20 Trabalhadores Timor Oan aranka ba Australia

Dili - Seketariu Estadu Politika ba Formasaun Profisional no Empregu (SEPFOPE) Liu husi Diresaun Nasional Empregu (DNE) hamutuk ho Embaixadador Australia iha Timor Leste halo despida ba trabalhadores timor oan 20 ne’ebe hetan kontratu husi emprezariu Australia  ne’ebe atu servisu iha area hortikultura (ku’u has) iha ketring norte teritoriu Darwin (Australia). 

Objektivu  husi despidida ne’e nudar bukae ida ba iha trabalhadores sira atu bele servisu tuir kontraktu, regras, lei ne’ebe mak estabelese  tiha ona iha Timor leste no  Australia.

 “Ohin objektivu ita halo despedida ba ita nia trabalhadores timoroan 20 ne’ebe hetan kontraktu husi emprezariu Australia iha area hortikultura ninian liu ba kuu has iha ketring iha norte teritori Darwin tamba ne’e mak aban sira sai, tan ne’e sermonia despidada ba sira sai hanesan bukae ida ba sira atu nune’e sira ba servisu karik tuir kontraktu, tuir regra, tuir lei ne’ebe mak establese tiha ona iha ne’e nomos iha Australia,” dehan Diretor Nasional  no Emprego Paul Alves  iha sermonia Despedida ne’ebe halao  iha salao enkontru SEPFOPE  Caicoli Segunda – Feira (29/09).

“ Sira ne’e  ba katak governu iha duni atensaun makas ba sira atu ne’e sira fila mos sente katak laos sira ba nar-naran deit maibe sira ba liu husi governu nia liman,” Paul fo rajaun

rajaun seluk ne’ebe governu halo despedida  ba iha trabalhadores timor-oan sira mak nudar  knar  governu nia responsabilidade tamba governu iha atensaun ba nia ema sira ne’ebe mak hetan oportunidade servisu  ne’ebe liu husi governu liu –liu SEPFOPE.

informa katak Trabalhadores 20 ne’ebe mak ba ,hetan kontraktu husi emprezariu (kompania) ida deit mak kompana konekto tamba durante ne’e kompania refere fo ona servisu ba iha timr oan sira hamutuk ema nain 60 iha area hortikultura ne’ebe namkari iha Norte Teritoriu Darwin.

 “Ita hatene katak sira hili ona grupu tolu mak hanesan ba ku’u modas paragus iha Melboun ema ruanulu (20), grupu pateka ninian ema ruanulu (20) no agora sira hili tan ema ruanulu(20) ba kuu has ninian, portantu iha area holtikultura ninian kompana konekto hili ona ita nia trabalhadores ema neen nulu  (60)  ne’ebe oras ne’e servisu ona iha Australia”.

Kona ba target trabalhadores iha area holtikultura , katak depende ba iha lista , bainhira kompana Australia hakarak trabalhadores  timoroan ida ka liu depende ba iha kompana nia presiza.Paul Hatutan

“Ita lahatene tamba iha korea ninian ita hatene ona katak kada tinan konta ne’e ita hatene lolos maibe Australia ninian depende wainhira servisu, sira presiza ema entaun sira telephone mai Timor naran katak ita iha lista baze de dadus preparadu  wainhira sira rekruta karik ita iha hela atu bele oferese ba iha sira”.

kona ba Rekejitu sira , Direktor ne’e dehan trabalhadores sira atu ba servisu   tenke prese rekejitu sira mak hanesan foun foun  tuir ezame englesh ninian tamba durante ne’e fo ona  ezame ba dala rua ne’ebe realize iha  2012 no 2013 importante timoroan sira rasik tenke buka  dalan atu oinsa bele kapasita sira nia an hodi hadia nia lian inglesh.

“ Rekejitu mak tuir  ezame Inglesh sira ne’ebe agora ba sira lista ultimo iha tinan 2012 ninian tamba iha 2013 sei iha lista hela tamba ema ne’ebe mai pastisipa iha ne’e besik ema rihun ida resin ona tamba iha ezame dahuluk ema tuir atus walu resin maibe liu atus hat resin deit no atus rua resin mak iha holtikultura ninian   no ida ne’e mak hanesan nuneru ikus ona,” katak Paul.

