Reforsa Kapasidade Institusional

Timor-Leste Liu Husi SEPFOPE Hetan Segundu Lugar iha PASFP PALOP – TL

Enkontru altu nivel ministerial ba empregu no formasaun profissional iha âmbitu 2º Komité Kordenasaun no Pilotajem ba Projetu Apoiu ba Seitor Formasaun Profissional husi Grupu País Afrikanu Lingua Ofisial Portugues (Angola, Cabo Verde, Moçambique, Guinea Bissau no São Tomé e Principe) ho Timor Leste / PALOP – TL hala’o iha Luanda, Angola iha loron 25 Junhu, 2014

Bazeia ba identidade linguistika no kultural, historia, modelu administrasaun públika, sistema valor governasaun no tradisaun interkâmbiu ba esperiensia dudú País Afrikanu Lingua Ofisial Portuguesa hamutuk ho Timor Leste (PALOP – TL) hala’o koperasaun liu husi Projetu Apoiu ba Seitor Formasaun Profissional (PASFP - Projecto de Apoio ao Sector de Formação Profissional) ne’ebe hetan suporta husi Fundu Europeia ba Dezenvolvimentu.  

Pojetu Apoiu ba Seitor Formasaun Profissional iha PALOP hahú mosu liu husi desizaun ne’ebe  foti iha enkontru rua ba Ordenador Nasional husi PALOP (Maputo 2005 no Bruxelas 2006) ho objetivu atu haree liu ba estratejia de apoiu ba dezenvolvimentu iha seitor Empregu no Formasaun Profissional. Cabo Verde nudar nasaun ne’ebe assume responsabilidade ho lidera prosesu tomak.

Timor Leste hola mos parte nudar País Benefisiariu iha Setembru 2010 hodi bele atinji mos objetivu espesífiku husi projetu konjuntu hodi reforsa no moderniza estrutura no sistema públiku no privadu husi enkuadramentu institusional ba area Empregu no Formasaun Profissional, Kria Sistema Formasaun Profissional, Ensinu Tékniku no Empregu ne’ebe admite dinamizasaun ba kompetitividade no produtividade iha seitor atividade husi projetu ba kada nasaun.

Hahú husi envovilmentu, Timor Leste liu husi Sekretaria Estadu Polítika Formasaun Profissional no Empregu liu husi projetu IX FED husi Janeiru to’o Junhu 2014 hetan progresu no okupa segundu lugar iha area reforsa kapasidade institusional ba emrpegu no formasaun profissional ne’ebe indika ho 21% husi gráfiku iha kra’ik.

BENEFICIÁRIOS POR PAÍS DAS ACÇÕES DE FORMAÇÃO/REFORÇO INSTITUCIONAL (C1.1):

ANG = Angola

CV = Cabo Verde

GB = Guinea Bissau

MOZ = Moçambique

STP = São Tomé e Príncipe

TL = Timor Leste

Iha mos programa seluk ne’ebe hala’o durante periodu ne’e mak hanesan: emprendedorismu no industria kreativa, asaun formasaun ba jestor sistema kualifikasaun nasional, asaun formasaun ba formador no operador transformasaun peska, norma komún sertifikasaun ba formador sira, koletânia lejislasaun, no workshop  apoiu tékniku ba instruturasaun sélula ba insersaun professional, emprendedorismu no auto-empregu. Ba Timor Leste, envolvimentu iha PASFP PALOP – TL signifikativu teb-tebes tamba bele troka esperiensia no konhesementu ho país afrikanu sira liu-liu sira nia mekanismu existente ba formasaun professional no kriasaun empregu.

Enkontru altu nivel iha Luanda ne’e partisipa husi Ministru Administrasaun Públika, Trabalhu no Siguransa Sosial Angola, Dr. António Pitra Neto; Ministra Juventude, Empregu no Dezenvolvimentu Rekursu Umanu Cabo Verde, Dra. Janira Hopffer Almada;  Representante Ministra Saúde no Assuntu Sosial São Tomé e Príncipe,  Dr. Manuel Pontífice no representante Sekretariu Estadu Polítika Formasaun Profissional no Empregu Timor Leste - Diretor Jeral, Jacinto Barros Gusmão.

Antes de remata enkontru, nasaun hirak ne’e asina hamutuk akordu ida ho naran “Akordu Koperasaun no Parseria Multilateral Entre País Afrikanu Li’an Ofisial Portugues no Timor Leste kona ba Empregu no Formasaun Profissional.”