SEPFOPE TIMOR-LESTE: May 2014

Seminario no Lansamentu Organizasaun Centru Dezenvolvimentu Joventude Distrito Lautem

Chefe Gabinete SEPFOPE Benigno da Cruz representa Sekretariu Estadu ba politika formasaun professional no emprego partisipa iha seminario no lansamentu Organizasaun Centru Dezenvolvimentu Joventude Distrito Lautem. Iha seminario Chefe Gabinete SEPFOPE Benigno da Cruz hato’o Papel SEPFOPE hodi intervan ba profesionalismo no joventude sira nebeé sidauk hetan oportunidade serbisu iha Distrito. Partisipa iha sermonia neé Membro PN, reprezentante Administrador Distrito Lautem, Lino Fereira, Komandante PNTL Distrito Lautem Marco, reprezentante Sekretariu Estadu Desportu joao Rodrigues, Juventude, komunidade no mos estudante Distrito Lautem (29/5). Media SEPFOPE.

Programa Seasonal Workers Program (SWP)

SEPFOPE halao reuniaun ho Departamentu Empregu Australia hodi diskute kona ba programa Seasonal Workers Program (SWP), delegasaun husi SEPFOPE ne´ebe kompostu husi Xefi Gabinete Benigno da Cruz, Direktur Nasional Kolokasaun Empregu Frederico Pereira Matos, Direktur Nasional Administrasaun Finansa Rogerio Mendonça, Xefi Departamentu Empregu Rai liur Valencio de Jesus, no Adidu trabalho ba Australia Ismenio Martins da Silva no adidu trabalhu foun ba Australia Filipe Mesquita halao sorumutu ho Departamentu Empregu Australia hodi diskute konaba programa Seasonal Workers Program (SWP) iha edifisiu Ministeriu Trabalhu Australia.

Molok hahu reuniaun Delegasaun ne´ebe xefia husi Xefi Gabinete SEPFOPE, hato´o agradesementu ba Departamentu Empregu Australia ne´ebe mak bele simu delegasaun hodi diskute kona ba programa SWP entre Governu Australia no Governu Timor Leste ne´ebe mak estabelese ona, iha tempu ne´e mos halo mos introdusaun ba Direktor Jeral Mark Roddam no Direktur Nasional Empregu Susannah Smith ho ekipa kona ba objektivu husi visita ofisial no enkontru refere mak hanesan partisipa iha serimonia entrega servisu husi adidu trabalhu tuan ba adidu trabalhu foun inklui mos halo introdusaun ba Departamentu Empregu Australia ba kargu foun husi Sr.Valencio Anes de Jesus hanesan Xefi Departamentu Empregu Exterior truka pontu fokal Empregu Exterior Sr.Frederico Pereira Matos, Benigno da Cruz iha introdusaun ne´e husu mos ba Departamentu Empregu Australia nian atu bele kontinua kria kooperasaun no koolaborasaun ne´ebe mak diak ho adidu trabalhu foun Sr. Filipe Mesquita, no hato´o mos kooperasaun ne´ebe mak SEPFOPE hala´o ho Banku Nasional iha Timor Leste hodi hare´e konaba retornu ( remitance) ne´ebe mak trabalhador sira haruka mai familia iha Timor Leste.

Durante reuniaun husi Direktur Jeral husi Departamentu Empregu Australia Sr. Mark Roddam hato´o apresiasaun ba Governu Timor Leste liu husi SEPFOPE ne´ebe mak hala´o kooperasaun diak tebes ho Ministeriu Trabalhu Australia nian iha reuniaun ne´e mos husi departamentu Empregu Australia diskute ho delegasaun SEPFOPE konaba numeru trabalhador Timor Leste iha Australia ne´ebe ki´ik kompara ho nasaun Korea do Sul ne´ebe mak iha planu sei aumenta numeru trabalhador iha tinan ida ne´e no koalia mos konaba oinsa bele kria mekanismu diak ba prosesu visa nian, informasaun kona ba area servisu ne´ebe sei aumenta iha tinan ida ne´e inklui visita ofisial husi Departamentu Empregu Australia mai Timor Leste iha fulan Maiu tinan 2014, no Direktur Jeral ne´e mos akresenta apresiasaun ba SEPFOPE ne´ebe mak hahu hala´o ona peskiza kona ba retornu (remitance) ho trabalhador Timor iha Korea no tenik liu tan katak SEPFOPE lori programa ne´ebe foun no diak ba Departamentu Empregu Australia.

