SEPFOPE Loke Expozisaun Kareira Iha Municipiu Viqueque

VIQUEQUE : Sekretariu Estadu Politika Formasaun Profesional No Emprego (SEPFOPE) liu husi Diresaun Nasional Emprego(DNE) iha tinan ida ne’e (2015)  loke expozisaun kareira espesila ba daruak iha Municipiu  Viqueque. Direktor Jeral SEPFOPE Jacinto Baros Gusmão hatete, expozisaun kareira profesional ida ne’e hanesan programa anual tinan –tinan SEPFOPE halo oinsa maka atu fo informasaun ba estudante  eskola sekundaria  ne’ebe  maka  atu remata ona sira nia estudu iha klase (3) finalista.

“Ami  loke expozisaun ne’e ba deit eskola sekundaria  estudante finalista sira,bainhira sira remata ona estudu  estudante hirak ne’e mos iha netik informasaun ruma konaba  se maka laiha kbiit atu ba kontinua iha Universidade  entau SEPFOPE  iha sentru formasaun  atu iha konesementu  ba sentru sira atu nune’e bele tuir formasaun ,wainhira tuir ona formasaun sira bele iha ona abilidade  depois maka bele buka rasik serbisu,”dehan Jacinto   hafoin loke abertura expozisaun iha Viqueque, SEPFOPE lori loke  expozisaun hanesan ne’e para  fahe informasaun ba estudante sira ,tanba estudante finalist sira wainhira  remata eskola hotu ona ho sira nia diploma deit  sekundaria deit  maibe laiha eskil  ne’ebe liu husi programa Governo nian  bele ajuda ba estudante hirak ne’ebe  liu-liu ba inan aman laiha kbit bele ba tuir formasaun atu nune’e hodi hetan serbisu .ba tiana ida 2015 programa SEPFOPE loke expozisaun kareira professional  ba iha Munisipiu 10 maibe ba dahuluk husi Munisipiu Viquequeno Suai. Programa hanesan iha semana oin mai sei kontinua tan loke ba Munisipiu Ermera ho Manatutu.

“Ita tenki fahe informasaun  ba jovem sira ne’ebe  maka prepara –an atu remata ona sira nia estudu iha sekundaria ,selae iha informasaun ba estudante hirak ne’e lahatene los estudante sira atu ba iha ne’ebe ,tanba wainhira remata estudu iha sekundaria laos atu ba tur deit iha dalan ninin deit  halao oinsa maka ita atu ajuda estudante  hodi fo formasaun no buka fasilita  hodi ne’e bele hetan serbisu lalais ne’e maka importante,” Entertantu osamentu ba programa expozisaun kareira espeesial  Governo gasta osan ba kada Munisipiu  SEPFOPE sei prepara $ 6.800,osan refere  ba Munisipiu 10 hanesan,osan ne’e mos sei fahe ba estudante hirak ne’ebe eskola dook atu nune’e sira selu fali mikrolet mai  hodi partisipa iha expozisaun ne’e.  Iha fatin hanesan Prezidenti Expozisaun Kareira profesional  Federico Pereira de Matus hatete,ba tinan ida exkopzisaun loke iha Munisipiu  Viquequeno Suai badala rua ona .programa ne’e la loke ba  ema  hotu maibe sei loke direita ba estudante  eskundaria  finalist sira tanba estudante maka aban bairua sei kontinua  buat ne’ebe oras dadaun  iha no oras dadaun husi estudante  hirak seluk sei mai hare. “Programa expozisaun ne’e ita konvida deit ba  eskola  sekundaria ba hirak ne’ebe maka  besik dadaun atu finanlista ona,estudante hirak ne’e lakleur tan  jovem sira husik ona eskola sekundaria  hodi hakat fali instituisaun ida ne’ebe maka as wituan,”dehan Federico .

Prezidente ne’e esplika katak, atu kontinua iha Universidade  ne’e depende ba posibilidade ida-idak nian .tan ne’e ho expozisaun  refere konvida estudante sira mai  hodi hare no fihir karik aban bairua  ba iha ensinu Suprior  hili to’ok ba ,buat ne’ebe maka estudante sira mai hare atu ba los ida ne’ebe .Tan  ne’e buat ne’ebe mak estudante sira hare foin maka iha konesementu ,iha uluk konesementu foin maka persija  osamentu uituan para  kria hodi hadia. Ho expozisaun ne’ebe maka loke ona SEPFOPE mos fa agradesementu ba kompanha hirak ne’ebe  maka mai fo apoiu ba programa ida ne’e  hodi hatudu posibilidade ba estudante sira durante loron  2 nian laran  hodi  presta hela informasaun ba estudante hirak ne’e  atu nune’e estudante bele hatene. Partisipa iha programa  expoziasaun kareira professional iha Munisipiu Viquequepostu Administrativu Viquequevila mai husi  sekundaria Galisa,4 Setembro  Viquque,Canosa Osu,Olocas no eskola sekundaria Santu Estevaõ. Nune’e mos Administrador Munisipiu Viqueque Jose da Costa  de Sousa hatete,program expozisaun ne’eb maka Governo liu husi Sekretariu Estadsu SEPFOPE halao ne’e programa ida ke diak teb-tebes atu motiva estudante sira hanoin oinsa atu prepar sira nia an ba iha futuru mai.

            “Ami autoridade lokal apresia ho  programa SEPFOPE nian ne’e importante atu habelar informasaun ba estudante finalista sira,atu nune’e wainhira estudante finalista remata ona estudu sira bele ba tuir formasaun iha sentru formasaun,” nia hatete Nia dehan, estudante finalist hirak ne’e la kleur tan remata ona sira nia estudu  iha ensinu sekundaria,iha expozisaun ida ne’e hodi atrai no hetan informasaun husi maluk hirak ne’ebe lori sira nia brosura ruma mai hatudu sira mos bele fo informasaun ba iha estudante sira, aleinde ne’e estudante sei halo vizita ba iha sivitores (estan) 24  ne’e hodi hetan informasaun konaba saida deit.(Kinta-sexta-feira(18/19) Municipiu Viqueque.Tika Simões)