Relatóriu Badak konaba Enkontru ho Sr. John Novotny iha Melbourne



Iha Novembru 2014 ekipa de trabalhu ida husi SEPFOPE lideradu husi Sr. Diretor Paul Alves halao vizita ba Melbourne Australia, hodi hasoru malu ho senhor John Novotny no Senhor Prof.Indubhushan Patnaikuni ho Objetivu atu rona no hare teknika konstrusaun uma ho rai. Durante vizita ida nee, ekipa husi SEPFOPE aprecia explikasaun ne’ebe mak hato’o husi fasilitadores nain rua nee no hato’o sira nian komentarius katak teknika konstrusaun uma ne’ebe mak sira hare ne baratu no apropriadu ba povu Timor-leste atu aplika. Husi interese ida nee hamosu deseju boot husi SEPFOPE atu haruka ninian teknikus de kostrusaun grupu ida atu mai tuir treinamentu konaba halo uma ho rai iha Melbourne,Australia, tanba ne, iha dia 20 de Maiu 2015, Adidu de Trabalhu/Empregu desloka husi Canberra ba Melbourne atu hasoru malu ho Senhor John Novotny iha iha Timor-leste nian Consuladu iha Melbourne.
Entertantu antes de enkontru ida nee, Adidu de Trabalhu/Empregu halao uluk vizita ba Bairnsdale(besik 500km husi cidade Melbourne) hodi hasoru malu ho dirijentes husi  kompañia Bulmer’s farm no ho trabalhadores Timor oan nebe servisu iha kompañia ne’e. husi enkontru ida ne, kompañia Bulmer’s farm disidi atu haruka haruka ninian ema nain ida ka rua atu ba Timor-Leste iha fulan junu hodi halo rekrutamentu ba 50 ka 60 Trabalhadores foun ba kompanhia ida nee. Oras nee, kompañia nee ho Ajensia MADEC fo ona service ba trabalhadores Timor oan hamutuk nain sanulu resin lima iha Bairnsdale. Espera katak ho rekrutamentu foun iha fulan junho nee, kompañia Bulmer’s farm ho Ajensia MADEC sei simu tan trabalhadores Timor oan barak atu ba servisu iha Bairnsdale.

Depois de fila husi Bairnsdale, iha dia 22 de Maiu iu ba, Adidu de Trabalhu/Empregu hasoru malu ho senhor John Novotny iha Timor-Letse nian consuladu iha Melbourne. Iha enkontru ida nee hetan mos partisipasaun husi nian official iha consuladu Melbourne, senhora Ana Noronha. Depois de rona tiha interese husi SEPFOPE konaba Treinamentu konstrusaun uma ho rai, Senhor John Novotny dehan katak oras ne rai hahu malirin(invernu) I dala barak udan. Tanba ne, nia prefere atu treinamentu nee bele halao wainhira rai hahu manas(Verão). Mas ikus tiha, nia konkorda para iha fulan julhu ne’e SEPFOPE bele manda grupu kiik ida kompostu husi  enjeñeiru nain2 ho treinador  husi centru Treinamentu nain2(hamutuk ema nain 4)para mai tuir treinamentu teoriku durante loron 2 ka 3 iha Melbourne. Tuir senhor Novotny,teknika halo konstrusaun uma  ho rai ne la difisil I talvez pratikante sira sei la presiza halo trabalhu pratiku iha Melbourne. Mas depois nia mos konkorda katak durante halao treinamentu ba pratikante nain 4 iha fulan julhu ne, se tempu diak no laiha udan, mak nia sei halo mos treinamentu pratiku atu sira nain hat bele hare no koko halo paredi(tembok) ho rai. Durante halao treinamentu pratiku ne’e, pratikante sira mos sei aprende oinsa halo rasik instrument hodi komprimi rai.
NB: se karik bele halo duni treinamentu pratiku iha fulan julhu ne mak SEPFOPE presiza aluga makina kahor simenti 1,sosa simenti saka3 ka 4, no sosa rai karada 2 ka 3. Importante mos atu nota katak treinamentu ne’e gratuitu, mas SEPFOPE mak tenke selu gastus konaba pratikantes sira nian viajen husi Dili-Melbourne-Dili,sira nian transporte iha Melbourne laran, alojamentu,no hahan ka refeicoes.
NB:  Iha Juñu laran mak Senhor Novotney sei informa lolos data treinamentu nian ba SEPFOPE. Tuir senhor ne’e, teknika konstrusaun uma ho rai fasil los, baratu liu I ema idak-idak iha Timor-Leste bele halo ninian uma rasik ho teknika ida ne. ikus liu senhor Novotny mos hakarak para Governu Timor-Leste bele sosa/hola tiha direitu patente(hak paten) ba konstrusaun uma ho rai husi nia atu nune’e nia lalika fan ba ema seluk.

No comments:

Post a Comment

Related Posts Plugin for WordPress, Blogger...