SEPFOPE TIMOR-LESTE

SEPFOPE Koordena Administradór 13 Distritu ba PER 2013

DILI- Parlamentu Nasionál aprova orsamentu ba Programa Empregu Rural (PER) 2013 ba Sekretariu Estadu Politika Formasaun Profissional no Empregu (SEPFOPE) hamutuk tokon U$ 10 resin. Tanba ne’e, Sekretariu Estadu Ilidio Ximenes hateten. Atu implementa PER 2013 iha kada distritu sira nia parte tenke koordena uluk administrador sira.

Antes implementa PER ne’e ami tenki koordena ho administrador kada distritu hodi hatene projetu saida maka sei tama iha sira nia area” dehan nia hafoin enkontro ho administrador 13 Distritu iha edifisio SEPFOPE caicoli, Dili, horiseik.

Tanba tuir Ilidio katak, proposta ba empregu rural liu-liu ba konstrusaun Estrada rural tuir data base SEPFOPE kuaze 73 iha 13 Distritu, atu nune’e, administrador sir abele hatene kompañia ne’ebe mak hatama ona proposta. Amo ho Administrador sira sei verifika fali proposta hirak ne’e antes kompañia sira halao obra,” Ilidio hateten sira nia parte halo koordenasaun ona ho monisteriu Obrtas Publiku no Ministeriu Estatal atu nune’e obra ba programa empregu rural lalika falia.

Iha fatin hanesan, Administrador Distritu Lautem, Zeferino sequera Pereira, apresia koordenasaun ne’ebe SEPFOPE kria, atu nune’e, bele hatene lalaok programa empregu rural 2013. Maibe hau hanoin SEPFOPE presiza hare’e didiak mekanismu simu proposta tanba kompañia barak mak hatama proposta maibe laiha konhesimentu husi ami,” nia informa.

Hatan ba prekupasaun ne’e SEPFOPE dehan, nia parte sei hare duni makanismu atu simu proposta tenki iha konhesimentu husi autoridade local. Maibe ita nia lei mos garantia katak se de’it mak hatama proposta husi parte governo iha responsabilidade atu foti,” nia informa.

Tuir planu, prposta hirak ne’e sei halo avaliasaun no enjeneiro SEPFOPE sei ba hare diretamente hamutuka dministrador sira antes implementa iha fulan Maiu tinan ne’e. Jornal Independent

SEPFOPE Kometimentu Kapasita engenheiro Sivíl

Díli-Kapasita di’ak liutan Funsionáriu Públiku engenheiro Sivíl iha Sekretariadu Estadu Polítika Formasaun Profisionál no Empregu (SEPFOPE), sekretariadu sosa ona ekipamentu enjeñaria hodi bele fasilita sira nia servisu.

Sekretáriu Estadu, Ilídio Ximenes hateten, presiza duni funsionáriu sivíl iha SEPFOPE hetan Kapasitasaun liu husi formasaun hodi hatene kle’an liu ba ekipamnetu área enjeñaria sivíl. Tuir nia, total orsamentu ne’ebe SEPFOPE sei gasta ba hola ekipamentu Enjeñaria sivíl hanesan Theodolite, Hand Level, Water Level, GPS, Leveling no Koputadór inklui printer, nia dehan, ekipamentu engenheiro sivíl ne’e sei entrega ba treinadór hodi fó formasaun ba funsionáriu enjeñaria sivíl sira iha SEPFOPE.

Objetivu ba formasaun enjeñariu sivil ne’e, funsionáriu públiku SEPFOPE sir abele hakbiit aan hodi hatene uza ekipamentu hirak ne’e hodi hadi’a métodu peskiza ba projeitu empregu rurál iha territóriu TL, liu-liu Estrada rural sira. Jornal Independent

Korea Oferese Fatin Seguru Ba Traballhadores TL

Kandidato Trabalhadores Timor Leste

Governu Korea do Sul Oferese ona fatin seguru atu halo evakuasaun ba trabllhadores Timor oan iha Korea do Sul, wainhira mosu situasaun seguransa ne’ebe bele prezodika estabeilidade Korea do Sul nian. Ikus-ikus ne’e mundu tomak prekupa hela ho ameasas boot husi Korea do Norte ne’ebe mak prepara an hakarak halo funu hasoru Korea do Sul ho Estadus Unidos amerika(EUA).

Ba dau-daun ne’e ita nia trabalhadores iha Korea do Sull la iha problema no seidauk iha ema ida mak kanek, Ne’ebe buat hotu diak hela, tanba ita nia adidu rua ho Embaixada TL iha Korea do Sull halo koordenasaun diak tebes ho Governu Korea do Sull,” Informa Sekretáriu Estadu Polítika Formasaun Professionál no Empregu (SEPFOPE),Ilídio da Costa Ximenes, ba JN Diário iha Hotel Timor Kinta(11/4).

Sekretáriu Estadu Ilídio Ximenes, Informa mos katak ,to’o horikalan (horseik Kalan-red) nia parte simu informasaun katak, Governu Korea do Sull mos fo sai ona noticias no apelu ba turista no traballhadores sira atu lalika tauk ho situasaun ne’ebe sei kontroladu hela.

Ilídio Ximenes Sublinha hikas katak, se wainhira akontese buat ruma, Governu Korea do Sull, Oferese ona fatin seguru para halo evakuasaun ba trabalhadores Timor oan sira.

Governu Timor Leste koopera nafatin ho Governu Korea do Sull, atu oinsa mak halo evakuasaun ba ita nia trabalhadores, se karik mosu situasaun deskontroladu. Hakatak dehan mos katak, Governu Korea do Sull ofrese ona fatin seguru atu halo evakuasaun ba ita nia trabalhadores, se buat ruma akontese,” hateten SEPFOPE Ilídio da Costa Ximenes. Oras ne’e dau-daun, traballhadores Timor oan ne’ebe mak hala’o hela servisu iha Korea do Sull hamutuk ema nain 1.125 ne’ebe sira nia kondisaun diak tebes. Jornal Diário

Abrigu ba historia Resistencia PM Xanana Gusmão

Secretario Estado SEPFOPE kolia hamutuk ho autor ba historia Resistencia Sr.Gil de Araujo Martins ho kode Lemori Mate Moris, Suco Soru Karik Distrito Ainaro, iha Tinan 1990 Sr. Gil de Araujo Martins ho kode Lemori Mate Moris subar comandante Xanana Gusmão durante fulan 3 iha nia uma

Abrigu ba historia Resistencia PM Xanana Gusmão no komandante Falintil subar hodi hasoru inimigo sira e comandante Xanana Gusmão subar iha fatin neé durante fulan 3 iha tinan 1990 iha Sr. Gil de Araujo Martins ho kode Lemori Mate Moris, Suco Soru Karik Distrito Ainaro