Durante visita iha ofisial iha Australia delegasaun SEPFOPE iha loron 28- Marsu – 2014, delegasaun hamutuk ho Embaxador Timor Leste ba Australia Sr. Abel Guterres iha edifisiu Embaixada Timor Leste Canberra Australia hala´o serimonia entrega servisu (hand over) husi adidu trabalho tuan ba adidu trabalhu foun Timor Leste ba Australia ne´ebe mak partisipa husi Deprtamentu Empregu Australia, Departamentu Imigasaun, Departamentu husi Negosiu Estranjeiru AUSAID, AUSTRADE, Departamentu Turismu Australia, Empresa ne´ebe mak fo servisu ba Timor oan iha Australia, no Familia bo´ot Timor oan ne´ebe hela iha Canberra Australia.

Introdusaun husi Ismenio Martins da Silva hato´o agradesemntu bo´ot ba fiar husi SEPFOPE hodi asume kargu nudar adidu trabalhu, liu husi delegasaun ne´ebe xefia husi Xefi Gabinete, adidu trabalhu ne´e realsa mos katak apoiu, koolaborasaun no kooperasaun ne´ebe mak durante ne´e kria ona ho instituisaun relevantes ho servisu adidu trabalhu nian agradese tebes.

Iha serimonia ne´e mos husi instituisaun ne´ebe mak sempre hala´o servisu ho adidu trabalhu hanesan Deprtamentu Empregu Australia, Departamentu Imigasaun, Departamentu husi Negosiu Estranjeiru AUSAID, AUSTRADE, Departamentu Turismu Australia, inklui Empresariu sira hato´o mos sira nia apresiasaun ba adidu trabalhu nia progresu servisu durante asume kargu nudar adidu trabalhu iha nasaun Australia no kooperasaun ne´e be mak diak tebes no sira prontu atu kontinua kopera ho adidu trabalhu foun ba Australia.

Xefi Gabinete ne´ebe representa SEPFOPE hato´o apresiasaun ba apoiu husi Sr. Embaxador Timor Leste ba Australia ne´ebe fo apoiu tomak ba programa Seasonal Workers Program ( SWP) hamutuk ho adidu trabalhu iha Australia, no mos ba kordenasaun ne´ebe mak diak ho instituisaun relevantes ho asuntu empregu iha Australia nian no familia Timor oan ne´ebe mak iha Australia fo apoiu tomak ba programa SWP liu husi adidu trablahu Ismenio Martins da Silva durante halao servisu iha ne´e tamba ne´e lori instituisaun SEPFOPE nia naran hakarak hato´o ami nia agradesementu bo´ot ba apoiu sira ne´e, iha oportunidade ida ne´e mos hakarak husu nafatin kooperasaun no koolaborasaun ne´ebe diak ho adidu trabalhu foun Filipe Mesquita ne´ebe mak sei hala´o fila fali kna´ar nudar adidu trabalhu iha Australia, no hakarak agradese mos ba Departamentu Empregu Australia ne´ebe mak iha ona planu atu bele aumenta numeru trabalahador Timor oan iha tinan ida ne´e, no konvida mos ba konvidadus sira katak Timor Leste nasaun ne´ebe ki´ik no nakloke ba ita bo´ot sira hotu hodi bele ba visita iha Timor Leste hodi hare´e besik liu tan potensia saida mak Timor Leste iha, ambiente inklui prosesu desenvolvimentu iha ami nia rai.

Serimonia hand over ne´e mos Embaxador Timor Leste ba Australia Abel Guterres hato´o nia apresiasaun ba Ismenio Martins da Silva ne´ebe mak halao servisu ho diak tebes durante asume kargu nudar adidu tarabalhu iha Australia no bemvindu ba adidu trabalhu foun mai iha Australia iha ne´e ami prontu nafatin atu koolabora no koopera ho adidu trabalhu foun Filipe Mesquita durante hala´o kna´ar iha Australia atu nune´e bele fo susesu nafatin ba programa Seasonal Workers Program (SWP) iha nasaun Australia hodi nune´e ita bele hamenus numeru kiak no desempregu iha ita nia rai Timor Leste, fiar katak ho adidu foun espiritu foun bele halao diak liu tan programa ne´ebe mak hala´o ona husi adidu tarabalhu tuan.

