Bispo D. Basilio do Nasimento fo bensa ba ponte Tara Soibada


Bispo Diocese de Baucau D. Basilio do Nasimento hamutuk ho Sekretariu Estadu koko kedas ponte tara iha Soibada e komunidade sira sente haksolok tebes tamba ponte ne'e bele ajuda fasilita sira wainhira mota boot mai.

Sekretariu Estadu Polítika Formasaun Profisionál Empregu (SEPFOPE) Ilídio Ximenes no Bispu Dioseze Baucau,Loron Domingu (20/01) Inagura ponte tara Sahe “Jembatan Gantun” iha Sub-distritu Soibada,Distritu-Manututu.
            Molok ponte Sahe atu hari hetan apoiu material husi doadores Austrália,maun de obra no materiál ba kontrusaun apoiu mós husi Ministériu Obras Públiku(MOP) hodi oferese loke dalan ba too ponte tara sahe ho montante orsamentu 10 mill ital. Tuir SEPFOPE ) Ilídio Ximenes hateten, kona ba konstrusaun ba ponte Tara iha aldeia rua Boamalus Hun no Dau Lorok iha Sub-distrito Soibada. Iha monento sedauk iha ponte tara komunidade aldeia rua ne’e susar tebes atu hakat ba iha Soibada Vila iha tempu udan no komunidade mós susar tebes atu lori produto local ba iha merkadu Soibada. Iha Inagurasaun ba ponte tara ne’e,kominudade suku Manlala no suku Leo hat  bele asesu no lori produtu Lokál liu husi ponte tara sira mós sei la triste bainhira iha tempo udan tanba iha ona ponte tera ne’ebé hoo nia luan 1,8 no ninia naruk 120.
            Ba kontrusaun Ponte Tara ne’ebé hetan tulun husi ONG Internasionál husi Austrália liu husi Amu Basílio hodi halo konstrusaun ponte tara. SEPFOPE apoiu liu husi maun de Obras ba ferik Katuas no Joven ne’ebé lalin fatuk hodi halo kontrusaun ponte tara no loke mós dalan foun hamutuk ema na’in atus ida neen(106).
            Tuir planu SEPFOPE sei kria manutensaun liu husi hadi’a bee dalan iha ponte tara hodi bele halo manutensaun  di’ak liu tan atu nune’e komunidade bele uza hoo di’ak.
            Fatin hanesan amu Bispu Dioseze Baucau hateten, hotu-hotu konkorda tenke hadi’a Kondisaun, karik ladi’ak  konserteza dezenvolvimentu la la’o.Ne’e duni, importante ba rai doben Timor-Leste tenki iha dezenvolvimento.la’os atu halo buat hotu-hotu dala ida .Mais, pelemenus iha fatin ida tenki identifika  no ohin loron ita hare iha  tempo udan lurón- lurón hotu-hotu nakonu ho tahu halo populasaun book an la di’ak no sirkulasaun mós difisil tamba atu lori produtu local ba fa’an la iha tranporte.
            Maske ukun na’in sira halo ona buat barak.  Tamba povo fó fiar ba sira tinan-tinan saida mak nasaun presiza no povo presiza atu halo di’ak liu tan. Tan  ne’e,tenke tau atensaun liu ba Estrada.Nune’e mós Sub-administradór informa mós katak, durante iha ukopasaun Indonézia mota Sahe la iha ponte no tinan 10 nia laran Timor-Leste hetan ukun rasik an mós ota Sahe sedauk halo. Entaun sai preokupasaun boot ba komunidade aldeia Malus hun husi suco leo haat no aldeia Dau lorok husi suku Manlala ne’ebé ho total populasaun kuaze 700 no uma kain 160 sai Vítima ba mota Sahe bainhira udan boot mota sempre fó ameasa ba sira no la bele lori produtu lokál ba iha merkadu Soibada.
            Iha tinan 2012 fulan Marsu Mota Sahe hahú halo Ponte Tara “Jembatan Gantun” ne’ebé hetan suporta fundus husi ajénsia Internasionál Austrália no SEPFOPE inklui mós komunidade sira rasik mak halo too ramata.
Nu’udar komunidade Lorenso Quintaõn sente kontente ba Ponte Tara  ne’ebé Inagura tanba iha tempu udan tun sir abele utilize Ponte Tara ne’e hodi bele lori produtu local ba too iha merkadu Soibada. Tempo Semanal

No comments:

Post a Comment

Related Posts Plugin for WordPress, Blogger...