Expozisaun Kareira Importante Ba Estadante

Opening Ceremonial Expozisaun Karirera 2015 DILI

Dili-Sekretaria Estado ba Politika Formasaun Professional no Emprego(SEPFOPE) Liu husi Dirasaun Nasional Emprego(DNE), kada tinan-tinan sempre organiza Expozisaun Kareira Professional no feira Emprego tantu iha Municipiu inklui Capital Dili  rasik. Expozisaun kareira nee halao tiha ona iha Municipiu hotu remata iha Capital Dili ba Tinan 2015.

Seremonia Expozisaun Kareira nee Abertura Acompanha ho mos animasaun husi Estudante Infantil ASISI nian ho sira nia Ekipamnetus completo.

Sekeretariu Estado Conselho Ministros, Avelino Coelho, neebe mak partisipa mos iha seremonia hodi halo Abertura ba Expozisaun kareira hateten katak, Expozisaun kareira importnte teb-tebes ba estudantes sira liu-liu sira ne’ebe maka besik remata Escola sekundaria.

Opening Ceremonial Expozisaun Karirera 2015 DILI

“Iha programa ida nee SEPFOPE, organiza dala ida tan aktividade ida ne’ebe hanaran Expozisaun kareira, saida mak kareira ba ita idak-idak iha ita nia vida familia no sosiadade, ba uluk sei kiik ita nia inan-aman sira iha ona espektatifa no esperansa katak ita tenki ba escola, ne’ebe bainhira sira haruka ita ba escola loron ida bele sai ema ida ne’ebe util ba ita nia an no ba ita nia familia no ba ita nia sisiadade no ba Nasaun, tamba nee mak expozisaun nee importante tebes ba estudante sira,” hateten Sekretario Estado Conselho Ministros Avelino Coelho, iha seremonia expozisaun kareira iha Jardim Borja Motael Dili.

Governante nee hatutan tan, ho ida nee mak inan-aman sira investe bainhira sira haruka ba escola sira investe osan, sakrafisio, investe buat oin-oin para ita bele tama Escola no ikus ita bele sai ema.

“iha konteste dezenvolvimento nasional estadu nian ne’ebe mak VI Governo halao leno aan ba planu estratejiku dezenvolvimentu ne’ebe maka aprova iha parlamentu nasional SEPFOPE nudar entidade governamental ne’ebe estabelese define politika de formasaun oinsa atu bele kria empregus, kria kondisaun Auto-Emprego ho buat sira nee hotu ita kontribui ba rekontrusaun nasional, konstrusaun Nasional no Konstrusaun Estadu,” Membro Governo nee dehan tan.

Nia hatutan tan, iha kontestu nee maka ohin SEPFOPE organija aktividade ida nee, ne’ebe maka partisipa fundamentais rihun maka escola sekundaria, ida nee ho intensaun katak atu hatudu no inspira escola sekundaria sira depois remata escola atu ba nebe. Iha tinan sanulu liu ba desemprego afita liu ba ema ne’ebe atinji ensino sekundaria nune’e mos iha tinan hira liu ba ita komesa asisti dezemprego atinji mos kamadas ne’ebe hasai ona lisincatura. Iha tinan ida nee dadaun ita komesa asisti mos katak dezemprego atinji mos ona ema ne’ebe maka S2, karik imi bele ba oin tan ita bele S3 no mos barak mos seidauk hetan servisu ne’ebe adekuado ho ita nia intensaun no formasaun no propesaun kareira.

“ bainhira ita luta ba ita nia libertasaun ita hanoin katrak primeiro objectivo, liberta ita nia rain hafoin ita hakat ba liberta ita nia povu. Dezenvolvimentu tenki hahu husi ita nia knua, dezenvolvimentu tenki hahu husi ita nia suku, labele hanoin deit katak servisu iha cidade ne’e maka ema mais servisu iha knua nee laos ema. bainhira ita luta ba ukun an ita nia nasionalismu maka anti kolonialismo ita nia Nasionalismo maka anti explorasaun homen pelo homen, Valores sira nee maka hametin hatur espritu patriotiku ne’ebe maka mate fo nia vida ba libertasaun,” Sublinha Avelino Coelho. Membro governo nee husu ba Joven sira inspira katak vizaun iha realidade social ida nee, dezenvolve imi nia hanoin atu hamosu Nasionalismo iha imi nia fuan iha imi nia vida nasionalismo ida ne’ebe sei ijiji mos patreotismu katak sakrefika iha konteste misaun foun liberta ita nia povu.

