Sekretariu Estadu ba Politika
Formasaun Profisional no Empregu, Ilidio Ximenes da Costa promete
katak Sei kria formasaun no empregu ba komunidade Suco Mota Bandeira
Subdistirtu Atsabe Distritu Ermera liu husi Turismo komunitario.
SEPFOPE Elidio hatete Mota Bandeira nudar fatin ne’ebe
potensial atu promove hodi sai fatin turismu hodi fo benefisiu ba komunidade
iha fatin refere.
“Riku ita iha, riku mak Mota Bandeira, riku mak fatuk no
mota ida ne’e tamaba ne’e ita bele hatete katak ida ne’e buat ida ne’ebe diak
teb-tebes ba ita dezenvilve,”Ilidio
hatete ba jornalista sira iha Sucu Mota Bandeira Subdistritu Atsabe Distritu
Ermera Sabado foin lalais ne’e bainhira halao aktividade servisu harosa (goton
royon red) iha fatin refere.
SEPFOPE hatete maske fatin hirak ne’e potensial hodi
dezenvolve atu sai fatin turismo maibe presija hetan kooperasaun husi
komunidade iha area refere tamba komujnidade mak nain ba fatin hirak ne’e.
“Iha komunidade balun mak hakarak atu dezenvolve maibe iha
mos komunidade balun mak kestiona kona ba sira nia toos ne’ebe mak sira kuda
hela aihan balun,”Ilidio hatete
Nia mos hatete maske SEPFOPE iha ona aprovasaun husi
Konselho Ministru hodi estabelese programa Turismo Komunitario maibe mos sei
depende ba komunidade ne’ebe prontu hodi dezenvolve area potensial porijemplo
Sucu Com Distritu Lautem, Sucu Seloi Kraik Subdistritu Aileu Vila Distritu
Aileu inklui Mota Badeira.
Nia mos saleinta fatin hirak ne’e sai nudar tarjetu SEPFOPE
hodi dezenvolve iha tina 2014 tuir programa SEPFOPE nian maibe ba komunidade
sira ne’e.
