Apoiu ne'ebe mak AusAID suporta ba Don Bosco Fatumaca durante tinan haat nia laran, haree liu ba kapasitasaun joven sira ne'ebe mak laiha posibilidade atu kontinua nia estudu.
Direktor Formasaun Tekniku Fatumaca, Adriano de Jesus hateten, suporta ne'ebe durante ne'e Governo Australia no Governu Timor-Leste apoiu konsege produs no forma ona joven na'in 420 ne'ebe preparadu atu utiliza iha kampu servisu.
Nia dehan, serimonia ne'e hala'o atu nune'e, Misaun Don Bosco bele maneija rasik sentru ne'e hodi bele kontinua fo kapasitasaun ba joventude timor-oan sira.
Iha fatin hanesan, Sekretariu Estadu Politika Formasaun Profissional no Empregu (SEPFOPE), Ilidio Ximenes, rekonese katak, durante ne'e sentru formasaun Don Bosco suporta joven sira liu husi kapasitasaun iha area oioin.
“Hau agradese ba ita boot sira (AusAID), tanba ajuda ona sentru ne'e hodi fo kapasitasaun ba joven barak ne'ebe durante ne'e sente lakon ona sira nia mehi iha futuru,” dehan Sekretariu Estadu Ilidio.
Nia hatutan, Governu liu husi SEPFOPE sei kontinua nafatin fo apoiu no tau matan nafatin ba sentru ne'e hodi bele kontinua fo kapasitasaun ba joventude sira para ajuda dezenvolvimentu iah rai laran.
No comments:
Post a Comment