Formandos Na’in 20 Hetan Kontratu Husi Kompania liu husi Governo SEPFOPE

Dili- Sekretariu Estado Politika Formasaun Professional no Empregu(SEPFOPE) liu husi Diresaun Nasional Trabaladores hamutuk nain rua nolu (20) hetan kontratu husi Kompania hanesan, Novo Turismo (NT), no Community Housing Limited (CHL).

            Juventude hirak ne’e tuir formasaun iha nivel I-II. Agora daudaun sira hetan kontratu husi kompania sira liu husi SEPFOPE. Ne’e duni, SEPFOPE buka fundus ba sira atu nune’e sira ba halo pratika iha industria sira ne’e ho duransaun tempu fulan tolu.

 hateten Diretor Jeral SEPFOPE, Jacinto Barros Gusmão, , foin lalais ne’e kompania balun sei apoiu atu haruka sira ba pratika iha area industria hodi buka esperensia. Kuandu sira servisu la di’ak kompania haruka fila, maibe se di’ak kompania bele haruka sira kontinua servisu iha ne’eba. Tanba, industria sempre buka ema ne’ebe iha esperensia servisu.

Aleinde ne’e, Diretora Interenu Dirasaun Nasional Ba Formasaun Profesional (DNAFOP) Isabel Fernandes de Lima hateten, formadus sira ne’ebe prepara an atu ba buka esperensia iha kompania hirak ne’e. Ne’e duni, tenke disiplina an ba tempu no fo dedikasaun tomak hodi bele aprende para aban bain rua bele kompete iha ne’eba.

            Formadus hira ne’e iha area rua hanesan, konstrusaun civil no Hospitalidade. Tanba ne’e, Hotel Novo Turismo simu de’it ema nain lima (5), sira na’in resin lima (15) husi area Construsaun Civil  ba iha CHL.

  “Ita koalia kon ba turismu no ospitalidade ne’e mane mak barak iha area ida ne’e. maibe, konstrusaun bele ba mane no mos ba feto, hanesan mos ba turismu,” (07/11) Tika Simões