Governu Haruka Tan Trabalhador 5 Ba Koreia Súl

Neneik  maibe  sertu. Problema  dezempregu  iha  rai  laran  hahú  hamenus  ba  bei-beik  liu  husi  kooperasaun  bilateral  hodi  haruka  joven  sira  ba  servisu  iha  koreia  do  sul.

Segunda (8/10) ofisialmente  governu  haruka  tan  trabalhador  nain  lima (5)  atu  sai  empregadu  iha  Koreia Súl hodi tuir timor-oan sira ne’ebe oras ne’e dadaun servisu iha ona nasaun Ginseng  ne’e.

Total  trabalhador timor-oan husi tinan 2009 to’o 2012 ne’ebe agora dadaun servisu iha Koreia sul hamutuk  1.079 ne’ebe servisu iha  area peska, fabrika no agrikultura.

Tanba ne’e Sekretariu Estado Politika Formasaun Profisional no Empregu  (SEPFOPE), Ilidio  Ximenes,  husu ba trabalhador sira atu hatudu atetude no dixiplina hodi manan esperensia.

Tuir nia, servisu ne’ebe trabalhador sira ba kaer ne’e todan, maibe presiza traballadór nia pasiensia no domin ba servisu, tanba trabalhador nain 5 ne’ebe atu desloka ba ne’e nain  1.

Iha fatin hanesan, reprezenta Sekretariu Estado Apoio Setor  Privadu, Eusebio da Costa hateten, xave  importante ba trabalhador sira mak tenke iha konesimentu iha area ne’ebe sira servisu, tanba TL sei hamrook ba skill, ne’e duni governu haruka sira ba.

Entertantu, Sekretariu Estado Peska, Rafael Pereira Goncalves, husu ba trabalhador atu aproveita tempu didiak tanba esperensia importante tebes no skill ne’ebe sira hetan bele mos mai dezenvolve peskas  Timor Leste.

No comments:

Post a Comment

Related Posts Plugin for WordPress, Blogger...