SEPFOPE Inagura Estrada Aiceo

Sekretariu Estadu Formasaun Profisional no Empregu, Ilídio Ximenes da Costa hamutuk ho Director Nasional husi SEPFOPE inagura projecto rehabilitasaun Estrada, passadeira no manila ho medidas 11 km iha Suku Raimerhei/Aiceo, Sub-Distritu Ermera. Sesta (3/5). Media SEPFOPE

ERMERA : Sekretariu Estadu Politika Formasaun Professional Empregu(SEPFOPE), inagura Estrada iha Suku Aiceu, sub-distritu ermera, distritu Ermera.

Estrada ne’e hetan reabilitasaun ho medida kilomentri 11 ne’ebe kaer husi kompañia Civani Costuction Lda ne’e hahu iha loron 1 de Setembru 2012 no remata iha 03 Marsu 2013  ho montante orsamentu US$ 420 resin.

Sekrtariu estadu Ilídio Ximenes sente orgullhu ba reabilitasaun Estrada ne’e.

Maski nune’e, nia husu ba kompañia atu hadia failansu balun ne’ebe sei mosu.

“Ha’u husu ba kompañia atu hare ba parte tekniku,hamutuk ho autoridade local no komunidade atu ateru  Estrada ne’ebe seidauk iha kondisaun,” dehan nia hafoin serimonia Inagurasaun, kinta (03/04)

Iha fatin hanesa, Koordenadór Estrada Rural SEPFOPE, Luis Bere-tasi hateten.durasaun tempu ne’ebe fo durante fulan 3, maibe tanba situasaun klimatika halo projeitu ne’e la remata tuir tempu ne’ebe termina.

Maski gava inisiativa kompañia Civani, Luis husu nafatin atu kompañia ne’e halo tetuk Estrada ne’e.

“iha tempu badak ami sei bolu kompañia atu kontinua halo tetuk Estrada(Foring)nune’e parte AND ba hala’o fislakizasaun final atu halo pagamentu final atu halo pagamentu final ba Kompañia,”dehan nia.

Entertantu, Dirtora Compañia Civani Construsaun Lda, Alexandrina D.S. Martins hateten, kondisaun natureza iha área ne’e la favorese tanba ne’e projeitu ne’e demora oituan.

Nia dehan, komapñia barak mak lakohi atu kaer projeitu iha área ne’e,maibe nia parte hatudu komitmentu tanba hakarak atu komunidade sir abele asesu Estrada.

“Ha’u hakarak halo no lakohi hetan lukru importante mak ha’u loke Estrada hodi komunidade asesu,”katak nia.

Nia informa, nia parte reabilita Estrada ho medida klometru 1 ho ponte 27,inklui pasadeira boot ida ho bronjong.

Pasadeira ho bronjong nia dehan, la tama iha BoQ, maibe inisitiva husi kompañia rasik atu halo.

Obra ne’e,nia dehan, fó servisu ba traballadór na’in 430.

“Ami uza traballhadór local deit no uza mó makina 4, exkapator 2 no silindru 2, ne’ebe kaer husi traballhadór local sira,”nia informa.

Kona-ba Estarada balun ne’ebe udan sobu, nia dehan,nia parte pronto hadia fali maski uza nia osan rasik.

“Ha’u sente atu hetan benefisiu husi projeitu ne’e ami laiha ona maibe ami hakarak hetan benefisiu di’ak liu maka Estrada tama ho kualidade,” katak Alexandrina.

Komunidade Aiceo Luis Casmiro Martins agradese ba Kompañia no Governu ne’ebe iha inisiativa hodi loke Estrada ba sira nia fatin. Jornal INDEPENDENTE