Kursu maritima ne’e governu loke atu fo kapasitasaun ba joven sira hodi bele dezenvolve área maritima nian iha futuru. Tanba, iha futuru mai Timor-Leste sei iha ró rasik ne’ebé tenke jere husi timor-oan rasik, inklui ró Nakroman.
Liu husi sereimonia abertura kursu maritima, Sekretariu Estadu, Ilidio Ximenes enkonraja nafatin ba joven sira atu bele tuir kursu ne’e hodi bele kontribui ba dezenvolvimentu nasaun nian.
“Tenke hanoin katak futuru hahu ohin, uza oportunidade ne’e ho di’ak tanba ró Nakroman sei intrega mai Timor,” dehan Sekretariu Estadu.
Kursu ne’e loke liu husi kooperasaun entre Timor-Leste ho Alemaña, tanba ne’e, husu ba joven sira ne’ebé partisipa iha kursu ne’e atu hatudu atetude ne’ebé di’ak durante prosesu aprendizajen la’o. Atu nune’e, loke oportunidade ba kontinuidade kursu ne’e iha futuru.
Iha fatin hanesan,Vise Primeiru Ministru, Fernando Lasama de Araujo hateten, atu garante indepensia Timor-Leste la’os depende ema husi rai liur. Tanba ne’e, timor-oan rasik mak tenke jere no kontrola sira nia ró rasik.
Nia dehan, kursu ne’e mós bele ajuda timor-oan sira hodi kontrola nia riku-soin iha tasi laran. Tanba, tuir relatoriu kada tinan-tinan TL sempre lakon riku-soin iha tasi laran kuaze milliaun ba milliaun.
Tuir informasaun, traballador timor-oan sira ne’ebé servisu iha Koreia Sul na’in 10 oras ne’e daudaun hahu kaer ró ne’ebé nia model hanesan ho ró Nakroman.
SEPFOPE iha ona Facebook page mesak, se bele fo sai mos vaga servisu nian iha neba para ema bele asesu. thanks!
ReplyDeleteagora sira komesa loke ona vagas servisu ba kose lafaek nia nihan
ReplyDelete