Família Husu Traballadór Banati Tuir Kontartu

Sekretáriu Estadu SEPFOPE Ilidio Ximenes partisipa serimónia entre traballadór Koreia Súl,
 Governu no inan-aman sira, Sesta (22/3) iha salaun reuniaun SEPFOPE, 
Kaikoli-Dili. Foto : Media SEPFOPE

DÍLI – Sesta (22/3) iha edifísiu SEPFOPE, iha Traballadór na’in 27 maka asina tan kontratu hodi halo deklarasaun antes dezloka ba servisu iha Korea do Súl Segunda semana ne’e, inan aman husi traballadór na’in 27 husu atu banati tuir kontratu.

Ami rona esplikasaun husi SEPFOPE katak antes oan sira ba servisu iha Korea do Súl tenki kumpri kontratu ne’ebé asina ona no ha’u hanesan inan tenki fó hanoin ba oan sira atu servisu ho hakmatek, nune’e fila husi Korea mai mós ho isin di’ak,” dehan Celeste Brigida Sanches inan husi Traballadór Anival Sancho da Silva ba jornalista, hafoin akompaña oan asina kontratu hodi halo deklarasaun iha edifísiu SEPFOPE, Sesta (22/3).

Konaba osan ne’ebé oan sira sei haruka mai, nia heteten, iha kontaratu ne’e dehan tenki haruka mai inan-aman ho porsentu 50, no osan ne’ebé oan haruka mai pronto atu maneja ho di’ak.
Ha’u nia planu haruka oan ba servisu iha Korea la’os tanba lian, maibé haruka ba servisu hodi hetan osan para haruka mai hodi selu fali nia alin sira kadaves ita mós labele ses husi kultura mai tenki fó uituan,” dehan nia.

Iha fatin hanesan, reprezentante Maximiliano Ximenes núdar aman ba traballadór Arminda Ximenes hateten, kontratu no deklarasaun ne’ebé SEPFOPE halo diak tebes atu traballadór ba servisu iha Korea tenki kumpri kontratu sira ne’e.

Ha’u kontenti tebes ho polítika SEPFOPE nian ne’ebé halo ba traballadór antes servisu iha Korea tenki asina kontratu no deklarasaun atu nune’e servisu tuir kontratu no mós haruka osan mai família sira liu-liu inan-aman,” nia dehan.

No husu ba oan sira ne’ebé ba servisu iha Korea tenki ka’er prinsipiu ida katak lori nasaun Timor Leste tanba ne’e tenki servisu ho di’ak, labele buka problema, no servisu tuir ema nia lei ne’ebé iha. Traballadór Arminda Ximenes hateten, kontratu ne’ebé nia asina sei kumpri atu servisu no mós sei haruka osan mai família sira.

Entertantu Sekretáriu Estadu Polítika Formasaun Profesionál Empregu (SEPFOPE), Ilídio Ximenes da Costa hateten, meius ba deklarasaun ne’e primeiru sasin na’in rua, inan-aman, fen-laen tenki testamunha deklarasun ne’ebé traballadór atu asina para bele kumpri.

Iha seremonia asina kontratu ne’e, marka prezensa husi, SEPFOPE, Ilídio Ximenes da Costa, Diretór Nasionál Empregu (DNE), Paul Alves, inan-aman no traballadór sira.

Traballadór na’in 27 kompostu husi mane na’in 26 no feto 1, ne’ebé atu ba servisu iha Korea do Súl, Segunda semana  iha area Agrikultura, Peskas no Fabríka.   TIMOR POST

Língua Sai Obstáklu Ba Traballadór




Kartaun Indentidade kandidadatu trabalhadores  tuir teste lian Coreia



DÍLI - Língua Korea sei sai obstáklu ba traballadór timor-oan ne’ebé durante ne’e servisu ona iha Korea du Súl. Língua ne’e sempre sai hambatan ida ba sira tanba ita presiza aprende, maibé lingual Korea ne’e sira tuir durante fulan neen,” dehan Sekretáriu Estadu Ilídio Ximenes da Costa ba jornalista sira iha Caicoli Díli, Sesta (22/3) relasiona lingual ne’ebé sei sai problema ba traballadór timor-oan iha Korea.

Ilídio hatutan, bad au-daun ne’e lingual kuandu adapta ne-neik to’o iha Korea ne’ebá, Makasae mós la ko’alia, Oimua mós la ko’alia deit maka lian Korea nian ne’ebé mau tidak mau traballadór tenki aprende.

Língua hanesan plantas ida atu pratika, pratika ne’e importante tanba ema balu eskola tiha sai Master, Profesor, Doutor mós la pratika dalaruma hamrik iha oin ko’alia deit English m’os la sai apalagi lian Korea dehan Ilídio.

Agora oinsá atu resolve iha Timor Leste, ha’u ko’alia tiha ona ho oreano sira ho Human Resource Development husi Korea nian hodi hahú desentralija sentru formasaun lian Korea iha Díli no mós iha distritu, dehan Ilídio. 

Tanba sentru formasaun lian Korea nian ne’ebé iha fulan Abril ou Maio sei loke uluk maka iha Sub-distritu Laclubar Distritu Manatuto nian. Tanba SEPFOPE tiha ona hanesan Padre no fasilidade balun mós SEPFOPE fó tiha ona hanesan komputadór 10 iha FOSCA nian. 

Nune’e Padre sira mós sei oferese fatin atu Koreano atu hela iha aula tanba SEPFOPE sei selu deit kustu uma nian ne’e para mestre sira hela atu hanorin.

Ami mós manda tiha karta no ko’alia verbalmente ho reitor UNDIL atu bele loke lian Korea hanesan koa’alia iha ho objetivu atu alin sira remata iha UNDIL hakarak sai traballadór hodi buka esperensia iha Korea lingual sira hatene ona. Tanba reitor rasik mós aseita kona-ba planu ida ne’e.  TIMOR POST
Related Posts Plugin for WordPress, Blogger...