SEPFOPE Loke Expozisaun Kareira Professional no Empregu 2014 iha Distritu Manufahi

Manufahi - Sekretaria Estadu ba Politika Formasaun Professional no Empregu (SEPFOPE), liu husi Diresaun Nasional Emprego (DNE) realize expozisaun kareira professional no empregu tinan 2014 iha Distrito Manufahi ne’ebe mak partisipa husi Diretor Geral SEPFOPE, Administrador Distrito Manufahi, Representante husi ILO, PNTL, no Directores Nasional SEPFOPE.

Exposizaun kareira ne’ebe mak organiza husi SEPFOPE liu husi DNE ho hanoin ida atu bele  fahe informasaun ba estudante finalist hodi bele hetan informasaun ne’ebe klaru husi empregador sira hodi nune’e estudante finalist sira bele hetan liu tan informasaun no bele desidi tuir kareira ne’ebe mak sira hakarak.

Representante ILO Fernando Encarnacão ne’ebe mak partisipa iha eventu refere haktuir katak SEPFOPE nia programa ne’e hala’o durante Tinan hat (4) ona hetan mos apoiu husi ILO. No Tinan ne’e SEPFOPE iha osan rasik ba programa ne’e no ILO fo apoiu hanesan tekniku deit. Iha tinan ida ne’e programa ba expozisaun karreira halao iha Distritu hitu (7), ho objektivu atu estudante sira liu husi expozisaun  kareira alin Estudantes sira bele hatene saida maka diak ba sira nia futuru.

Diretor Geral SEPFOPE Jacinto Barros Gusmão ne’ebe mak reprezenta Sekretariu Estadu SEPFOPE iha diskursu hateten katak aktividade Expozisaun kareira no empregu hanesan programa ne’ebe mak kada tinan sempre hala’o husi SEPFOPE ho intensaun atu bele fo introdusaun servisu no informasaun ba estudante finalist sira ne’ebe mak sei remata estudo iha escola secundaria hodi bele hare’e, hanoin no deside imi nia future. Tamba ne’e husu ba estudante sira atu bele aproveita oportunidade durante loron rua ho diak atu nune’e aban bai-rua labele sai objeitu (penonton) iha distritu rasik, Jacinto Barros mos hato’o agradementu ba apoiu tomak ne’ebe mak hala’o husi SEPFOPE Distritu ho parseiru sira hotu ne’ebe mak labele temi ida-idak to’ o ohin loron bele realize eventu ida ne’e.

Iha eventu refere Admistrador Distritu Manufahi, Filomeno Tilman afirma, agradese tebes ba SEPFOPE ne’ebe mak realiza programa ne’e to’o ohin ita halibur hamutuk iha fatin ida ne’e hodi hato’o informasaun vizaun no misaun ba malu li-liu ba estudantes finalista ka   foinsae sira aproveita partisipa no rona informasaun ne’e kona ba kareira professional, ho feira ida ne’e oportunidade di’ak atu ema hotu akompaina informasaun sira ne’e sei iha mehi di’ak ida ba futuru ho realizasaun eventu ida ne’e  ho importante tebes hodi bele  fahe informasaun oi-oin ho ida ne’e husu ba hot-hotu atu rona no aparoveita oinsa atu dezemvolve an iha ne’eba, no hanesan Admistrador Distritu nudar Guverno Local fo apoiu tebes ba inisiatvia ne’ebe mak mai husi SEPFOPE.

Implementasaun programa expozisaun kareira no feira servisu ida ne’esei halao durante  loron 2, nebe sei partisipa husi empregador Centru Formasaun mai hanesan ezibitor hamutuk 20, kompostu husi, Istituisaun Governu 6 hanesan : PNTL, SEPFOPE, Servisu Saude Distritu (SSD), Diresaun Servisu Agrikultura, Centru Joventude, Bombeiros, ONG local hamutuk 14 hanesan : Grupo café Familya (FEEO), Fundasaun ALOLA,  TT, Telemor, SHC, Madre, GrupoFeto, CVTL, H.N, Luta ba Futuru, BlessComputer, IADE no Conekto.

Partisipa iha expozisaun refere estudante finalist hamutuk 1173 (Mane 508 no fetoFeto 665) Total Escola hamutuk 11, husi Escola Sekundario Sub-Distritu 6 iha distritu Manufahi, mak hanesan Escola Sekundaria Publiku Hatu udo, Ensinu Sekundariu Publika Alas/Dotik ETV, Ensinu Sekundaria Catolika Nossa Senhora de Fatima Turiscai, ensinu Tekniku ETV Alas/Dotik, Ensinu Sekundaria Catolika fransisco borsa da Costa no Fransisco Assis ColeigoFatuberlihu, Escola Sekundaria Publika SMU 1912 no ETP Akadiruhun/Agro Comercio Same, Ensinu Sekundaria publika Halibur no Sekundaria Catolika Cosamar (Cleigosão Miguel arcanjo) Betano.

Orsamentu ba realizasaun Expozisaun kareira no feira traballo idane’e, mai husi   do Estado ba SEPFOPE nian, ne’ebe mak gasta ona ba programa refere hamutuk $8.000,00 no iha mos Apoiuteknik hosi ILO/OIT ba produsaun manual expozisaun kareira.

Iha Fatin hanesan tuir estudante finalista Seinsia Naturais husi Escola Coleigo São Fragcisco, Dominggos Pinto, hateten senti kuntenti iha eventu ida ne’ebe SEPFOPE realizaliu husi  feira ida ne’e tamba hanesan parte ida di’ak tebes tamba  liu husi fahe informasaun ho programa ne’e aban bain rua remata no ami la iha osan atu kuntinua Eescola iha Universidade bele partisipa deit kursu no apriende formasaun liu husi sentru ne’ebe iha programa sira hanesan formasaun ka kursu atu ba oin bele suporta ami nudar foinsa’e hodi desidi futuru ami nian no bele hatene informasaun ne’ebe klaru no  fasil atu bele deside no termina an ba futuru.