SEPFOPE Lansa Primeria Pedra ba Turismu Komunitaria no Uma 5

Sekretariu Estadu ba politika formasaun professional no emprego, Ilidio Ximenes da Costa lanca primeira Pedra ba konstrukasaun turismo komunitario no uma Lima iha Suco Seloi Karik, atividade ne hetan partisipasaun husi Administrado Distrito Aileu Martinho Tavares, Komandante PNTL Distrito Aileu, lider lokal,  komunidade Seloi kraik no Seloi Malerek  no lia  nain partisipa iha lancamentu ba Primeiro Pesra (tau  fatuk inan ) ba fatin turismu komunitaria no uma lima iha  Seloi kraik no Seloi Malerek  Sub Distrito Aileu Vila Distrito Aileu.

Objectivo husi programa lancamentu ba fatin turismo komunitaria turismu no uma lima hanesan parte husi programa SEPFOPE liu husi Diresaun Nasional Emprego no baze legal ba implemtasaun atividade ne mak resulusaun Konselho 24/2013 nebe fo dalan ba SEPFOPE atu kaer knar,no objektivu seluk  oinsa mak atu kria  kampu servisu konserteza la ses husi dezenvolvementu area turistiku no mos uma lima ne’ebe mak sai kestaun Nasional. Alende ne’e mos SEPFOPE prepara  ona  rekursu humanu atu halo fatin turismu komunitaria no halo uma lima  ne’ebe atu halo iha Seloi kraik no Seloi Malerek  ne’ebe husi trabalhador husi sentru formasaun  Tibar, Dom Bosco no Sentre Formasaun Senai Becora, trabalhador  hirak  ne’e  mai husi area konstruksaun, elektricidade, kanalizaun no karpintaria dehan Ilidio Ximenes da Costa.

Ba tinan  ne’e  laos  hari de’it turismu komunitaria iha Seloi kraik  maibe  tinan ne’e  sei halo  fatin turismu iha  fatin  seluk hanesan Com iha Lospalos, Be manas Maraobo, Mota Bandeira Ermera no  ba  uma lima sei hari  iha  fatin  rua  hanesan iha Seloi Malerek Distritu Aileu no Distritu Manatuto.  Ida ne planu  ne’ebe  mak fiksu  ona no orsamentu ne’ebe  mak iha ona, ba dahuluk ita halo no lanca iha Suco Seloi Kraik no Seloi Malare, nia  haktuir,sistema  ne’ebe  mak atu halo  uma no  fatin turismu komunitaria  ne’e  uja  materail rai laran  la prisija  ona  material mai husi rai liur, uza material rai laran  hanesan  tijolu no fatuk natureza.

 Iha  fatin  hanesan  Adimistrador Distritu Aileu  Martinho  Matus hatete, imi  nia  hakarak realiza duni programa SEPFOPE iha Distrito Aileu entau husu ba  joventude Aileu  oan  tenke iha partisipasaun maka’as  tanba  joventude  mak importante  ba planu no matenek  iha suku  refere. Hau hakarak joventude involve direta iha prosesu desenvolvimentu nasional no partisipasaun joven sira importante liu liu husi programa suku  hanesan  estradas, rehabiltasaun eskola, bee  mos, saude no  seluk  tan

Martinho  haktuir, ne’e duni ema hotu tenki bolu desenvolvimentu nebe  diak mak hetan mos partisipasaun husi komunidade no planu dezenvolvimentu ne hanesan inspirasaun povu atu bele  realiza nia  hakarak iha  suku nia  laran no bainhira  imi la partisipa imi kualia mak  barak no politika  de’it mak barak  ita la  halo buat  ida ba  ita  nia  suku, tanba  ne’e sekretadu Estadu SEPFOPE mai  lansa  fatin  turismu  komunitariu iha  ita nia suku.

”hau  lakohi rona problema  ba rai no husu ba  kompania  ne’ebe kaer projeitu ne’e  tenke  kumpri regulamentu ne’ebe kontratu  fulan  tolu tenke sai tanba hau  hatene  katak,fulan  Novembru tinan ne’e tenke  fatin turismu komunitariu  iha suku  ne’e  remata tanba  ne’e  husu liu ba  xefe suku  aldeia  rua tenke akompania  kompania  ne’ebe  halo fatin  turismu komunitaria  iha fatin refere,nu-ne’e mos  husu ba  kompania  iha  problema  tenke  rejolbe labele  garantia  ba  Governu.”dehan Martinho

Alende  ne’e Xefe suku,Seloi Maleke Jasinto Ribeiru Dias informa katak rai ne’ebe mak halo  fatin turismu komunitaria no uma lima ida  ne’e rai pribadu ne’ebe  mak hahu inisiu mai husi konsultasaun ho rai nain no lideransa komunitaria. Nia  haktuir kona-ba  medida ba  kada uma,ida ne’e depende ba teknikamente husi dezenu ne’ebe  mak hatudu katak povu iha rai no povu iha dezenvolbementu rai nia modelu mak hanesan ne’e no metru ba rai nia  luan ne’e labele  hatene  maibe  tekenikamente mak bele hatene.

Ekipa Media SEPFOPE