Nia mos infroma tan katak iha fulan outubru kompana ida mos sei mai hodi fo    entervista tan ba iha Timoroan sira ne’ebe mak naran tama ona iha lista hamutuk ema nain 60 maibe sei hili deit ema nain ruanulu resin walu mak sei haruka servisu iha Australia maibe naran hirak ne’e sei foti husi lista 2013 nian.

 Alende ne’e nia  mos klarifika  katak kona ba kontraktu ba iha trablahadores sira kada fulan 6 no remata sira fila fali mai iha TL maibe sira sei fila  hodi servisu no depende ba iha pertasaun servisu  trabalhadores nian.

 “Ida ne’e servisu musiman ninian , tanba nee sira fila fali mai to’o  tempu has ninian sira bolu fila fali maibe depende bainhira sira balun ne’ebe mak servisu ladiak kompana sei la bolu no ba sira ne’ebe pertasaun diak fulan neen bolu fila fali deit,”hateten Paul Alves.

Nia mos infroma katak trabalhadores sira ne’ebe servisu iha Australia Governu TL liu husi SEPFOPE kontinua halo monitorizasaun no observasaun ba trablahdores iha sira servisu fatin hodi hare kona problema ruma sira hasoru tamba iha adidu ida ne’ebe mak iha Kambera sempre tau matan ba sira.

Alende ne’e iha fatin hanesan Diretor  Jeral SEPFOPE Jacinto Baros Gusmao husu ba iha trablahadores sira tenke hatudu kompartametu diak hodi bele servisu hadia moris uma laran nomos familia.

Tuir nia katak iha Australia  servisu kada oras ida sei hetan $22, husu atu bele uza osan hirak ne’e bele halo buat ruma iha TL hodi transforma moris diak iha futuru.

Nune’e mos husu ba iha trabalhadores sira atu bele kuidadu an hodi fila ho isin diak labele akontese hanesan trabalhadores sira ne’e servisu iha nasaun Korea.

“ Laos servisu  tiha fila  fali mai mak hola kuluna boot sira lian to’o dadersan , maibe tenke iha mehi halo buat ruma hanesan loke kompana tamba iha ne’eba servisu kada orass ida $22 ne’e osan boot,”

Iha sermonia despedida refere marka prezensa husi embaixada Australia ba Timor Leste nomos  familia trabalhadores sira mak partisipa iha Seremonia refere. Media SEPFOPE/Lidia Simões

SEPFOPE Realiza Forum Konsultasaun Industria hodi Hadia Trablahdores iha TL

Dili - Sekretariu Estadu Poltitika ba Formasaun Profisional no Empregu (SEPFOPE) liu husi Diresaun Nasional ba Formasaun Profisional (DNAFOP) iha kuarta –feira (25/09) realize workshop ida ho tema “ Forum Konsultasaun Industria” ne’ebe mak halo iha Hotel Novo Turismu.

Diretora Institusaun Nasional dezevolvimentu de mao de obra Isabel Fernades de Lima hatete katak objektivu ba planu servisu hamutuk hodi dezenvolve aprosimasaun ida nebe lidera industria ba dezenvolvimentu mao de obra tamba atu hahu dialogu publiku nebe organizadu no sistematiku ho industria hodi halo apromisaun ida nebe lidera husi industria.

“iha rajaunn tolu ne’ebe mak ami hakarak hato’o iha ne’e oinsa ita bele tur hamutuk hodi responde liu –liu planu ne’ebe prepara tiha ona liu liu edukasaun profisional ne’ebe mak planu ba tinan 2011 -2030 nomos planu INDIMO iha 2011 – 2015 ninian,” dehan Isabel de Lima ba iha partisipante sira.

Liu husi sub komisaun ne;e nia espera katak liu husi servisu hamutuk ho industria ne’ebe iha bele produs ema ne’ebe mak kualidade no kompetente duni atu bele responde nesesidade ne’ebe iha liu parte industria nian.

