Buletin Inspesaun Jeral
Trabalho 2013
Resultadu evolusaun
atividade IJT (Jan-Jun 2013)
Inspesaun
Jeral Traballu (IJT) hanesan servisu públiku, iha direta dependensia ba membro
Governu responsavel ba area Traballu, ho nia knár atu halo kontrolu ba
kumprimentu ba norma sira konaba kondisaun traballu, prevensaun ba risku
profissional, ba seguransa sosial, kolakasaun, empregu no protesaun desempregu,
traballador estrangeiru no normas sira seluk nebe’e lei atribui.
Durante
fulan ne’en primeiru (Janeiru-Junho) tinan 2013, halao tiha ona aktividade sira
hanesan tuir mai ne’e:
1.
Visita
inspesaun traballu
Atu assegura IJT nia knár nebe’e hatur iha Lei
Traballu no Estatutu IJT, maka durante periodu entre Janeiru to Junhu tinan ida
ne’e, IJT halao tiha ona 268 visita inspesaun traballu ba área promosaun ba
melhoramentu kondisaun traballu ba emprezas nacional no internasional abranje
2,258 traballadores (M/F) no 138 visita inspesaun traballu ba área prevensaun
ba risku profissional (seguransa no saúde) ba emprezas nasional no
internasional abranje 3,027 traballadores (M/F).
2.
Sosializasaun
Lei Traballu
Durante
periodu entre Janeiru to Junhu tinan ida ne’e, IJT halao ona sosializasaun Lei
Traballu, Estatutu IJT, Lei Greve no Seguransa no Saúde iha servisu iha
Distritos 5 ho total 455 partisipante maka hanesan : Distrito Covalima ho total
100 partisipante; Distritu Baucau ho total 102 partisipante; Distrito Ermera ho
total 53 partisipante; Distrito Aileu ho total 100 partisipante no Distrito
Liquiça ho total 100 partisipante.
Partisipantes
sira mai husi empregador, traballador, autoridade lokal (administrador sub
distritos no Chefe Sukus sira).
Objetivu
sosializasaun atu fahe informasaun ba partisipantes sira konaba implementasaun
Lei Traballu, Estatutu IJT, Lei Greve no Seguransa no Saúde iha servisu fatin, atu
nune’e kada parte bele hatene sira nia obrigasaun no direitu atu nune’e sira bele
kria relasaun insdutria ida nebe’e harmonia, paz no estavel hodi bele hetan produtividade
no ekonomia ida nebe’e sustentavel no forte, artikularmenteiha iha sira nia
empreza no em jeral ba Nasaun Joven ida ne’e.
3.
Emissaun
Pareser ba Vistu Trabalho no Vistu Fixasaun Residensia
Durante periodu entre Janeiru to Junhu
tinan ida ne’e, IJT simu 486 pedidu husi ema estrangeiru nebe’e hakarak
investe no servisu iha territoriu nacional Timor-Leste hodi bele hetan paraser ba
Vistu Traballu no
Vistu Fixasaun Residensia.
Husi pedidu
sira ne’e, IJT emiti ona 271 pareser favorável ba Vistu Traballu ba traballador
estrangeiru qualifikadu no 46 Vistu Fixasaun Residênsia ba empregador nebe
hakarak investe iha território nasional tomak. Além de ne’e mos emiti ona 27
pareser desfavorável ba Vistu Traballu ba traballador estrangeirus nebe’e laiha
qualifikasaun profissional hodi bele hetan Vistu Traballu.
Além de sira
ne’e, IJT mos halao prosessa ona 22 kanselamentu ba pareser Vistu Traballu ne’ebe
IJT emiti tiha ona ba traballador estrangeiru bazeia ba pedidu eskrita husi
sira nian empregador tamba sira muda ba empreza seluk ka fila fali ona ba sira nian
nasaun orijin.
4.
Kazu
idenfikadu
Resultadu
husi visita Inspesaun nebe’e temi iha leten, IJT indentifika iha duni irregularidade
ba direitus traballador sira, liu-liu traballador timor oan. Kazu nebe’e inspector
do trabalho sira identifika hamutuk 258 emprezas (189 emprezas nasional) maka
iha irregularidade no abranje 2,251 traballador (1,846 traballador nasional).
Kazu sira maka hanesan: kazu falta ba pagamentu saláriu mínimo iha 32 emprezas
(29 emprezas nasional) abranje 49 traballador (45 traballador nasional); kazu
falta de kontratu traballu eskrito iha 38 emprezas (33 emprezas nasional)
abranje 275 traballador (233 traballador nasional); kazu seguransa no saúde iha
servisu fatin iha 106 emprezas (70 emprezas nasional) abranje 1, 806
traballador ( 1,483 traballador nasional); kazu uza vistu turista halo servisu
iha 7 emprezas (1 emprezas nasional) abranje 14 traballador; kazu sira seluk tan iha 71 emprezas ( 59
emprezas nacional) abranje 107 traballador (85 traballador nasional).
5.
Medidas
aplikadu
Resultadu
husi irregularidade nebe’e temi iha letan, IJT aplika ona medidas sansionatoriu
ba emprezas nebe’e identifikadu iha leten, maka hanesan: 128 termus nofikasaun, 27 auto advertensia no
29 auto notisia total multa $ 10,465.00 (selu tiha ona $7,820.00 no seidauk 2,645.00)
ba konta bankaria Estado Timor-Leste.
Além de
pagamentu multa, IJT mos obriga empreza sira nebe’e falta atu selu saláriu
mínimu no subsídiu anual, horasextraordináriu etc. atu nune’e hodi selu hikas fali dividas
saláriu traballador sira nebe’e sira seidauk selu. Total montante $ 11,109
abranje 85 traballador (71 traballaor nasional) husi 11 emprezas (1 empreza
nasional). Dívidas sira ne’e maka hanesan saláriu mínimu 3 traballador;
subsídio anual 4 traballador; horas extraodinariu 28 traballador no lisensa
anual 39 traballador.
6.
Kontratu Traballu
Durante
periodu entre Janeiru to Junhu tinan ida ne’e, IJT registu no legaliza ona 1,456
kontratu traballu eskrita ba traballador (1,162 traballador nacional no 294
traballador internasional) abranje 235 emprezas nacional no internasional.
7.
Queixa
apresentadu
Durante
periodu entre Janeiru to Junhu tinan ida ne’e, IJT simu no registu ona 64
queixa mai husi 64 trabalhador nacional, husi ida ne’e , 15 kazu resolve ona,
42 kazu sei hela prossessu nia laran no 7 kazu haruka ba servisu mediasaun no
konsiliasaun.
Data Publikasaun
12/7/2013
Inspetur
Jeral Traballu
