SEPFOPE Prepara Timor Oan nain 10 tuir Formasaun Pramugari (Aeromoça)

Sekretaria Estadu ba Politika Formasaun Profissional no Empregu (SEPFOPE) liu husi diresaun Nasional Formasaun Professional ne’ebe serbisu hamutuk ho ajensia ARVEC , tinan ne’e sei haruka Timor oan nain 10 ba tuir formasaun pramugari iha Indonesia, ho objektivu husi formasaun ne’e, atu timor oan bele iha abilidade diak liu tan iha parte aviasaun nian, dehan Sekretariu Estadu SEPFOPE iha obrigado barak, Caicoli Dili wainhira halo abertura ba selesaun kandidatu sira ne’ebe mak compete iha formasaun refere.

Formasaun ida ne’e hala’o tamba iha ona kooperasaun ne’ebe mak realize entre SEPFOPE, ajensia arvec no mos sriwijaya ne’ebe mak prontu atu simu timor oan sira ne’ebe mak tuir formasaun iha area aeromosa ne’ebe mak agora daudaun atu implementa nudar parte dahuluk husi kooperasaun ida ne’e, iha etapa dahuluk nian ne’ebe mak joventude sira hetan no rona informasaun liu husi media iha ona kandidatu hamutuk nain 191 kompostu husi feto hamutuk 111 no 80 mane, mak mai hatama aplikasaun iha ajensia Arvec.

Ba fase dahuluk nian depois sira tuir teste husi ajensia Arvec inklui SEPFOPE sei iha mos teste husi husi Sriwijaya rasik mak sei fo nudar etapa daruak nian. Hafoin tuir teste no iha resultadu ikus nian fo sai sira ne’ebe mak susesu iha ijame sei ba tuir formasaun durante fulan 6 iha Jakarta Indonesia hodi hasae sira nian kapasidade kona ba Aeromoca (pramugari ) no tuir akordu ne’ebe mak halao husi Governu Timor Leste liu husi diresaun Nasional Formasaun Profissional kopera hamutuk ho governu Indonesia liu husi ajensia Arvec, depois de formasaun durante fulan 6 sira mos sei tuir selesaun hodi bele serbisu iha aviaun laran tuir kriteria ne’ebe mak iha hanesan saude, bele koalia lian ingles, alturas no seluk tan sira nina disponibilidade atu bele serbisu iha aviao leten, dehan Ilidio Ximenes da Costa.