Kampañia Uza Ekipamentu Protesau Salva Vida Tama Ona Distritu Aileu

Kampañia ba protesaun vida trabaladór sira ne’ebé Sekretariu Estadu ba Politika Formasaun Professional no Empregu (SEPFOPE) hala’o tama ona iha Distritu Aileu.

Iha Kuarta (20/05), Sekretariu Estadu Ilidio Ximenes da Costa kontinua hala’o kampaña uza ekipamentu salva vida ba trabaladór sira ba daruak, iha Aileu. Kampañia ba dahuluk hala’o iha distritu Dili.

Tuir SE Ilidio, trabaladór mak sai hanesan xave importante ba dezenvolvimentu nasionál no roda ekonomia.

Tan ne’e, nia hatete, Diresaun Nasional Inspesaun – SEPFOPE, iha haoin oinsa atu halo sosializaun kona-ba uza ekipamentu serbisu hodi nune’e bele garantia katak trabaladór sira hetan ona buat ne’ebé mak sai henesan sira nian direitu bazeia ba lei traballu.

“Trabalador sira tenke iha kondisaun ne’ebé dignu no oinsa ita bele proteje ita nia trabaladór sira par bele hetan salva vida wainhira sira halo sira nia knaar iha fatin serbisu,” dehan Ilidio.

SEPFOPE sei kontinua hala’o kampaña ne’e to’o baze no ekipa husi Inspesaun Jeral Traballu no Diresaun Nasional Relasaun Traballu sei kontinua halo sosialisaun liu husi televizaun no jornal.

Partisipa iha sermonia ne’e Administradór Distritu Aileu, Komandante PNTL Distrital, Diretór Nasionál sira, lider lokal, komunidade, kompañia, trabaladór no estudante sira iha distritu Aileu.

SEPFOPE Sei Hari Uma 5 Ba Kbi’it Laek Iha Daulorok

Secretaria Estado ba Politika Formasaun Professional no Empregu (SEPFOPE) sei hari uma lima iha Aldeia Daulorok, Sub distritu Soibada, Distritu Manatutu.

ekipa husi SEPFOPE ne’ebe mak lidera husi Chefe Gabine SEPFOPE, Beningo da Cruz, Direktur Nacional Empregu (DNE), Paul Alves no akompanha husi engeniro Nasional SEPFOPE realiza dialogo hamutuk ho komunidade iha Aldeia Daulorok Suco Manalala Sub Distrito Soibada Distrito Manatuto ho objectivo atu bele hari uma lima ba kbi’it laek sira iha aldeia refere. Delegasaun SEPFOPE sai husi Dili iha oras tuku 11 dadersan no to iha Aldeia Daulorok tuku 02 loro kraik. To iha fatin seremonia Aldeia Daulorok, komunidade sira simu delegasaun SEPFOPE ho tara selendang ba Chefe Gabinete SEPFOPE Benigno da Crus no Director DNE Paul Alves, hafoin ne’e hodi hakat ba tenda laran hodi hahu diskursu no dialogu ho komunidade Aldeia Daulorok.

Iha dialogu ne’e partisipa husi Adminisdtrador Distrito Manatuto, Administrador Sub Distrito Soibada, Lider komunidade no komunidade.

Ba Jornalista sira DNE Paul Alves esplika katak, objektivu husi vizita mai iha Daulorok ne’e tuir orientasaun SEPFOPE Ilidio Ximenes da Costa hodi halo koordenasaun ho Administrador Sub Distritu no Xefi Suco no Xefi Aldeia ne’ebe mak hela iha Daulorok ne’e. “Hanesan ita hotu hatene katak, foin dadauk Parlamentu Nacional (PN) aprova ona orsamentu $ 2 miloins atu halo uma 10 ba ema kbi’it laek sira. Tan ne’e mak uma lima 5 sei halo iha Aldeia Daulorok no uma lima seluk iha Nareka Distritu Viquque. tuir Paulo Alves.

