 |
| S.E Sr. PM-Timor Leste Xanana Gusmao |
Tinan
2014 besik atu remata daudauk ona! Tempu to’o ona duni ona atu hasai desizaun
ida ne’ebe korreta! Desizaun ne’e sei mosu, iha tinan 2015, mesmu antes de
Governu ida ne’e halo tinan rua ho balu ba nia mandate. Hau la konsege halo
sedu liu, tamba okupadu ho CPLP, ho viajens lubuk ida, tuir ita nia kompromisus
internasionais, husi kedas Dezembro 2013 to’o Outubro 2014, no ikus ne’e mosu
okupadu ho asuntus kona-ba interese nasional estratejiku. Husi fali seluk,
sempre diak liu, depois de orsamentu aprovadu tiha, evita konfuzaun barak.
Dezede
22 de Novembru tinan 1978, maka hau assume kamandu rezistensia nian. Iha tinan
sira ikus ona iha dekada 80, tamba gerrilheirus barak mate naba-naban, hau jura
ba matebian sira no ba sira ne’ebe moris, katak funu hotu tiha, hau sei la buka
kaer responsabilidade politika ka kargu ruma (hodi nune’e maka, iha 2001, hau duni dissolve CNRT/Rezistensia, no la
tama iha partidu ida). Iha 20012, hau la konsege ses-an husi ne’eba (Sekretariu Estadu Amerikanu Collin Powel, PM
Japaun Kouzumi, tempu ne’eba sei Menko Polkam SBY no Sekretariu Jeral ONU Kofi
Anan, sira nia persaun atu sai Prezidente pelu menus tinan lima). Iha 2006,
tamba hau la hatene (hanesan agora hau konhese daudauk) katak iha interese
ne’ebe la-los interese Timor-nian buka sobu ita nia sosiedade ne’ebe frajil
hela, hau hasai duni desizaun ida ne’ebe la-los (hodi husu PM Alkatiri atu
rezigna, hodi interese ne’ebe hau temi sai kontenti tebes) no, ida ne’e maka
halo, iha 2007 Ha’u mai kaer Governu, depois de kria tiha
partidu ida.
Tempu
la’o bebeik no sei la para; frakeza umana(katak husi hau nudar ema) maka kaer
metin ideia k hanoin ida, nebe bele sai hanesan balsamu(ka ai-moruk diak) ba
buat hotu nebe akontese lorloron, nebe bele halo hirus ka stress. Funu entre “ego” nebe gosta sinti katak ha’u iha knar hotu-hotu nia let. Iha funu ne’e duni baunhira ‘Ego’ makaa
manan, maka hamoris sente katak imprescindivel’ duni (katak,presija teb-tebes
halo falta tebes). Auto-satisfasaun ida ne’e nia efeitu/rezultadu maka hatohik
no bele halakon ‘Bom senso’ (katak hanoin ho ulun-malirin no lójika), buat ida
nebe agora susar atu hetan iha sosiedade nia laran, karik hanesan rezultadu
demokarasia nian, karik hanesan rezultadu demokrasia nian, karik mós nudar
produtu husi tempu modern nian. ikus-ikus ne, ha’u esforsa atu afasta(kases)
husi ha’u nia an-rasik,hanesan ona objective ás-liu ba ha’u nia pasajem iha
mundu ne’e.uluk, iha tempus difiseis funu nian, iha nebe sakrifisiu ho
privasoens(ka terus no susar) hotu nebe ha’u lori iha hau nia isin loln, nunka hamenus
oituan ha’u nia vontade boot atu ultrapassa obstákulus,nebé mosu iha area
subjectiveka, iha hanoin, iha rasiosíniu no iha análiza).
Ha’u
tenki buka no esforso-an atu hatene uluk no didiak, hodi bele hatutan, ho
klareza, ba sira seluk, atu hetan kompresaun nebe los no metin duni, kona ba
sá-ida maka ita hakaraka ka iha tempu
nebá). Konhesimentu s hotu-hotu tenki lori ba pratika funu nian, ho hanoin ba
tempu nebe naruk tebes duni(durante tinan 21 nia laran), hodi mos prepara ba
situasoen nebe sempre sei mosu at uteri netik esforsu hotu-hotu nebe orienta ba
buat nebe hakarak alkansa nudar meta ka objective lúlik ida. Ohin, ha’u lori
todan ida nebe boot liu, tamba dezafius nebe hasoru barak tebes no oin-oin deit
iha situsaun ida ne’e, difikuldades iha ita-nia Rai-laran, nebe it abele hare
liu, maka mosu husi ‘ F r a j i l I d a d e s estruturais’ , ho ninia karakter
iha falta de ‘ fisiênsia téknika’, husi kultura social ida nebé nia valores
menus tiha ona, hodi halakon buat nebe temi ‘ Etika’ kona-ba ‘dedikasaun no
Sakrifisiu.’ Buat ida ‘gosta simu’ liafuan diak ka hanai nebe mesak furak, nebe
foti ema ida ba iha niveis as-liu du-ke nia merese ida ne’e, ha’u rekonhese ho
humildade-buat ne’e sai hanesan frakeza boot liu ba ser umanu ida(katak ba
ha’u). Maibé, frakeza ida né, ha’u tenki dehan, todan liu tan kuandu ha’u rasik
permite, mesa-mesak, hanoin katak ha’u maka diak liu ema hotu-hotu. Sosiedade, ohin loron, la presiza atu hamosu buat nebe
habolu ‘ idolu ka idola,’ ho se-se deit ida ne’e maka verdade nebe la muda!