Tan ne;e nia mos husu ba iha seksaun industria atu bele infromasaun ba iha INDIMO konaba nesesidade ne’ebe mak presiza no saida mak INDIMO bele prepara liu husi preparasaun kualifikasaun sira hanesan formasaun ne’ebe mak iha. Nia mos informa mos ba iha partisipante sira kona ba komisaun sira hotu ne’ebe mak partisipa iha workshop ne’e tamba INDIMO establese tiha ona sub komisaun hitu (7) mak hanesan , agrikultura,konstruksaun, otomotif,turimu no hospitalidade , nomos mina no gas, administrasaun financas ne’ebe realize tiha ona iha tinan hirak liu ba.

“ami husu atu bele kolia ba Ami saida mak ita boot sira mak ita boot sira presiza no saida mak INDIMO bele prepara liu husi kualidikasaun no formasaun nebe mak iha,” Nia dehan rajaun atu dezenvolve politika no suporta ba dezenvolvimentu mao de Obra iha seitor privadu no seitor publiku nudar institusaun governu hanesan SEPFOPE.

Tuir nia katak programa ida ne’e sei kontinua nafatin ba oin nudar politika INDOMI nian tamba partisipante sira nebe mak tuir forum kolsultasaun industria mak hanesan Sub Komisaun Industria,Camara Comrsio Industria(CCI), Empreza individu, Sekreatraiu do Estadu SEPFOPE, Funsionariu SEPFOPE Iha biban ne’e mos Isabel mos dehan katak liu husi workshop nee atu oinsa bele hamutuk hare estratejia oinsa bele dezenvolve kualifikasaun nasional hanesan padraun nasional iha Timor Leste nomos atu oinsa bele reforsa kualidade formasaun, kualidade patraun sira ne’ebe mak TL iha , liu kona ba registu akreditasaun ne’ebe mak iha centru fromasaun sira ne’e.

Nia hatutan tan planu ba iha programa ne’e hahu husi tinan 2010 ate agora ne’ebe implementa tiha ona programa pilotu ida nebe hanaran formasaun iha servisu fatin ( On the Job training) iha seitor publiku no iha tinan 2015 tuir mai.

Iha biban hanesan Diretor Nasional SEPFOPE Igino Fereira Diretor Nasional Formasaun Profisional (DNAFOP) hateten katak DNAFOP prepara orsamentu hodi apoiu ba iha Centru formasaun sira atu oinsa bele kria fromasaun ne;ebe kualifikadu diak ba iha joven sira. Nia dehan atu fo formasaun ne’ebe diak ba iha Joventude presiza fakar orsamentu ne’ebe barak hodi forma foin sae sira tamba ne’e tenke iha koperasaun diak hodi bele hatan ba iha problema sira ne’ebe mak durante TL hasoru.

Tuir nia katak durante ne’e trabalhadores husi rai liur kontinua dumina iha TL tamba atu oinsa bele fahe eseprensia ba iha timoroan sira tuir sira nia esperensia. Iha fatin hanesan Diretor jeral SEPFOPE Jacinto Baros Gusmao hatete katak atu hadia trabalhadores Timor Leste ne’ebe mak kualidade presiza iha kooperasaun ne’ebe diak hodi bele hadia kualidade tamba politika governu oinsa bele fasilita ema hodi bele hetan kampu servisu maibe governu fasilita deit 20% maibe seitor privadu mak tenke 70% atu bele hadia trablahdores sira iha rai laran.

Tuir nia katak durante ne’e governu hasoru problema ida mak kona ba finaseiru atu bele suporta centru formasaun 25 formasaun iha TL tamba ne’e tenke hetan apoiu husi parseiru sira hodi bele suporta ba iha centru formasaun sira.

