Expo Kareira Termina Futuro Foin Sa’e



Sekretaria Estadu ba Politika Formasaun Profesional no Emprego (SEPFOPE) iha loron kinta (25/06/2015), halo abertura ba expozisaun kareira profesional 2015 iha munisipiu Ermera. Expozisaun ne’e atu loke liu tan hanoin estudante Secundaria sira ne’ebe mak atu remata ona sira nia estudo hodi ba iha universidade hodi sira termina futuro ne’ebe diak ba sira nia an.
Xefi Gabinete SEPFOPE,Benigno Humberto G.da Cruz ne’ebe reprezentante Secretariu Estado SEPFOPE, Ilidio Ximenes da Costa hateten katak expozisaun kareira ne’e hanesan plano anual Governo nian ona ne’ebe kada tinan sempre hala’o progama expozisaun kareira hodi bele fahe informasaun ba finalist 3 ano sira kona ba emprego, formasaun no ba iha Univesidade. Dehan chefe gabinete SEPFOPE wainhira abertura expozisaun kareira iha Municipio Ermera.

SEPFOPE Loke Expozisaun Kareira Iha Municipiu Viqueque



VIQUEQUE : Sekretariu Estadu Politika Formasaun Profesional No Emprego (SEPFOPE) liu husi Diresaun Nasional Emprego(DNE) iha tinan ida ne’e (2015)  loke expozisaun kareira espesila ba daruak iha Municipiu  Viqueque. Direktor Jeral SEPFOPE Jacinto Baros Gusmão hatete, expozisaun kareira profesional ida ne’e hanesan programa anual tinan –tinan SEPFOPE halo oinsa maka atu fo informasaun ba estudante  eskola sekundaria  ne’ebe  maka  atu remata ona sira nia estudu iha klase (3) finalista.

“Ami  loke expozisaun ne’e ba deit eskola sekundaria  estudante finalista sira,bainhira sira remata ona estudu  estudante hirak ne’e mos iha netik informasaun ruma konaba  se maka laiha kbiit atu ba kontinua iha Universidade  entau SEPFOPE  iha sentru formasaun  atu iha konesementu  ba sentru sira atu nune’e bele tuir formasaun ,wainhira tuir ona formasaun sira bele iha ona abilidade  depois maka bele buka rasik serbisu,”dehan Jacinto   hafoin loke abertura expozisaun iha Viqueque, SEPFOPE lori loke  expozisaun hanesan ne’e para  fahe informasaun ba estudante sira ,tanba estudante finalist sira wainhira  remata eskola hotu ona ho sira nia diploma deit  sekundaria deit  maibe laiha eskil  ne’ebe liu husi programa Governo nian  bele ajuda ba estudante hirak ne’ebe  liu-liu ba inan aman laiha kbit bele ba tuir formasaun atu nune’e hodi hetan serbisu .ba tiana ida 2015 programa SEPFOPE loke expozisaun kareira professional  ba iha Munisipiu 10 maibe ba dahuluk husi Munisipiu Viquequeno Suai. Programa hanesan iha semana oin mai sei kontinua tan loke ba Munisipiu Ermera ho Manatutu.

SEPFOPE Inagura Sentru Laboratorium Lojistik Komputador Iha Baukau (Laga).



BAUKAU :Governo liu husi Sekretariu Estadu Formasaun Profesional Emprego (SEPFOPE) semana foin lalais ba inagura sentru laboratorium lojistik  komputador iha Munisipiu Baukau  Postu Administrativu Laga. Sekretariu Estadu SEPFOPE Ilidio Ximenes da Costa hatete,objektivu ba inagurasaun laboratorium  ida ne’e hetan  apoiu komputador husi SEPFOPE tanba SEPFOPE  simu proposta ida husi jovemtudi sira liu husi Pedre Parokia Sao Joao Bosco. apoiu ne’ebe  maka governo fo atu kapasita liu ba  jovemtudi  sira iha parte Parokia Laga nian, i jovemtudi sira husi Laga inklui mos Bagia sira bele mai uja hotu ekipamentus hirak ne’e,” hafoin halo  inagura ba laboratorium  iha Laga Kinta (11/06). jovemtudi maioria  iha Laga  nunka atu asesu liu ba  komputador, komputador ba sira atu uja ne’e laiha. Dehan Ilidio Ximenes da Costa

Sekretraiu Estadu SEPFOPE, Ilidio Ximenes da Costa hatutan tan problema bo’ot, tanba lingua ne’e importante merkado trabalho  iha industry persija mos ema ne’ebe maka tenki hatene inglehs entau ho ekipamentu hirak ne’e hanesan formasaun bazika ne’ebe maka iha ba sira atu nune’e eleba sira nia konesementu nomos matenek  depois maka foin hili sira nia mehi kontinuasaun ne’e hakarak ba ida ne’ebe,iha  universidade ka  formasaun iha Dili. Nia informa katak, ekipamentus ne’ebe SEPFOPE  apoiu ba iha sentru ne’e kuaze komputador 10 hanesan ho laboratorium ba lingua .

Governo fasilita ona maibe kontinuasaun  atu hetan koalidade ne’ebe maka diak  fila fali ba mestre ho Pe. Paroku sira .“Hau fiar katak, jovemtudi hirak iha Laga liu husi amu Paroku Dombosko  Salizianu sira  nian sei  halo buat ida diak liu hodi kapasita ita nia jovem sira liu husi  formasaun iformatika  no  konaba lingua nian,”dehan Sekretraiu Estadu. 

