Encontru hamutuk ho Admnistrador Municipio

SEPFOPE. Informa Programa Empregu Rural Ba Administradores Sakertario Estado Politika Formasaun Profesional Emprego (SEPFOPE), Ilidio da Costa Ximenes no Seketariu Estadu Desensentralizasaun administrativa , Samuel Mendonça informa programa empregu rural ba Administrador munisipiu 13. SEPFOPE, Ilidio Ximenes da Costa hatete objetivu husi informa programa emprego rural ba Administrador munisipio sira ne’e atu halo linha koordenasaun entre linha Ministerial nebe mak iha programa emprego rural mak hanesan Ministerio Estatal liu husi SEDL no SEPFOPE inklui MOPTK. “Linha ministerial ne’e sesemak involve iha programa emprego rural nebe deit mak primeiro husi Ministerio Estatal rasik, iha mos balun husi ministerio sira seluk i konvida mos Sekertario Estado Konselho Ministro (SEKM) atu fo mos hanoin kona ba dadus nebe mak ita iha i buat ruma mak akontese iha ne’e porizemplo informasaun ruma SEKM bele lori kedas ba iha KM, nebe ho objetivu atu redus buat ida birokrasia,”Ilidio informa ba jornalista sira iha nia servisu fatin Caicoli Kinta(26/2). Atu labele kria duplikasaun de projetu presija ema hotu nia ideia nebe dala ruma iha hanoin ida maibe programa ketak-ketak nune’e atu labele dupla iha implementasaun tenki iha koordensaun diak atu nune’e programa nebe halao bele fo beneficio ba iha komunidade sira. “Dadauk ne’e ita lao ho koordensaun nebe diak tebes nebe antes ne’e mos lao tiha ona maibe agora dadauk hatudu tan pasu ida nebe importante tebes tanba SEDL bele partisipa i nia administrador sira mos bele partisipa inklui SEKM Sr. Avelino Koilho nebe antes ne’e iha IV Governo no V Governo la dun involve nebe dadauk iha VI konstitusional SEKM mos tenki tun ba baje hodi hare direiyamente oinsa kondisaun real programa area rural nebe durante ne’e halao no atu halao,” Ilidio hatete. Los duni katak, durante ne’e iha failansu kona ba programa emprego rural maibe laos katak dupla servisu maibe tanba falta linha de koordenasaun. Entertantu Administrador Munisipio Liquisa Domingos da ConcenCao Do Santos, rekuinese, servisu no ipmlementasaun obra iha tereno lao hela maibe dala ruma failha iha linha de koordenasaun tanba dala ruma atu implementa obra ruma nunka iha koordenasaun nune’e hafoin akontese problema mak foin Administrador hatene hodi rejolve inklui mos kona ba asina Cekin pagamentu mak foin mosu. “Ita kolia kona ba imlementasaun obra iha tereno prontu ita rekuinese katak lao diak so failha iha parte koordenasaun tanba saida mak hau hatete hanesan ne’e obra ruma atu implementa depois de imlementa tiha mak ita rejolve problema depois sigundo atu asina cekin ba pagamentu ruma mak foin mai maibe antes inisio atu ezekuta ita lahatene,”Domingos kestiona. Domingos hatete programa emprego rural nudar programa ida nebe fo benefisio ba komunidade iha parte dezenvolvimento tanba ne’e ba oin husu atu kontinua lao maibe tenki hadia nia mekanismo legal mak hanesan koordenasaun, komunikasaun i konsiderasaun ba autoridades lokal nebe nudar reprezentante Governo central iha baje. Los duni katak autoridades lokal laiha kompetensia iha politika maibe intermos de obra tuir dekretu lei numeru 11/2009 kona ba devijaun teritorial Administrador Munisipio iha hela kompetensia katak sira kontrola hela area sira nebe mak ho nia komunidade sira iha neba nebe laos koordena hodi foti desijaun maibe koordena para servisu hirak ne’e bele lao efektivu no funsiona diak liu tan. Fahe informasaun ho topiku “Tetu, Hanoin Hodi Halao,” ne’e partisipa husi SEKM, Avelino Koilho, SEDL, Samuel Mendonsa ,SEPFOPE, Ilidio Ximenes da Costa, Direktor Zeral SEPFOPE Jacinto Baros, Direktores kada linhas, Chefe departemento inklui Administrador 13.Ina