Razaun SEPFOPE hari uma lima iha Aldeia Daulorok, tanba hare ba fatin ne’e hanesan fatin istoriku funu nain Falintil sira uluk subar iha fatin refere. Alende ne’e laos uma lima ne’ebe mak SEPFOPE atu halo ba povu ema kbi’it lae sira, maibe Aldeia Daulorok SEPFOPE mos identifika sai hanesan mos fatin turismu istoriku. Tanba bainhira ema ruma ba halo vizita, ema sei husu uluk ema funu nain sira subar iha fatin ida ne’ebe los, entaun fatin ne’ebe mak iha Manatutu mak iha Daulorok ne’e.

Objektivu ami mai vizita iha Daulorok ne’e iha programa rua mak hanesan halo koordenasaun ho Administrador Distritu sira ho Xefi Suco, segundu objektivu makkolia kona ba rai nebe amka atu halo uma ba komunidade, dehan Paulo Alves. Ne’e duni husi vizita ne’e komunidade, hatudu ona rai ba SEPFOPE hodi hari uma lima ba ema kbi’it laek sira iha Daulorok. “Ami sei relata fali ba Sekretariu Estadu SEPFOPE Ilidio Ximenes da Costa para bele halo konstruksaun uma lima ne’e ba ema kbi’it laek sira,”haktuir nia.

Tuir Paul Alves katak, atu halo uma lima ne’e, sira sei uza sistema harosan, involve komunidade hili fatuk, loke dalan. Bainhira atu hari uma ne’e mak ita uza badaen sira. Badaen sira ne’e mak husi labariks ira mak tuir formasaun iha centru formasaun Tibar, Dom Bosco ho Senai Becora sira ne’e halo hela treinamentu sira mak sei halo uma ne’e.

Atu reforsa liu tan, kuandu uma lima ne’e halo uza rai mean, mak SEPFOPE sei hili joventude husi Aldeia Daulorok hodi tuir formsaun depois bele konstrui uma lima ne’e ba kbi’it laek sira.

Iha parte seluk Chefe Gabinete Benignu da Crusz hateten katak, hari uma lima iha Daulorok hanesan konfiansa ida husi Governu, fiar katak, konfiansa ne’ebe mak Governu fo ne’e bele fo haksolok liu tan ba povu no dezenvolvimentu atu lao diak, ita persiza konfia ba malu Chefe Suco Manlala, Antonio Soares da Costa husu ba SEPFOPE tinan –tinan halo nafatin uma lima ba ema kbi’it lae, sira, tanba ema kbi’it laek barak. Antonio hatutan, rai sira ne’e komunidade mak oferese tuir ida-idak ninia kintal hodi hari uma lima ne’e, maibe rai ne’ebe kbi’it laek sira oferese la to hektaris. “Rai ne’ebe mak hau nia povu oferese ne’e laos rai Estadu ninian, maibe povu sira ninian rasik,”tenik Antonio.

Seremonia Graduasaun SOLS NGO UNIVERSITY

Chefe Gabinete SEPFOPE, Benigno Humbertu da Cruz, Reprezenta Secretaria Estadu ba Politika Formasaun professional no Empregu ( SEPFOPE) partisipa iha Seremonia Graduasaun SOLS NGO UNIVERSITY iha nivel bacharelato ba graduadu hamutuk nain 46 (Timor Leste 31, Cambodia 15) hamutuk ho fundador SOLS, Mestre, inan aman husi graduadu no estudante sira iha SOLS 24/7 Becora, Dili 27-Maio-2014.

Diskursu husi Chefe Gabinete SEPFOPE, Benigno Humbertu da Cruz, Reprezenta Secretaria Estadu ba Politika Formasaun professional no Empregu ( SEPFOPE) partisipa iha Seremonia Graduasaun SOLS NGO UNIVERSITY iha nivel bacharelato ba graduadu hamutuk nain 46 (Timor Leste 31, Cambodia 15) hamutuk ho fundador SOLS, Mestre, inan aman husi graduadu no estudante sira iha SOLS 24/7 Becora, Dili 27-Maio-2014.