SEPFOPE Seidauk Simu Informasaun Estrada Rural Hetan Estagus

Sekretariu Estadu SEPFOPE, Ilidio Ximenes da Costa inagura estrada rural

Estrada rural nebe mak loke husi SEPFOPE bele fo ona asesu ba transporte publico

Estrada rural nebe mak loke husi SEPFOPE bele fo ona asesu ba transporte publico

DÍLI : Tama ba loron 6 halo semana ida ona Sekretaria Estadu Politika Formasaun Profesional Empregu (SEPFOPE) seidauk simu informasaun husi komunidade no autoridade local sira konaba estrada area  rural hetan estragus.

Sekretariu Estadu SEPFOPE, Ilidio Ximenes da Costa hatete, nia parte halo ona konfirmasaun ba iha distritu 13 hodi husu konaba kondisaun Estrada area rural sira ne’ebe mak SEPFOPE kria tiha ona. Hau horseik fo sai on aba hau nia director sira  hodi halo konfirmasaun ba iha distritu 13 hodi husu tuir konaba Estrada area rural ne’ebe mak durante SEPFOPE halo katak iha parte ne’ebe mak mota no udan sobu atu nune’e ami identifika ida pur ida Estrada ne’ebe mak hetan estraga ami sei hadia fila fali,” dehan Ilidio Ximenes da Costa iha edificio SEPFOPE.

Nia dehan, SEPFOPE laos atu hare ba iha Estrada deit maibe haree mos ba iha mota sira. SEPFOPE pronto nafatin hodu atende problema mota sae hanesan foin iha parte Suai, Sesal, no sira seluk. Konaba inundasaun mosu iha Díli, Ilídio dehan, iha parte Pantai Kelapa mak akontese inudasaun, maibe ne’e ne’e laos problema ba iha fatin konstrusaun, problema ba iha ema soe foer.

“Hau horiseik hau rasik ba here iha pantai kelapa ne’ebe bee intupidu tanba ema sira ne’e tesi tiha hudi kain mesak bo’ot depois soe fali ba iha baleta laran ne’e mak hodi halo intupidu be la halai  be sira nakonu sae fali mai Estrada leten tan ne’e ho inundasaun ne’ebe mak mosu iha udan bo’ot, Ilidio husu ba komunidade tomak atu soe foer iha nia fatin lolos. INDEPENDENTE

Setor Privadu Fo Importansia Ba Traballador Timor-oan

Joven sira buka informasaun kona ba vaga serbisu hodi bele kompete iha prosesu rekrutamentu.

Prezidente Camara Comercio Industria Timor Leste (CCI-TL) Oscar Lima hatete, setor privadu durante ne’e fo liu importansia ba traballador Timor-oan atu servisu. “Iha setor privadu 75% ami tau importansia liu ba traballador Timor-oan duke ema husi rai liur, tanba traballador rai liur ita selu karun liu, ita lahatene lukru,” dehan Oscar Lima ba Jornalista sira iha CCI-TL Acait, Kinta (8/1), hodi hatan ba sujestaun SEPFOPE atu simu formandu sira iha setor privadu.

Nia informa, foim dau-dauk ne’e CCI-TL, Sindikatu Traballador no ILO tur hamutuk koalia konaba kapasitasaun mentalidade traballador sira nian. Presija kapasitasaun ba mentalidade, tanba mentalidade mos factor importante ba setor privadu. Basa mentalidade ida ne’ebe baruk ten, foti an no seluk tan ne’ebe susar ba setor privadu sira atu emprega.

“Buat ida mentalidade ita iha Timor ne’e hau hare ladun diak, kuandu mentalidade ladun diak ema barak atu emprega nia ba servisu ne’e ema tauk, tanba primeiru nia tama mai nia hakraik an, Segundu nia foti an depois dehan veteranus ida ne’e nia oan no seluk tan hodi servisu lao. Lia mate mos la hotu hela deit ne’ebe halo ferias barak liu tanba kompanhia bele selu bainhira iha benefisiu,” hatete nia. Antes ne’e Sekretariu Estadu Politika Formasaun Profesional Empregu (SEPFOPE), Ilidio Ximenes reafirma katak, formasaun ba juventude kontinua lao no sei aumenta tan, importantemak kria kampu de traballu, tanba bainhira SEPFOPE forma ema, maibe setor privadu labok an mak sei hamosu problema, tanba programa ne’e iha ba malu.

