MSS, SEPFOPE no Nasaun CPLP Selebra Loron Mundial Trabailhador Iha Tibar

Governo liu husi Ministeriu Solidaridade Sosial (MSS),Sekretariu Estadu Politika Formasaun Empregu (SEPFOPE) hamutuk ho delegasaun CPLP, membru Parlamentu Nasional (PN) komemora loron mundial trabalho iha Centro Formasaun Professional Tibar, Posto Admnistrativo Tibar Municipio Liquica.

Sekretariu Estadu SEPFOPE Ilidio Ximenes hatete, objektivu komemora loron mundial ba trabalhadores nebe halao iha Tibar ne’e iha objetivu rua mak hanean premeiru selebra loron mundial ba trabailhador, segundu partisipasaun ne’ebe maka reniaun bo’ot ho CPLP Ministrus Sekretariu Estadu sira husi Nasaun hirak ne’ebe koalia lian Portuguesa, sira mai hamutuk iha Timor hodi halo konferensia CPLP ninian ba asuntu trabailho no asuntu sosial. “MSS ho SEPFOPE maka sai uma nain ba reniaun foin dadauk ita halo iha MNEK ne’eba no loron 1 fulan Maio hanesan loron mundial do trabailho ita selebra iha Tibar, nune SEPFOPE fo mos parabens ba trabailhador tamba sira mak makina ba desenvolvimento nasaun Timor Leste dehan Sekretariu Estadu SEPFOPE, Ilidio Ximenes da Costa iha Centru Formasaun Tibar, Sesta (1/5)

Hafoin komemora loron trabalhadores no asina deklarasaun Tibar. Ilidio dehan, iha deklaraun Tibar ne’e iha Pontus hamutuk 20 maka atu kaer CPLP, maibe mai iha Timor liu-liu SEPFOPE koalia konaba trabailho infantil, membru hirak ne’e koalia asuntu refere sira husu atu ratifika konvensoens internasional balun ne’ebe maka liga ho trabailho infantile inklui mos kriasaun sistema integradu siguransa sosial no 18 seluk tan.

Tuir  Ilidio katak, iha asuntu ne’e koalia mos oinsa atu kontinu ba iha area formasaun no hare liu ba asuntu laborais konaba disbuta laborais ninian, inspesaun jeral do trabailho nomos asuntu salariu minimu no asuntu hirak seluk tan . Iha komemora mundial trabailadores sira nian ne’e iha mos asina deklarasun ida ne’ebe hanaran deklarasun Tibar . Nia dehan, tinan ida ne’e loron mundial ba trabalhadores sira Governo komemora iha sentru Tibar, iha loron ida ne’e aumezmu tempu hamosu mos deklarasaun, katak, loron ida ke signifiku teb-tebes . Ilidio hatutan katak, iha loron espesial ida ne’e lori mos Nasaun vizinho, Nasaun CPLP sira mai halo vizita ba iha sentru formasaun par abele hare saida maka bele ajuda malu Timor leste maka sei ajuda sira ka sira maka sei ajuda Timor leste ho difikuldade ne’ebe maka iha . “Iha momentu enkontru ne’e iha duni realidade hamosu hanoin 2 ,prpemiru iha ita nian sira hare katak ita nia sentru Tibar ne’e sentru ida ke abansadu liu bele mos fahe ba Nasaun CPLP hanesan Guine Bisau,Cabuverde,Mocambike ,no Angola,iha parte balun mos it abele aprende husi sira liu-liu konaba area de trabailho ninian konaba halo mediasaun ,arbitrajem ,konsiliasaun,SEPFOPE rasik mos koalia ona ho delegasaun husi Mosambike katak, husi Inspektur jeral do trabailho hau koalia ona ho sira katak sei mosu nota intendementu MoU ida oinsa maka ita bele haruka inspektru ida ba iha sira nia Nasaun atu aprende netik buat ruma iha sira ni fai ne’eba,” hatete Ilidio.

Entertantu aniversariu ida ne’e SEPFOPE mos loke espozisaun hari tenda hamutuk 24 ,espozisaun ida ne’e SEPFOPE lori grupu auto empregu durante SEPFOPE finansia entau lori delegasaun hirak ne’e mai hatudu katak programa SEPFOPE nian maka durante ne’e halo, iha espozisaun ne’e halo membru balun hakfodak ,maibe ba Portugal no Braiz labele konta tanba ema nia rai abansadu, maibe iha parte seluk oin seluk tanba Sekretariu Ezekutivu CPLP nian sira hakfodak ho Timor nia sentru ida ne’e , no Sekretariu Ezekutivu ne’e bolu kedas Sekretariu Estadu SEPFOPE dehan ita bo’ot iha perola, ne’e signifika katak, osanmean ida iha limana rasik katak, oinsa maka bele dada maluk husi CPLP bele mai aprende iha ne’e . Ilidio orguilho tanba Timor leste foin maka ukun-an tinan sanolu resin maibe Timor lalakon katak iha area formasaun SEPFOPE iha abansadu uituan kompara ho maluk husi CPLP hirak seluk .

Iha loron Mundial ida ne’e Ilidio fo mensajem ba trabailhador sira katak,husu ba maluk trabailhador sira katak ,imi maka sei ajensia no autor ba dezenvolvimentu,wainhira ema kuandu viola trabailhador sira nia direitu favor mai hakbesik –an ba SEPFOPE atu nune’e bele resolve disbutak laborais ne’ebe maka trabailhador sira infrenta. Iha fatin hanesan Deputadu Eladio reprezenta PN fo parabens ba trabailadores sira ba iha media Nasional ,katak trabailhadores hot-hotu iha Timor leste, lori trabailhador maka lori halo vida mundu nian, vida Timor nian bele iha ,sekuandu laiha serbisu, aihan, no sasan hirak seluk oin loron ema labele iha iha felisidade ida ke diak.  “Haksolok tebes ba media sira ne’ebe maka serbisu iha loron ne’ebe la determina hodi buka informasaun atu intrudes ba publika ,tanba ne’e parabensa ba imi trabailhador ba loron ida fulan Maio nian,loron ida halo mudansa no halo transformasaun vida humana, media nia kontribuisaun sei fo paz no domin ba Timor leste no ba mundu tomak,”hatete Eladio fo parabens. Media SEPFOPe no Kontribusaun husi Media nasional