No husu ba iha seitor privadu sira atu bele hamutuk hodi bele ajuda governu bele fo formasaun ba iha trabalhadores sira iha TL tamba governu laiha kampu servisu atu bele fo ba iha trabalhadores sira maibe seitor privadu mak bele fo kampu servisu ba iha joven sira ne’ebe iha. Alende ne’e mos iha prezentasaun mos husi Camara Comersio Industria Timor Leste (CCI-TL) kona ba prosesu servisu joventude iha Timor Leste nomos karakter Joventude nian iha seitor privadu Tuir obeservasaun durante iha forum ne’e aprezenta survey husi diresaun servisu trabalho SEPFOPE kona ba prosesu Joventude iha Timor Leste nia neebe mak asesu ba iha servisu iha seitor Industria , hotelaria nomos area seluk. Media SEPFOPE/Lidia Simões

Supply and Install Construction Training Equipment for Claret Training Center, Salele

Mid-Level Skills Training Project

Sepfope halao impal Assesment ba programa overseas Employment iha Distrito Oecusse

Sekretariu Estadu ba Politika Formasaun Professional no Emprego, Ilidio Ximenes da Costa hamutuk ho ekipa husi Diresaun Nasional Emprego no Gabinete Sekretaria Estadu halao impaktu assesmentu ba programa serbisu ba rai liur liu-liu sira nebe mak serbisu iha Korea do Sul. Iha avaliasaun nebee mak halao ona total Oecusse oan nebee mak ba servisu iha Korea do Sul hamutuk ema 80, feto hamutuk 30 no mane hamutuk 50 husi Sub Distrito tomak iha Regiao Administrativa Oecusse.

Husi total ema nebee mak hetan ona intervista klean husi ekipa hatudu katak impaktu positivo husi servisu iha rai liur mak iha partisipantes sira balun hadia sira nia uma, rai sira nia osan iha banku nasional iha Timor Leste no mos balu ajuda sira nia maun alin sira hodi kontinua eskola.

Avaliasaun impaktu husi programa “ Servisu Rai Liur” halao iha Suco Naimeco, Padiae, Sacato, Nunbei. Iha avalisaun nee mos hetan kobertura husi media nacional RTTL no ekipa sei hakerek informasaun kona ba resultado husi avalaisaun nebee mak halao ona iha Regiaon Administrativa Oecusse. tuir inan aman nebe mak sira nia oan sira ba servisu iha Korea do Sul, kontenti teb tebes ho programa husi governu nee no sira espera atu governu tau matan nafatin ba sira nia oan sira atu bele fila fali mai Timor Leste ho kondisaun nebee diak no saudavel.

Sekretariu Estadu visita Grupo Auto Emprego iha Oecusse

Oecusse, Sekretariu Estadu, Ilidio Ximenes da Costa akompanha husi chefe Gabinete SEPFOPE Benigno da Cruz,  Director Nasional Emprego, Paulo Alves, no ekipa Sepfope visita grupo auto emprego nebe mak hetan apoio husi SEPFOPE hodi bele ajuda programa no kriasaun serbisu iha area rural.

Iha visita ba Grupo dahuluk sekretariu Esadu hamutuk ho ekipa visita grupo Blok Kinloki Gehafe hodi hare progressu serbisu depois simu ajuda husi SEPFOPE iha fulan Junho tinan 2014. Ajuda nebe mak sepfope fo mak hanesan material no ekipamentu atu halo blok nian.

Grupo Blok nebe mak hetan apoio husi SEPFOPE liu husi programa auto emprego

Depois hetan apoio husi sepfope grupo Blok  Kniloki Gehafe halo ona produsaun ba blok no kada loron ida sira nele halo produsaun blok hamutuk 360 blok no gasata sementi 10 sak hodi halo produsaun no grupo ne hetan ona rendimento hamutuk $ 6000 dolar husi blok nebe mak sira faan ba komunidade. Husi total rendimentu nebe mak sira hetan grupo neé rasik mos hala ona tanki bee litru 2.200 liter, halo mos armarzen para bele rai sasan no tuir planu grupo ne mos sei hola tan makina blok, kareta no halo edificio no ate agora hamutuk ema nain 4 mak serbisu haodi halo produsaun ba blok, dehan Maria.

