Konstruksaun Uma Lima ba Kbit Laek

Trabalhadores sira kontinua halo serbisu ba konstruksaun uma lima iha Suco seloi Malere Sub Distrito Aileu Villa Distrito Aileu

Sekretariu Estadu, Ilidio Ximenes da Costa foto hamutuk ho trabalhhdores sira.

Sekretariu Estadu, Ilidio Ximenes da Costa halo inspeksaun ba obra uma lima nebe mak halo iha Suco Seloi Malere Distrito Aileu Villa Distrito Aileu

Prosesu konstruksaun uma lima iha Suco Seloi Malere Distrito Aileu Villa Distrito Aileu

Trabalhadores sira kontinua halo serbisu ba konstruksaun uma lima iha Suco seloi Malere Sub Distrito Aileu Villa Distrito Aileu

Uma Lima nebe mak halo uza materila lokal husi rai mean iha Distrito Aileu.

Aileu, Sekretariu Estadu ba Politika Formasaun Professional no Emprego, Ilidio Ximenes da Costa iha loron kuarta 6/08/2014 halo observasaun ba progarama uma lima ihaSuco Seloi Malere, Sub Distrito Aileu Villa  Distrito Aileu.

Programa uma lima nebe mak halo iha Suco Seloi Malere hanesan programa pilotu husi SEPFOPE nebe mak uza material local husi rai mean  ne’eb’e mak produs hodi sai hanesan tijolu kesi hodi nune bele halo uma ba kbit laek ba komunidade iha Suco refere.

Tuir Secretariu Estadu, Ilidio ximenes da Costa Objectivo husi halo uma lima ba komunidade kbit lae sira ne’e tamba hetan konfiasan husi Primerio Ministro Xanana Gusmão no uma lima nebe mak halo uza material local hanesan projeto pilotu no oinsa ita hare buat nee diak ou lae, dehan Ilidio Ximenes da Costa.

Material local para halo uma lima iha Sub Distrito Aileu Villa ne’e mai husi rai mean. Ba dadaun  ne’e SEPFOPE iha projeto pilotu uma 10 mak fahe ba parte rua ida iha Distrito Aileu no ida iha Distrito Manatuto

Uma lima nebe mak halo iha Suco Seloi Malere ne’e SEPFOPE hili kompanhia Doben hanesan kompanhia local mak kaer obra hodi halo uma ba komunidade kbit laek iha area refere. Kompanhia Doben halo ona uma internet uza tijolu kesi iha Gleno no kompanhia ne’e mos hetan fiar husi SEPFOPE liu husi Diresaun Nasional Emprego – Dep. Empregu temporariu, dehan Ilidio Ximenes da Costa.

Total orsamentu halo uma lima uza material local hanesan tijolu neé gasta osanmentu estadu hamutuk $ 151.000 ho durasan projeito durante fulan 4 ba dadun ne’e kompanhia sei kontinua halo lima iha suco refere no no medidas uma lima nebe mak SEPFOPE fo ba kompanhia ho luan 8 x 8.

No tuir planu depois uma lima nebe mak halo husi kompanhia Doben,  Sepfope sei konvidade nain ulun sira mai para bele hare.

Iha parte seluk Sekretariu Estadu sente kontenti tebes tamba uma lima nebe mak halo iha suco Malere Sub Distrito Aileu Vila Distrito tamba projeito nebe mak halo ba konstrukasaun ne’e mai husi Timor Oan deit no ida ne’e sai urgulho mai ita Timor Oan sira no ida neé sira kompanhia hatudu duni sira nian professionalismu iha area serbisu no sira mos bele halo no Tuir Director kompanhia katak sira mos sente haksolok tamba hetan konfiasan husi SEPFOPE bele halo uma lima ba komunidade ha area refere.