Nudar ‘ser umanu’, ha’u apresia no dehan katak ha’u nia fuan senti nabén tiha
ho elojius nebe ema balun hato’o no, dala ruma, ha’u bele sala hodi hanoin
katak ba ha’u.
Maibé,
importante liu maka, iha ona rohan ba karreira polítika ida nebe ha’u la devia
tama, tamba hodi aproveita asegura deit benefisius ba ha’u rasik no ba ha’u-nia
familia, elojiu lolós, nebé ha’u sei rai didiak iha ha’u-nia fuan, maka :
ditador arrogante no korruptu’. Liafuan sira ne’e makaa sei hakerek iha ha’u
nia rate leten, iha Balibar(rai pedasuk
nebe ha’u seidauk konsege sosa, maski ho korrupsaun nebe ha’u halo no aijuda
ema seluk halo, hodi na’ok Riku-soi Estadu nian)Ita-nia
sosiedade iha ema barak ona ho kapasidade, ema nebé hetan edukasaun, husi
insituisoens nivel internasional nian, no mós iha ona mesterados iha areas
lubun ida, nebe ita-nia Rain presiza tebes. Ita-nian Rain presiza matenek: iha
siensia iha teknolojia, professional no iha vizaun ba progresu ekonomiku no
social. Tempu to’o ona atu loke oportunidades ne, ba Timor-oan sira nebe iha
potensial, atu fó barak no diak liu tan ba ita-nia País. Timor-leste maka
labele ona depedente deit ba desizaun ema balu-balun deit, no at liu, ba
desizaun ema ida deit nian!
Ema
ida-no ema ida ne’e, laos abilitada liu ba ezijensias foun nebe ita-nia Rain
enfrenta! Ema ida-no ema ida né, maka ha’u,nebe ho deit Liceu, ekivalente ba ,
ohin loron dehan, Sekundariu! Ha’u sés-an, no ha’u hein atu bá hatán, kona-ba
pratikas krimes korrupsaun nebe ha’u halo ka aijuda ema seluk halo .. hodi nuné Timor-oan balun nebé sei honestu
ka laran mos/hanoin mos (ema hanesan ne’e ladun barak ona iha Timor-Leste)bele
sinti katak justisa iha duni, katak la iha ema id abele ses-an husi justisa.
Tempu
duni ona atu halo mudansas! Tempu to’o ona, atu muda kondisoens nebe iha,
kona-ba lideransa iha Timor-Leste. Ha’u sei hala’o reestruturasaun drástika ba
V Governu. Ha’u tenki afirma katak, karik ita la halo buat barak diak, ita halo
balun, hodi rekonhese mós katak ita devia halo diak liu.
Ha’u
husu deskulpa bah au nia kolegas hotu iha governu, tamba hein kedas tinan ida
tomak, atu hau hasai desizaun ruma! Husu ba imi hotu atu prepara-an, husi kedas
agora, atu simu disizoens ne’ebe hau sei hasai, nudar xefe do \governu, ba
interese nasionais. Hau husu deskulpa ba partidus koligasaun. Maibe
restrusturasaun ida ne’e, sei la hare ba interese partidu ida-idak nian, tanba
sei tane as interese ne’ebe governu iha dever atu tane, hodi defende no servi
ba povu no ba nasaun.
Hau
fiar metin katak, ho hau nia partisipasaun ida ne’ebe sei ladun rellevante opna
iha aktividades loron-loron nian, Governu foun sei hasoru oportunidade ne’ebe
diak liu atu labele lao ba oin, tamba hotu-hotu bele ona korrije errus sira
ne’ebe, infelizmente, hau husik hela nudar lagadu (ka eransa|) ne’ebe ladun
diak ba lideransa foun pais nian.
Hau
rekonhese hau la konsege responde ba ejizensia hotu-hotu, ne’ebe sosiedade husu
no ejize, no hau la iha duni kbiit atu hatan ba espetativas hotu-hotu. Karik
ita sura husi tinan 2000, entaun ita lao tiha ona tinan sanulu resin lima! Ne’e
duni, ita devia aprende buat barak ona, hanesan ita nia povu hein hela no iita
nia sosiedade politika no intelektual mos ezije dadauk.
