Joven 20 Tuir Treinamentu Vaka-leitero iha Indonezia



Sekretariu Estadu Politika Formasaun Profesional no Empregu (SEPFOPE) liu husi Diresaun Nasionál Formasaun Profesional (DNAFOP) entrega juventude timor-oan na’in 20, mane 17 no feto 3, ne’ebé sei hala’o treinamentu kona-ba vaka-leitero (sapi perah) iha Balai Besar Pendidikan dan Pelatihan (BBPP) iha Batu, Jawa Timur, Indonezia, Kuarta (26/06).

Diretór DNAFOP, Albano Salem, ofisialmente entrega timor-oan sira ne’e ba Xefe BBPP Tresno. Treinamentu ne’e rasik hahú husi loron 26 Juñu too 20 Jullu 2013.

Treinamentu ne’e realiza bazeia ba nota intendimentu (Memorandum of Understand-MoU) ne’ebé governu Timor-Leste ho Indonezia asina iha tinan ida kotuk ba.

Diretór Albano iha ninia intervensaun agradese ba BBPP ne’ebé simu hodi fó treinamentu ba timor-oan sira.

Nia dehan, ida ne’e hanesan kontinuasaun ba kooperasaun ne’ebé estadu rai rua ne’e hala’o ona.
Iha fatin hanesan, xefe edukasaun no treinamentu BBPP, Kresno Suharto, espera partisipante sira bele aprende buat ruam durante treinamentu nune’e bele implementa bainhira fila ba Timor-Leste.

Tresno dehan, nia parte kontinua loke odamatan  hodi kontinua apoiu programa kapasitasaun ba timor-ona sira.


Joven 20 Tuir Treinamentu Vaka-leitero iha Indonezia

ENTREGA : Sekretariu Estadu Politika Formasaun Profesional no Empregu (SEPFOPE) ne’ebé reprezenta husi Diretór Formasaun Profesional (DNAFOP), Albano Salem entrega joventude timor-oan na’in 20 ba Balai Besar Pendidikan dan Pelatihan (BBPP) hodi tuir treinamentu vaka-leitero besik fulan 1 iha Batu, Indonezia, Kuarta 26/06. Photo : Media SEPFOPE

FATIN PEKUARIA : Diretór Nasionál Formasaun Profesional (DNAFOP - SEPFOPE), Albano Salem hala’o vizita ba área pekuaria vaka-leitero iha Balai Besar Pendidikan dan Pelatihan (BBPP), Batu, Indonezia, Kuarta 26/06. Vizita ne’e akompaña husi xefe edukasaun no treinamentu BBPP, Kresno Suharto no ekipa treinadór BBPP. Photo : Media SEPFOPE

Balai Besar Pendidikan dan Pelatihan (BBPP), Batu, Indonezia

SEPFOPE Atinji Ona Porsentu 83 % OJE 2013



DILI:  Sekretariu Estadu Politika Formasaun Profesional no Empregu ejekuta ona Orsamentu Jeral Estadu (OJE) 2013  atinji ona 83 % husi husi total orsamentu tokon $ 12,953,000.00. hahu husi fulan Janeiru to’o Juñu 2013.

Tuir  relatóriu ejekusaun orsamentu SEPFOPE nebe fo sai husi Departamentu Financas SEPFOPE nia katak, iha loron 25 de Junho 2013 ezekusaun OJE falta deit 17% hodi kompleita 100%

Atu hatene kompleitu liutan konaba ejekusaun OJE  bele hare tuir iha tabela ne’e :
TOTAL DESPESAS
allocation amount
Total expenditure Approve MoF
Balance
Percentage (%)


Total Orcamento Geral
     12,953,000.00
      10,750,768.86
 2,202,231.14
83.00


Salarios e vencimentos
       1,295,000.00
608,610.91
    686,389.09
47.00


Bens e Servicos
       1,513,000.00
           703,876.08
    809,123.92
46.52


Capital Menor
52,000.00
52,000.00
0
100


Capital Desenvolvimento
200,000.00
200,000.00
0
100


Transferencias
9,893,000.00
9,186,281.81
706,718.13
92



Hahú fulan Julho ba oin, SEPFOPE sei ‘deskansa’ ba ezekusaun orcamento nian, tamba servisu hala’o hotu ona. 

“Ami iha fulan neen(6) nia laran ne’e halo de’it ona monitorizasaun ba projeitu empregu rural no ba sentru treinamentu sira ne’ebe mak ami suporta, tanba ami nia orcamento ezekuta hotu ona,” informa Sekretariu Estadu  Ilídio, iha nia servisu fatin, Kaikoli-Dili,  Tersa(18/6)
Nia hatutan, kuandu iha osan adisional ruma atu responde ba nesesidade povo nian, SEPFOPE rasik pronto atu ezekuta. Nia dehan relatóriu ezekusaun loloos orsamentu labele konta ho item Kompromisu no obrigasaun, tanba, projeitu sira ne’ebe tama iha item rua ne’e mak la konsege implementa, signifika katak ninia orsamnetu mó la ezekuta.

