SEPFOPE Loke Expozisaun Karreira Professional no Empregu 2014 iha Distritu Viequeque

Viequeque - Sekretariu Estadu ba Politika Formasaun Professional no Empregu (SEPFOPE), Ilidio Ximenes da Costa akompanha husi Adjuntu Administrador Distritu Viqueque, Diretor Nasional SEPFOPE, Komandante PNTL Distritu Viqueque , Kom, Diretor Eskola Sekundariu no estudante sira loke ofisialmente expozisaun karreira professional iha Distritu Viqeuqeu, Sexta 11 07-2014

Expozisaun karreira professional hanesan eventu ida ne’ebe importante ba estudante, professor ensinu sekundariu no ba ekspozitor sira, tamba liu husi programa expozisaun karreira ida ne’e, sai hanesan mata dalan ba maluk desempregu sira no estudante finalista sira atu bele heten informasaun husi empregador sira kona ba lala’ok serbisu no hili dalan ida ne’ebe mak sai prioridade wainhira sira ramata eskola nivel sekundariu.

Exposizaun kerreira ne’ebe mak organiza husi SEPFOPE liu husi Diresaun Nasional Empregu ho hanoin ida atu bele fahe informasaun ba estudante finalista hodi bele hetan informasaun ne’ebe klaru husi empregador sira,  hodi nune’e estudante finalista sira bele hetan liu tan informasaun no bele deside no hili tuir sira nia hakarak wainhira ramata sira nian estudu.

“Expozisaun ida ne’e sai hanesan parte importante ba ita nian alin finalista atu bele deside sira nian futuru no hili dalan ne’ebe mak los ba sira nian futuru wainhira sira ramata sira nia eskola sekundariu,” haktuir  Sekretariu Estadu, Ilidio Ximenes iha nia diskursu abertura.

Liu husi expozisaun karreira, estudante pos-graduadu  sira hatene ona atu hili hodi kontinua ba universidade, sentru formasaun, tama Forsa PNTL ou hakarak kontinua ba buka serbisu.

Expozisaun kareira professional ne’ebe SEPFOPE organiza liu husi Diresaun Nasional Empregu sei halo durante loron 2 iha Viqueque.

Eventu ne’e hetan partisipasaun husi estudante hamutuk 600, númeru ne’e mai husi eskola sekundariu públiku 6 iha Viqeuqeu.