Konsellu Ministru hala’o Sorumutuk iha Oe-Cusse Ambeno

Ministru Estadu no Prezidénsia Konsellu Ministru no

  Porta-Vóz Ofisiál Governu Timor-Leste

Konsellu Ministru hala’o Sorumutuk iha Oe-Cusse Ambeno

Konsellu Ministru Governu Timor-Leste nian sei hala’o sorumutuk iha Pante Macassar kapitál distritu Oe-Cusse Ambeno nian, iha sesta, loron 23 fulan-janeiru semana oin, hodi diskute kona-ba medidas importante sira ne’ebé mak atu foti hodi fó prioridade ba dezenvolvimentu distritu nian, inklui transferénsia podér sira. Partisipante sira mós sei hola parte iha eventu espesiál sira inklui Serimónia Transferénsia ida ba podér no fó hikas fali Kompetensia Governu Sentrál nian ba Autoridade Rejiaun Administrativa Oe-Cusse Ambeno nian.

Konstituisaun Repúblika Demokrátika Timor-Leste nian rekoñese estatutu espesiál ba Oe-Cusse Ambeno, enklave ida iha noroeste illa Timor nian, hodi hateten katak “hetan tratamentu administrativu no ekonómiku ida ne’ebé espesiál” no ne’ebé “sei ukun tuir polítika administrativa ida no rejime ekonómiku espesiál ida. Iha fulan Juñu tinan kotuk aprova ona lei n.^o  3/2014, hodi kria rejiaun administrativa espesiál Oe-Cusse Ambeno hodi estabelese zona espesiál ba ekonomia sosiál merkadu nian, ne’ebé hotu-hotu hatene nu’udar ZEESM. Oe-Cusse Ambeno hasoru dezafiu desenvolvimentu nian ne’ebé boot, ne’ebé sai grave tanba ninia dook tebetebes hosi teritóriu prinsipál Timor-Leste nian. Tuir Lei, objetivu Rejiaun Administrativa Espesiál ne’e nian maka hetan “dezenvolvimentu inkluzivu rejiaun nian, fó prioridade ba atividade sósioekonómika hodi promove kualidade moris no moris-di’ak komunidade nian”.

Eis-Primeiru-Ministru, Dr. Marí Alkatiri, Prezidente Autoridade Rejiaun Administrativa Espesiál Oe-Cusse Ambeno nian no Prezidente Zona Espesiál sira Ekonomia Sosiál Merkadu Oe-Cusse Ambeno nian no Ataúro, hatete katak, Autoridade ne’e sei uza “abordajen integrada ida kona-ba dezenvolvimentu sosiál no ekonómiku sustentavel”, ne’ebé hetan liuhusi “investimentu iha formasaun, edukasaun no saúde povu Oe-Cusse Ambeno nian, iha tempu hanesan mós sei investe iha infraestrutura importante sira, hanesan estrada, ponte, eskola, no sira seluk hodi ajuda harii ekonomia rejionál ida ne’ebé dinámika.

Iha orsamentu ba tinan 2015 nian  fó dolar amerikanu millaun $81,9 ba Autoridade hodi investe, nune’e aselera dezenvolvimentu ekonómiku inkluzivu no dezenvolve infraestrutura bázika sira. Rejiaun ne’e sei uza ninia estatutu Zona Ekonómika Espesiál hodi atrai investimentu rai-liur ne’ebé iha kualidade no inisiativa negósiu nian ba tempu naruk. 

