Funsionáriu SEPFOPE 20 Simu Motorizadas

DILI - Sekretariu Estadu Politika Formasaun Profisional Empregu (SEPFOPE) entrega motorizadas 20 ba funsionáriu husi rejiau 5 ho objetivu atu funsionáriu sir abele halao sira nia servisu ho di’ak liu.
            Motorizada 20 ne’e komposto husi motorizadas 15 ho marka Supra X no 5 ho marka Megapro. Total orsamentu ba motorizadas hirak ne’e hamutuk U$ 36,175.00. motorizadas hirak ne’e sei entrega ba rejiaun 5 ho ninia diresaun maka, GSE, GDG, Finanҫas, IGT, DNAFOP, Aprozionamentu, SACNT, L.M.I, Logistika no Reginal.
            Sekretariu Estadu Politika Formasaun Profisional Empregu (SEPFOPE), Ilidio Ximenes da Costa hodi intrega motorizadas hirak ne’e husu atu funsionáriu sira tenke halo kontrolasaun di’ak ba motorizadas hirak ne’e para labele ohin simu aban a’at kedas.
            “Ha’u ba imi sira ne’ebe simu ona motor ne’e ida-idak tenki kontrola ekipamentus ne’ebe maka iha atu nune’e bele halo pouvansa ba ita nia manutensaun,”Ilidio ddehan ba jornalista sira iha caicoli- Dili,Kinta (17/01).
            Nia mós husu atu fasilidade ne’ebe governu sosa tenke uza duni ba halao servisu ho di’ak hodi servi povu sira no laos ba tula fali familia ou namorada no namoradu.
            Nia afirma, iha fulan tolu ou fulan ne’en ne’e nia laran sei halo mos inspesaun ba motorizada no kareta ne’ebe ema troka fali sapa Governu  nian hodi tau fali sapa privadu.
            Iha fatin hanesan, funsionáriu dirasaun nasional relasaun traballu, Roja Maria Lobato hateten, nia parte kontenti tebes ho fasilidade ne’ebe maka governu fo ba nia atu bele halao servisu di’ak liu tan.
            “Ha’u kontenti tebes tamba bele simu ona fasilidade ne’ebe governu fo atu fasilita hau nia servisu bele lao di’ak liu tan konaba prevensaun disputas laborais  nian,” Roja dehan. Timor Post

No comments:

Post a Comment

Related Posts Plugin for WordPress, Blogger...