SEPFOPE Apoio Indistri Ki’ik Uza Material Lokal Nu’u

Lautem - Sekretariu Estadu ba Politika Formasaun Professional no Emprego, Ilidio Ximenes da Costa hala’o visitaba Grupo Timoli ne’ebe halo produsaun ba pasta, hamos ai no ekipamentu seluk nebe mak produs husi nu’u.

Tuir Sekretariu Estadu SEPFOPE, kObjetivu husi visita ne’e hodi hare diak liu tan atividade ne’ebe mak hetan suporta husi SEPFOPE liu husi programa FEFOP iha tinan kotuk liu ba.Antes ne’e, SEPFOPE haruka ona sira ba tuir formasaun iha Jojga hodi hatene liu tan kona ba programa atu bele produs no halo sira nia produtu  husi nu’ u.

Hafoin hetan ona formasaun iha Jojga, sira fila fali no SEPFOPE  fornese apoiu hodi harii industria ki’ik. Liu husi husi programa ne’e, bele ajuda kria kampu serbisu ba inan feto sira no joven, no  agora dadun ne’e grupo Timoli komesa halo ona pasta ba ita nian inan feto sira no sira mos halo ona tapeti hodi bele hamos ain fo’er.  Ne’e hatudu ona resultadu ne’ebe diak no ita komesa promove ita nian programa para bele ajuda loke ona merkadu  ba ema liur hodi nune’e,  bele fa’an material lokal ne’ebe mak ita halo onaba pasta no buat seluk.

Iha parte seluk, chefe grupu ne’ebe mak hetan ajuda husi SEPFOPE hateten, sira kontente tebes tamba liu husi programa ne’e, grupu bele loke ona serbisu no bele  fasilita joven no inan feto sira hodi bele involve direita hodi halo pasta no buat seluk tan nomos husu ba SEPFOPE atu fasilita hela merkadu hodi nune’e material ne’ebe mak halo ona bele fa’an iha loja sira iha Dili laran.