Dili, loron 16 fulan-janeiru tinan 2015

SEPFOPE inagura estrada iha Suco Samalari

Sekretariu Estado SEPFOPE, Ilidio Ximenes da Costa dialogo hamutuk ho komunidade iha Suco Samalari Sub Distrito Laga Distrito Baucau 14-01-2015

Kareta truk tula sasan ba iha Ladeia Samalari hodi faan depois sepfope hadia estrada iha suco Samalari Sub Distrito Laga Distrito Baucau 14-01-2015

Sekretariu Estadu SEPFOPE, Ilidio Ximenes da Costa kus labarik mane hodi tesi fita iha programa inagurasaun estrada iha Samalari Sub Distrito Laga Distrito Baucau 14-01-2015

Lia nain hatoó dadolin ba Sekretariu estado SEPFOPE, Ilidio Ximenes da Costa antes inagura estrad foun iha Samalari Sub Distrito Laga Distrito Baucau 14-01-2015

Estudante sira halo formatura simu Sekretariu Estado SEPFOPE iha Samalari Sub Distrito Laga Distrito Baucau 14-01-2015

SEPFOPE inagura estrada iha Suco Samalari 

Sekretario Estadu ba Politika Formasaun Profisional no Empregu (SEPFOPE), Ilidio Ximenes da Costa iha loron kuarta 14/01/2015 inagura estada nebe mak rehabilita husi SEPFOPE liu husi Diresaun Nasional Emprego – Pograma Emprego rural.  Progam rehabilitasaun estarda rural iha Suco Samalari ho Distancia hamutuk 5.3 Km ho valor osan hamutuk $ 304,242.79 bele ajuda no fasilita komunidade iha aldeia 3 Samalari, Aldeia Surugua, Aldeia Lualari para bele lori sira nian produtu lokal hanesan nuú, kulu, kami no aifuan ba iha mercado, liu programa rural SEPFOPE rehabililita estrada ho halo baleta iha area refere hodi nune komunidade bele sente beneficio husi programa rural. 

Liu husi programa rehabilitasaun estrada rural iha Suco Salamari bele fo beneficio populasaun husi Aldeia 3, husi aldeia Salamari ho total chefe familia hamutuk 66 ho total populasaun hamutuk 384 (mane 189 no feto 195), aldeia Surugua ho total chefe familia 204 no total populasaun hamutuk 619 (mane 324 no feto 295) no Aldeia Lualari ho total chefe familia hamutuk 79 ho total populasaun hamutuk 351 (mane 171 no feto 180). 

Tuir sekretariu Estadu SEPFOPE, Ilidio Ximenes da Costa estrad ida neé hanesan parte nebe mak V Gobernu apoio ba komunidade sira liu husi Programa Empregu Rural nebe mak iha Diresaun SEPFOPE nian okos no husu mos ba komunidade atu bele kuidado no tau matan ba dalan nebe mak hetan ona rehabilitasaun husi SEPFOPE hodi nune bele fasilita komunidade ba to’o iha vila hodi nune sira bele asesu ba merkadu liu husi serbisu hamutuk atu bele hadia no serbisu hamutuk liu husi programa arosan ou kerja bakti hodi nune bele hamos balete karik foer iha no kuidado, nune mos  Sekretariu Estadu fo agradece ba Kompanhia nebe mak kaer obra hodi halo rehabilitasaun estrada rural iha Suco salamari Sub Distrito Laga Distrito Baucau. 

Tuir Director Kompanhia Liumar Unipessoal Lda, anates atu hahu rehabilita estada nebeé sira nian part mos halo konsulta ona ho lider lokal para bele ajuda fo informasaun ba komunidade katak sira sei halo rehabilitasaun estrda rural, baleta no ponte kiik no sira mos husu ba komunidade atu bele partisipa direita iha programa rehabilitasaun estrada rural no involvimentu komunidade hamutuk 100 pessoal nebe kompostu husi mane hamutuk 98 no feto hamutuk 2 durante rehabilitasaun estada iha suco Samalari Sub Distrito Laga Distrito Baucau. Partisipa iha iha inagurasaun estarda rural iha Suco Salamri, Sekretariu estado SEPFOPE, Ilidio Ximenes da Costa, Administrador Distrito Baucau, Chefe Departamentu empregu rural, Lucio Bere Taci, Administrador Sub Distrito Laga, Chefe Eng, Policia, auturidade lokal no komunidade.

 

Natal hamutuk familia boot SEPFOPE

Sekretaria Estadu ba Politika Formasaun Profisional no Empregu (SEPFOPE) hamutuk ho familia boót sepfope ferteza natal hamutuk ho entrega mos certificado apreciação ba funcinario nebe mak halo sira nian knar ho diak durante tinan 2014. Natal hamutuk neé realiza iha sala encontru sepfope.