Iha
demokrasias, ne’ebe halo iha mundu tomak no tuir padroens internasionais ne’ebe
ema hanorin mai ita, alternansia iha poder maka mekanismu diak liu atu fo
resposta ne’ebe lolos, ba situasaun ne’ebe bele mosu hodi fo susar ba sosiedade
modernas. Maske ita aprende nune’e, ita bele hare katak, iha mundu osidental,
iha ezemplus ne’ebe furak tebes konaba alternansias de poder’, ne’ebe em-vez-de
resolve problemas sai boot liu tan no hamonu sira nia rai bangkrut hotu, hopdi
fo deit sala ba krize global (ne’ebe sira maka provoka ho sira nia sistema
finanseiru naokten nian)
Rai
dezonvolvidus gaba-an katak sira perfeitu (ka mos, kapas, furak, buat hotu-hotu
diak) duni ona, iha aspetus oi-oin deit. Timor Leste maka tenki aproveita deit
ninia oportunidade atu banati tuir. Nune’e duni, los tebes duni! Karik ita buka
hare, Kanais Televizaun Internasional, loron-loron deit, fo sai ba hotu-hotu
ne’ebe bele akompanha, kona-ba krize global ba humanidade- krize iha demokrasia
krize iha justisa, krize finaseira no krize ba identidade, krize ekonomika,
krize ba valores no krize iha setor seguransa (tamba funu, tamba terrorismu,
tamba bombas no hahalok oi-oin deit) iha deit Timor Leste, maka ita hotu bele
iha kbit boot atu ezije buat hotu no bele husu ba ita-an rasin atu fo menus liu
ba prosesu konstruksaun nasaun nian. Ohin loron, husi avansu iha area
teknologia, it abele nota ka hare katak sentrus desijaun boboot iha mundu liu
husi sira nia nia rede, kontinua fo presaun ba rai sira ne’ebe hakruk deit no
sai atan ba sira nia politikas ne’ebe foer.
Timor oan balun mos hetan ona direitu atu orgolhu katak pretense
dadauk ba grupu sosiadades, nebe konvensoens internasionais obrigada sira atu
sinti-an ‘Modernu’ ona, iha sira –nia hahalok (hodi hala’o kritika oinoin deit)
no iha sira nia mentalidade (‘ facebook ‘ nian iha né, sosiedade sivil intellectual,
professional no akadémika) tenta atu aprezenta-an núdar refleksu(ka
nabilan)husi tendênsia global iha mundu, kona-ba protesaun Estadu de Direitu,
iha advokasia active kona-ba Direitus Humanus no iha defeza kona-ba
Transparênsia,maski sira rasik la tau iha prátika.
Demokrasias dezenvolvidas hanorin katak, sidadaus
hotu-hotu iha direitu atu ko’alia tan-ne’e tenki rona ema hotu-hotu tenki hetan
benefisiu husi progresu, nebe hotu-hotu hala’o
ida ne’e duni maka it abele hare, akontese dadauk iha Rai Dezenvolvidua
(iha Eroupa no iha Amérika, iha nebe ema
kiak laiha ona, rasismu laiha, violasaun direitus humanus la iha, hodi ema
hotu-hotu moris ho kontenti no hetan seguransa ekonómika nebé boot no
sustentável tebes).
Ha’u
tenki deklara iha ne’e, katak ha’u sei la monu bas ala boot hodi kontinua dudu
ha’u –nia-an hodi buka personalize fali prosesu konstrusaun ita-nia Rain nian,
prosesu ida nebe tenki ser demokratiku inkluzivu no partisipativu-tuir ‘ slogan’ furak tebes ida nebe, liu husi ‘arab
spring’(revolusaun demokrátika iha Rai Árabes)
no Kontinjentes bara-barak ‘ peace
Keeeping Forces’ nebé namkari iha Áfrika nebá, permite duni
katak povu sira neb abele moris ona iha paz nebe naruk no metin, hodi mos hetan
ona no goza dadauk dezenvolvimentu nebe sustentável tebes.
Ha’u
rekonhese ha’u-nia kbit laek atu hala’o mudansa(ba di’ak) no mós rekonhese
tendênsia, husi ha’u, atu influensia, ema seluk, hodi hakarak no buka deit buat
nebé supérfluo ka la folin.
Ha’u
rekonhese ha’u nia kbiit laek atu aprezenta(ka fó sai) hodi konvensa sosiedade
tomak atu hetan no kaer maka espetativas(ka mehi) nebe realistas, hodi
rekonhese m”os katak ha’u hatudu deit tenênsia ida, atu hamosu iha povu nia
hanoin, ânsia(ka hakarak lalais )nebe kontraprodutivu, atu fo kedas solusaun ba
problemas hotu-hotu, hahú husi nebe kiik-aon.
Atu
taka, ha’u hakarak fo lembra ba Maluk hotu katak atan-ha’u hetan
desmobilizasaun husi ‘ FALINTIL’, nune’e ohin-loron ha’u sidadaun sivil ida
hanesan ema seluk.
Ha’u
la haluha katak atan ha’u m”os partisipa iha funu, maibe Ha’u la konsidera-an
hanesan veteran ida, no kontinua deit ‘
Guerrilheiru’ ida Ha’u espera katak
Maluk sira hotu sei respeita ha’u nia sentiment ne’e.
Ha’u
husu perdaun ba povu tomak
A LUTA KONTINUA, iha ita nia hanoin no ita nia hahalok
Dili,
26 de Dezembro de 2014. Kay Rala Xanana Gusmão.
No comments:
Post a Comment