Iha fatin hanesan, Padre Angelo Salsinha, ne’ebe maka reprezenta Bispo Aposttoliku Diosece Dili, Dom Basiolio do Nasimento, hateten katak, iha edukasauntenki lori ema ba vizaun ida konkerto transformasaun husi mundo labele hodi ema halai husi mundo. Tamba nee mak iha Edukasaun no expozisaun sira tenki fortifika ita nia foin sae sira atu hateke ba Mundo ida nee ho brani ho motivasaun forte, didikasaun, ho responsabilidade, ksolok no determinsaun hodi hakat ba oin.

“Ho Edukasaun motiva Joven sira no joven sira bele, sai ema ne’ebe maka importante iha Mundo ida nee, labele lori joven sira ba vida ida ne’ebe maka la klaro no labele lori joven sira ba vida foer no nakukun. Kuando sai ema professional tenki ema ne’ebe mak fokasaun sai ema professional tenki ema nee hakarak servi no servisu, nia la husu nia lahalerik nia latane liman, mais nia hare vijaun ne’ebe maka klaru kona ba nia Nasaun no nia vida, nia lasai atan ba Material, la sai atan ba Teknologi,”dehan Padre Angelo Salsinha

Reprezentante Dom Basiolio do Nasimento nee hato’o Parabens ba SEPFOPE ne’ebe maka organiza ona aktividade importante no valor nee, tamba ho aktividade ida nee bele loke liu tan vizaun foin sae sira nia no komunidade nian atu bele komprende diajk liu tan sira nia papel, sira nia partisipasaun iha Mundo ida nee atu dezenvolve ita nia rain ho solok.

“Hau mos hakarak hato mensagem Bispo nia  mai ita hotu katak, joven sira labele mai butuk deit iha seidade Dili, mais buka oinsa maka dezenvolvimeto ba to’o iha area rurais sira tenki lao iha baze sira ba knua sira, no fatin ijoladu sira, joven sira labele hanoin mai rame-rame deit iha Dili, buka atu aprende buat diak barak iha o nia an atu nune’e transforma fali iha suku”, Dehan Padre Angelo.

Nune’e mos Diretor Jeral SEPFOPE, Jacinto Barros Gusmão, hateten katak Expozisaun nee ba daal ikus husi Municipiu hotu.

“ Hafoin ita halo tiha Expozisaun iha Municipiu sanulu resin rua(12), ne’ebe agora dadaun ho ida ne’e remata ona, Expozisaun ne’e importante tebes ba joven foin sae sira, Exibitores sira ne’ebe maka iha hodi sira tetu sira nia hanoin bainhira sira remata sira nia escola,” dehan DJ SEPFOPE.

Orsamento ne’ebe  mak gasta ba expozisaun iha teritorio TL laran tomak hamutuk 150ML

Estudante  Escola Sekundaria nudar visitor  Hamutuk 8.600, ne’ebe maka iha capital Dili maka partisipa expozisaun refere, iha Exibitores hamutuk 23, ne’ebe okupa husi stand hirak ne., 

kompostu husi;

·         Sentru formasaun sira
·         Grupu Auto Emprego(mai husi Baucau)
·         Companhias Telekomunikasaun
·         Instituisaun governu(FFDTL,Policia no ANP)

Partisipa iha Seremonia ne’e kompostu husi  Sekretariu Estadu Conselho Minstros, Avelino Coelho, Sekretario Estado Joventude Desportu(SEJD), Leovegildo Hornai, Reprezentante F-FDTL no PNTL, Embaixadores, ONG Nasionais no Internasionais, Estudante balun, Expozisaun kareira ne’e halao durante loron rua hahu husi Quinta-feira to’o Sexta-feira(Tika Simoes)