apoio diak ida ba implementasaun polítika governu nian hodi garante kualidade formasaun liu husi sertifikasaun ba sentru formasaun profisional no empreza sira iha Timor-Leste inklui formasaun hirak nebee entidade hirak nee oferese”.

INDMO nia serbisu mak atu atu defini no aprova padraun kompetensia ba seitór industria ih Timor Leste, atu sertfika kompetensia tuir padraun hirak nebee aprova ona, nomos atu akredita sentru formasaun profisional sira iha Timor-Leste. Ho nunee INDMO buka hela ema nain ida (1) neebe iha minimu esperiensia no nivel kualifikasaun relevante hodi bele priense ba pojisaun hanesan tuir mai nee :

INFORMASAUN DETALLU KONA BA VAGA SERBISU
Títulu Serbisu : Ofisial Programa
Nivel : L4
Departamentu : Kualifikasaun no Relasaun Industria
Lokalidade : Dili (halo viajem ba distrtu se karik iha asuntu relevante ba serbisu nian)
Hato’o relatório ba / superviziona husi : Jerente Kualifikasaun no Relasaun Industria
Vaga hahu loke : 3/2/2014
Vaga sei taka : 14/2/2014

Responsabilidade ba pojisaun nee ;

DESKRISAUN

Planeamentu

1. Fo suporta ba plano serbisu Kualifikasaun nian nian durante oras serbisu wainhira Superior preciza
2. Hatama plano serbisu fulan nian ba superior

Implementatasaun

1. Fo asisténsia ba prosesu análiza setór hamutuk ho Asesór Nasional no Péritu Internasionál sira
2. Submete dokumentu kualifikasaun nian ba Superior wainhira hetan ona aprovasaun final
3. Organiza inkontru Komisaun Ezekutiva nomos Sub-Komisaun Industria nian ho konsultasaun husi Superiór
4. Halo socializasaun ba Strutura Kualifikasaun Nasional no serbisu INDMO liu husi inkontru ho industria sira
5. Involve iha monitorizasaun ho konsultasaun husi Superiór ba implementasaun Kualifikasaun Nasional iha Sentru Formasaun Akreditasaun sira
6. Fo sujestasaun ka involve direitamente iha prosesu dezenvolvimentu kualifikasaun hamutuk ho Péritu Internasionál
7. Fo asisténsia ba prosesu revizaun ba padraun kompetensia hamutuk ho Péritu Internasionál nebee relevante
8. Prepara ajenda no minutas inkontru Industria Sub-Komisaun nian no negosia ho Asesor Nasional atu tradus ba lian Inglés

Relatório no Komunikasaun

1. Halo relatório mensal ba superior
2. Ajuda superior hodi fornese informasaun ba necesidade relatiório mensal departamentu nian se karik preciza
3. Ajuda Direitora Nasional INDMO nian ba informasaun iha area neebe ofisial programa nee sei serbisu ba
4. Fo asistensia informasaun ba asesor nasional no internasional se karik preciza

Administrasaun

1. Mantein no hadiak dadus tuir fatin nebee aprpriadu hanesan: plano, relatorio serbisu, foto, karta akordu no minutas inkontru nian
2. Kuidadu asset INDMO nian nebee oferese hanesan: Komputador, meja, etc

Serbisu seluk

1. Halo tuir valor prinsipal (core values)
2. Halo tuir guia ka prosedimentu foun nebee estabelese no aprova ona iha INDMO
3. Halo tuir manual orientasaun serbisu INDMO nian
4. Halo serbisu seluk nebee karik fo husi superior
5. Tuir inkontru ho superior nomos inkontru jeral staff INDMO nian

Rekerimentu ba Aplikante sira mak hanesan:

• Aplikante ho nasionalidade Timorense
• Iha nivel edukasaun minimu diploma ka Lisensiatura iha area Edukasaun
• Iha konesimentu diak kona ba treinamentu vokasional nomos iha esperiensia serbisu minimu tinan 2 hanesan Treinador/a ka Mestre/a
• Apliaknte iha abilidade atu fasilita no jere ba dezenvolvimentu pakote kualifikasaun nasional ka padraun kompetensia sira hamutuk ho Konsultan nasional no internasional
• Apliakante iha abilidade diak atu organiza no fasilita enkontru entre entidades relevante sira
• Apliaknte iha abilidade komunikasaun no etika serbisu neebe diak
• Aplikante iha komitmentu serbisu no abilidade atu serbisu iha ekipa
• Aplikante iha konesimentu no abilidade bele koalia Ingles no Português
• Hanesan vantajem diak liu se wainhira aplikante kompleta ona treinamentu iha Sertifikadu III ka IV iha Treinamentu no Avaliasaun.

Ba aplikante neebe interese bele hatama dokumentu:

• Karta aplikasaun neebe diriji direitamente ba Sra. Isabel de Lima hanesan Directora Nacional INDMO, neebe sei inklui Kurikulu Vitae (CV) no dokumentu suporta seluk hanesan Diploma ka Sertifikadu relevante sira.
• Apliakante sei hatama dokumentu hirak nee iha departementu Administrasaun no Finansas INDMO nian.
• Informasaun klaru bele kontaktu Sr. Joãozito Lopes dos Santos liu husi no. tlmvl 77313156/3311325 ka email joaozitodossantos@ymail.com
• Kandidatu sira neebe liu iha lista badak/short list ami sei kontaktu hodi bele mai partisipa iha sesaun intervista nian.

Obrigadu barak

No

Susesu diak