Akam rekruta formandus husi Centru Formasaun

Sekretariu Estadu SEPFOPE, Ilidio Ximenes da Costa entrega lista naran formandus ba Director kompanhia Akam Foo Hau iha edificio SEPFOPE, caicoli

Sekretariu Estadu SEPFOPE, Ilidio Ximenes da Costa asina akordu entrega formandus husi Centru Formasaun ba Kompanhia Akam nebe asiste husi Presidente CCI-TL Oscar Lima iha edificio SEPFOPE, Caicoli

Sekretariu Estadu SEPFOPE, Ilidio Ximenes da Costa, Presidente CCI-TL Oscar Lima no Director Akam Foo Hau Kun foto hamutuk ho formandus nebé mak hetan serbisu iha kompanhia Akam

DÍLI : Kompañia Akam Group rekruta nain 14 ne’ebe durante ne’e tuir formasaun iha Sentru Formasaun sira ne’ebe durante ne’e hetan apoiu husi Sekretáriu Estadu Pólitika Formasaun Profesional no Empregu (SEPFOPE). Formadu hirak ne’e tuir formasaun iha Sentru Formasaun sira iha área Administrasaun, Eletrisidade, Soldador, IT, no seluk tan.

Horiseik, Sekretáriu Estadu, Ilídio Ximenes da Costa entrega formadu sir aba Diretór Kompañia Akam Group, Foo Hau Kiun liu husi asina akordu ne’ebe asina no asiste diretamente husi Prezidente Camara Comersiu Industria Timor-Leste (CCI-TL), Oscar Lima iha salaun SEPFOPE Kai-koli, Díli. Iha oportunidade ne’e, husu ba traballador sira ne’ebe sei ba servisu iha kompañia Akam atu implementa ho diak matenek ne’ebe sira hetan iha servisu fatin no husu ba sira atu servisu badinas no bainhira hetan osan labele hanoin atu halo deit lia, maibe tenke uza osan hodi hadia vida moris no SEPFOPE sei esforsu maka’as hodi kontinua kapasita Timor oan sira liu husi sentru formasaun Senai Becora, Tibar no fatin seluk tan hodi redus dezempregu iha TL sepfope mos agradese kompañia Akam Group ne’ebe hakarak simu formadu sira servisu iha sira nia kompañia.

Iha fatin hanesan, Diretor Akam, Foo Hau Kiun, dehan orgullu ho politika SEPFOPE hodi kapasita Timor oan no agradese tebes, tamba Akam Group ne’e fo servisu ba Timor oan sira, ohin asina tan akordu ne’e hodi simu tan maluk Timor oan na’in 14 atu ba servisu no durante ne’e, Akam Group simu traballador Timor oan barak hodi servisu iha Super Merkadu Leader, Ofisina Toyota, no Lita Store.

Entertantu, Prezidente CCI-Tl, Oscar Lima sente orgullu ba servisu SEPFOPE tanba SEPFOPE esforsu duni ba area formasaun hodi produs formandu ne’ebe pronto atu compete iha merkadu servisu no Ida ne’e orgullu boot ida ba servisu SEPFOPE hodi kapasita ema sai matenek, depois kompañia sir aba foti hodi fó servisu iha setor privadu Timor oan sira loloos tenke promove kapasidade traballador Timor oan hodi servisu badinas liu tan.  Prezidente CCI-TL ne’e husu ba setor privadu sira atu kontinua koopera ho SEPFOPE hodi haruka formadu sir aba servisu iha sira nia Kompañia.