Sekretariu Estadu Ilidio informa katak,  item komprimisiu katak, projeitu ka planu ne’ebe foin hatama iha prosesu hodi halo tenderizasaun. Nune’e obrigasaun katak, prosesu tenderizasaun ne’ebe la’o ona no hein ninia implementasaun.  

Apoio Humanitario ba Vitima Dezastre Naturais iha Distrito Covalima




Suai : Gabinete Sekretaria Estado ba Politika Formasaun Profissional no Emprego (SEPFOPE), fasilita transporte  ba empresa Nasional no lokal sira hanesan : Associação Empresarial Mulheres  de Timor Leste (AEMTL),  Risa Unip. Lda, Fortuna Lorosae, Mamisa Unip. Lda no Risu Mali Unip. Lda. Iha loron segunda 25/06/2013, hodi apoio aihan  ba vitima dezastre naturais iha suco Kamanasa, Suai Loro Sub Distrito Suai no Suco Casabauc Sub Distrito Tilomar  Distrito Covalima ne´ebe mak akontese iha loron sexta no Sabdu semana kotuk liu ba.

Iha serimonia entrega apoio aihan nudar sentimentu solidariedade, adjunto Administrador Distrito Cavalima Filipe Viera Cardoso nebe representa povo Covalima iha nia diskursu  wainhira simu ajuda humanitario husi Empresario  ne´ebe akompanha husi Gabinete SEPFOPE hato´o katak komunidade ne´ebe mak sai vitima husi dezastre Naturais agradese tebes ba apoio husi empreza lokal, nasional no  SEPFOPE tamba bele fasilita aihan ba vitima sira iha tempu badak nia laran.

Adjunto Administrador Distrito Covalima hatutan mos katak komunidade iha Sub Distrito Tilomar Suku Salele presija mos mak hadia infraestrutura hanesan ponte, estrada, no irigasaun atu nune´eiha tempu udan labele akontese inundasaun hodi povo sira labele sai tan vitima husi mudansa klimatika, tamba wainhira akontese dezastre naturais povo sira tenki evakua ba fatin ne´ebe mak bele salva sira nia moris, no tenki mos lakon sira nia hela fatin, animal, to´os , natar no seluk tan. 

Reprezentante empresa lokal no Nasional, Sr. Alberto haktuir katak apoio ne´ebe mak ami prepara kuantidade la barak, maibe ida ne´e mak ami nia kbi´it, maibe tamba kordenasaun diak ho gabinete SEPFOPE mak hafanu atu ami mos bele hatutan ami nia sentimentu soliedariedade ba maluk sira ne´ebe mak sai vitima dezastre naturai.

Reprezentante ne´e mos haktuir katak ita hotu tenki agradese ba SEPFOPE ne´ebe mak iha hanoin diak hodi bele kria kordenasaun diak no bele hatutan informasaun mai ami empresa oinsa ami mos bele apoiu aihan ruma, ba maluk sira tamba ami seitor privadu mak hanesan parseiro governu nian.

Apoio ne´ebe mak ami lori mai, mak hanesan : Fos, mina, sardina,sabaun, susuben, biti, supermi, nescafe, no biskuit.

Iha oportunidade ne´e mos Chefe Gabinete Sekretaria Estado ba Politica Formasaun Profissional no Emprego (SEPFOPE),  Benigno da Cruz  haktuir  katak apoio humanitario sira   ne’ ebe mak lori mai vitima sira ne´e tamba koordenasaun diak entre Gabinete SEPFOPE, ho Misiterio Soliedaridade   Sosial, hamutuk ho empresa nasional no lokal sira hodi bele halao aktividade ka programa ida  ne´e, tamba ne´e ita hotu tenki agradese ba maluk empresa sira ne´ebe mak bele apoio aihan hirak ne´e, tamba SEPFOPE hanesan servidor ami mos iha sentimentu nudar ema. Ho razaun hirak ne´e mak hafanu ami atu bele hakman mos todan ne ´ebe mak inan aman no maluk sira hasoru. 

Benigno da Cruz mos hatutan katak SEPFOPE nia apoio mak ajuda kordena ho ministerio relevantes, empresa no transporte oinsa bele lori aihan hirak ne´e mai to´o iha fatin akontesimentu, no apoio hirak ne´e nia kuantidade la barak, maibe ami fiar katak aihan hirak ne´e bele fo forsa ba maluk sira iha tempu badak tamba ita lahatene katak tempu udan sei to´o bainhira los.



Detailhu kona ba vitima dezastre Naturais iha Distrito Covalima ne´ebe mak hetan husi media gabinete SEPFOPE, liu husi pontu fokal no autoridade lokal mak hanesan tuir mai ne´e:
 



Related Posts Plugin for WordPress, Blogger...