Alende visita grupo blok nebe mak hetan apoio husi SEPFOPE, Sekretariu Estadu ho ekipa mos visita grupo seluk nebe mak halo gula merah iha Suco Taiboco no grupo gula merah ne halo produsan uza metrial lokal no atividade ne hetan apoio husi SEPFOPE iha tinan kotuk

Iha parte seluk Director nasional Emprego Paulo alves hatete ba tinan ida neé sepfope aloka ona orsamentu ba grupo auto emprego sira depois hetan ona aprovasaun husi Parlamentu. Programa auto emprego hanesan programa ida nebe mak sepfope halo hodi bele kriasaun kampu  serbisu  ba komunidade iha area rural no sepfope so bele ajuda komunidade sira baseia ba proposta nebe mak tama no sepfope iha politika la fo ona osan ba grupo nebe mak hetan apoio husi sepfope mais fo deit materila ba grupo sira baseia ba proposta nebe mak tama.

Sekretariu Estadu hare livro kas husi grupo nebe mak hetan apoio husu SEPFOPE

Antes atu fo apoio ba grupo sira nebe mak hatama proposta mai sepfope ami nian staff sira sei tun ba ba base hodi halo assement ho kolia ho chefe grupo ho apoio ne la los ba ema ida mais ba grupo ho objectivoatu bele ajuda kria kampu serbisu iha area de motas.

Depois grupo sira neé hetan apoio husi SEPFOPE, entau sei kordena hamutuk hodi mai halo monitorizasun ba atividade husi grupo hamutuk ho Fundasaun Alola hodi hare progressu ba serbisu no atividade husi Grupo nebe mak hetan ona apoio husi SEPFOPE.

Tuir Director Nasional Emprego, Paulo Alves grupo nebe mak hetan ona apoio husi sepfope ami sei ajuda sira hodi hadia sira manajentu hodi no ami sei kopera diak ho IADE para bele fo apoio formasaun kona ba gestau manajemetu oinsa sira hodi nune sira bele jere sira nian osan nebe ho diak. Ba primeira faze iha tinan ida ne’e sepfope apoio 23 grupo iha 13 Distrito.

Ba grupo sira nebe mak hetan apoio husi SEPFOPE baseia ba sira nian proposta nebe mak tama sira sei la hetan osan mais sepfope so bele apoio deit materila no material sira nebe mak sepfope apoio sei tuir prosesu tenderizasaun no ba grupo nebe mak simu ona apoio mais la halo tuir sira nian planu entau sepfope sei foti fali material nebe mak sira simu ona, dehan Paulo Alves.

SEPFOPE Inaugura Estrada iha Ulas

OEKUSI : Sekretariu Estadu ba Politika Formasaun Profesional no Empregu (SEPFOPE) inaugura Estrada iha Aldeia Ulas, Suku Tauboko, Sub-distritu Pante Makasar, Distritu Oekusi.

Serimonia inaugurasaun ne’ebe hala’o iha Sesta (19/09) ne’e hetan partisipasaun husi Sekretariu Estadu ba Politika Formasaun Profesional no Empregu, Ilidio Ximenes da Costa, Diretor Nasional Empregu, Paulo Alves, Prezidente ZEEMS rejiaun Oekusi, no komunidade sira.

Hafoin inaugura Estrada ne’e, SEPFOPE hala’o dialogu ho komunidade sira iha Suku Tauboko.

Iha Dialogu ne’e, komunidade aprezenta hikas proposta kona-ba Estrada iha aldeia seluk iha Suku ne’e, bee-moos no saude.

Iha fatin hanesan, Komisaun Tranzisaun Oeukusi – Ambeno, rekomenda ba SEPFOPE atu halo koordenasaun ho Ministeriu Obras Publika (MOP) hodi bele kontinua loke dalan husi Ulas ba aldeia Makelab.

Hatan ba Ida ne’e, Sekretariu Estadu Ilidio dehan, SEPFOPE iha ona Planu atu responde preokupasaun hirak ne’e iha tinan 2015.