SEPFOPE Hala’o Konsulta Publika Esbosu, Lei Saude, Higenia, no Seguranca

Xefi Gabinete SEPFOPE Benigno da Cruz, ne’ebe mak representante 
Sekretariu Estadu SEPFOPE, Ilidio Ximenes da Costa. Hala’o Abertura ba 

Seremonia Konsultasaun Publiku kona ba Lei Saude Higinia no Seguranca.

Tibar- Sekretariu Estadu ba  Politika Formasaun Professional  no Empregu(SEPFOPE), liu husi inspesaun Jeral Trabalho (IGT) no departamento Juridiku nia hala’o konsultasaun públiku kona ba esbosu lei saude higinia, no seguransa nian iha servisu fatin. Cerimonia konsultasaun públiku ne’e abertura husi Xefi Gabinete SEPFOPE Benigno da Cruz, ne’ebe mak representante Sekretariu Estadu SEPFOPE, Ilidio Ximenes da Costa.

partisipantes sira  husi sindikatu, emprezariu, 

estudante akademiku, no parseiru dezenvolvimentu sira, 

Partisipa iha Seremonia refere.

Xefi Gabinete SEPFOPE iha abertura agradese ba partisipantes sira tanto husi sindikatu, emprezariu, estudante akademiku, no parseiru dezenvolvimentu sira, tamba garantia katak liu husi prezensa sira nia ne’ebe bele hamosu rekomentasaun diak ida, kona ba esbosu lei refere.

“Ha’u hakarak dehan katak SEPFOPE liu husi Inspesaun Jeral Trabalho (IGT) hamutuk ho Gabinete Juridiku. Hala’o konsultasaun públiku ne’ebe mak kompustu husi Emprezariu, Sindikatu, Estudante Akademiku no Parseiru Dezenvolvimentu sira. Hodi koalia kona ba esbosu ne’ebe prepara tiha ona, husi Departamentu Juridiku. SEPFOPE kona ba Saude Higienia, no Seguransa iha servisu fatin hateten Xefi Gabinete SEPFOPE.”

Xefi Gabinete hatutan tan katak tamba ne’e mak esbosu prepara entaun liu husi konsultasaun publiku ne’ebe hamutuk ho parseiru sira para oinsa atu bele elabora hanoin ka rekomendasaun balun kona ba esbosu ne’ebe mak prepara tiha ona husi parte Juridiku nian. Tamba ne’e mak liu husi konsultasaun publiku ida ho parseiru sira hotu para onsa bele hasa’e dekretu lei ida kona ba saude higienia, no seguransa iha ita nia servisu fatin. Hodi oinsa ita bele fo apresiasaun ba trabalhador sira ne’ebe mak sai nudar savi importante ba dezenvolvimentu iha rai doben Timor Leste. 

Reprezentante Governu ne’e fiar katak ho partisipantes sira husi parseiru dezenvolvimentu sira nian bele hamosu ka hasai hanoin ida ne’ebe mak reprezentante misaun Governu Sindikatu, Emprezariu, no mos Estudantes sira ba iha lei esbosu lei refere.

“Esboso ne’ebe mak prepara la’os final ona maibe ida ne’e hanesan esbosu ne’e para oinsa atu bele iha tan rekomendasaun ka sujestaun ruma hudi parseiru sira, ita haree ba Instituisaun Governu SEPFOPE mak toma konta ba area empregu entaun iha SEPFOPE nia laran iha Inspesaun Jeral Trabalho. entaun assuntu hirak ne’ebe trata kona ba trabalho nian ne’e sublinha iha fatin hanesan Inspetor Jeral Trabalho Aniceto Leto Soro akresenta tan katak serimonia ne’e atu tur hamutuk ho parseiru sira oinsa atu fo hanoin hamutuk ba esbosu lei ne’ebe mak prepara tiha ona husi SEPFOPE rasik. 

Ohin ita mai hamutuk iha ne’e para atu halo konsultasaun publiku kona ba Lei Seguransa Higienia, Saude no Trabalho. Hodi nune’e bele hetan ita nia lei ida ne’ebe mak diak liu tan atu bele emplementa ita nia lei trabalho ne’ebe mak iha 2012 promulga tiha ona. Liu husi ne’e mos hanesan pasu ida ne’ebe mak importante. Para habokur diak liu tan ita nia lei trabalho. Ne’ebe mak ita implementa dadauk ona desde iha tinan 2012 to’o mai agora. Dehan Inpector Trabalho ne’e.”

Tantu iha konsultasaun publiku ne’e hetan partisipasaun maximu husi funsionariu SEPFOPE nian reprezentante Emprezarius, Sindikatu no mos parseiru Dezenvolvimentu balun. Konsultasaun publiku ba esbosu lei ne’e hala’o durante loron tomak. (Centru Formasaun Tibar, Tersa Feira,  04-08-2015) tka.