Sekretraiu Estadu mos dehan ekipametus hirak ne’e foin mai iha parte leste no iha Dili iha madre Kanosian sira mos iha ona,tanba ne’e husu ba estudante sekundaria sira hotu katak, estudante ne’ebe maka iha tempu lokraik bele mai aprende hotu.ekipametus hirak ne’e laos SEPFOPE maka sosa maibe SEPFOPE finansia  fo orsamentu ba  iha Pe.Paroko , amu paroko maka ba buka rasik ekipamentus hirak ne’e. Total orsamentu ne’ebe maka Governo fo atu sosa ekipamentus hirak pur volta  9 mil ital ,inklui mos ba  instalasaun no no mos ba formasaun formador . “Iha difikuldade balun ne’ebe  maka ami mos hare iha ne’eba sei falta ar de kondisional  AC maka seidauk iha tanab ne’e ami sei buka meus  hodi koalia ho amu sira iha ne’e no sentru karik sei iha  persija hadia tan  entau estudante hirak iha Dili bele mai  halo instalasaun fali iha ne’e  maibe persija selu ema para estudante sira husi sentru Bekora,Dom Bosco,no Tibar sira maka sei mai monta tanba estudante hirak ne’e tuir formasaun konaba AC nian,” Total orsamentu ne’ebe maka Governo fob a sosa ekipamentus hirak pur volta  9 mil ital ,inklui mos ba  instalasaun no tambem konaba formasaun formador .
 
Atu kontinua fo apoiu ekipamentus hirak hanesan ba iha Munisipi hirak seluk Ilidio dehan, persija hare uluk lai ba rejultadu husi  Laga nian ,ema dehan hahu husi pilotu bainhira  pilotu ne’e susesu  konserteka ke nia bele daet ba fatin hirak seluk,se kuandu ekipamentus ne’ebe iha sentru ida ne’e jovem sira uja la susesu  entau Governo atu kontinua mos persija hare lai .

Tan ne’e atu informa  deit  katak, ekipametus Governo oferese ona  maibe atu koidadu  ekipamtus ne’e iha Amu  sira nia liman,tanba oportunidade nunka atu maid ala rua nia mai dala ida deit, kuandu ekipametus hirak ne’e hatudu nia rejultadu diak Governo sei  hare hodi  halo nia kontinuasaun ne’e ba  oin maibe atu kontinuasaun laos  Governo atu fo bebeik Governo liu husi SEPFOPE uja rasik nia filojofia ida katak,fo kail ba buka ikan,laos fo ikan para lor-loron husu ikan han deit ne’e  atu koalia los deit katak Governo fo buat ida atu instimula inisia buat ruma depois kontinuasaun Governo intrega  ona ba  jovem  no professor sira maka jere  no koidadu. 

Iha fatin hanesan Pe.Aquelis sente kontenti tanba hetan ekipamentu  komputador husi Governo atu faslita ba jovemtudi no estudade sira. Ami orguilho tebes tanba durante ne’e ami laiha ekipamentus hanesan ne’e estudante ho jovemtudi sira atu asesu komputador  ,komputador laiha maibe  agora grasa a dues  ami hetan ona tulun husi Governo liu husi SEPFOPE  atu nune’e hasae kapasidade estudante ho joventudi sira nia abilidade,”dehan Pe Aqulis .(Kinta-feira 11/06/2015,Laga) (Tika-Julio)    

Formandus ZEESM ramata ona Formasaun iha Centru D.Bosco Comoro



SEPFOPE liu husi Diresaun Nasional Formasaun Professional (DNAFOP) serbisu hamutuk ho SEPFOPE regional Oecusse hala’o konsultasaun ho ekipa husi ZEESM hodi halo planu formasaun ba Joven Oecusse oan sira ho objetivo prepara sira hodi responde ba programa ZEESM.  Total numero nebe’e mak hatama dokumentus atu tuir formasaun iha Centru Formasaun Dom Bosco Comoro  hamutuk 75 pessoas no ikus mais 72  pessoas mak ramata formasaun iha Centru Formasaun D. Bosco Comoro. Formasaun iha ba kandidatu sira fahe iha area rua mak hanesan area automotivo 40 pessoas no kontruksaun hanesan area Eletrisidade graduadu nain 7, area Kanalizasaun graduadu nain 7,  area Pedreiru graduadu nain 7, area Metal Fabrication/Soldadura graduadu nain 7, area Karpinteiru graduadu nain 7. Iha nivel sertifikadu I ho Sertifikadu II iha Konstruksaun
 Nivel Sertifkadu I ho Sertifikadu II iha Konstrusaun
Sertifikadu I
·         Wainhira remata iha àrea refere; imi nia koñesimentu no abilidade sei limitadu; tan ne’e tenke hetan supervizaun ne’ebé másimu husi superior sekarik imi atu servisu (tuir estrutura Kualifikasaun Nasional nia deskrisaun)
·         Iha servisu-fatin mos tenke iha ekipa; seidauk bele servisu mesak no konsidera hanesan foin hahú koñese mundu traballu nian
1)      Sertifikadu II
·         Graduadu husi Sertifikadu II iha ona abilidade no koñesimentu jerál no prátika nian.
·         Iha abilidade no koñesimentu ne’ebé natoon no klean ona kona-ba atu resolve problema servisu lor-loron nian iha sira nia àrea servisu nian
·         Iha ona responsabilidade ne’ebé mesak maibé limitadu

Related Posts Plugin for WordPress, Blogger...