REFLESAUN LORON FETO BA TRABALHADORES IHA SEITOR PRIVADU

“REFLESAUN LORON FETO BA TRABALHADORES IHA SEITOR PRIVADU”

(DIREITO NÓ DEVER TRABALHADOR FETO NIAN IHA SERVICU FATIN)

 

Diretor Nasional Relasaun do Trabalho (SEPFOPE), Angelo Veloso, M.AP

Atu halo susessu bá desenvolvimento iha Diresaun Nacional Relasaun Trabalho hodi haforsa nó protege relação industrial atu hamenus disputa, tengke hato’o  informação kona bá lei trabalhador nian bá sociedade, especial liu bá empresário nó trabalhador atu sira hetan ká hatene direito nó obrigação iha relação servisu nian atu hamosu ká hala’o  servisu hó hakmatek iha servisu fatin nó halo negócio iha serenidade nia laran.

Problema relação industrial hanesan obrigação nó responsabilidade TRIPARTIDA nian atu hamutuk hadia nó aumenta condição trabalho nebé hetan tiha ona durante acontece relação trabalho atu iha servisu hakmatek nó esforço nebé condusivo nó hanesan fasilita dahuluk nian bá hanorin nó desenvolve relação industrial nó lala’ok kona bá aumenta conhecimento kona bá condição trabalho entre ema nebé fó servisu nó ema nebé kaer knar/servisu nain.

Iha opinião balun nebé hateten katak:

1.  Feto iha posisaun nebé fraco (vulnerável)
2.  Feto nudar grupo minoria 
3. Tradicionalmente feto hela iha uma deit atu serví família 
4. Feto labele tama iha sociedade atu hala’o knar importante;

Tanba opinião hirak ne’e, mosu:

1. Violência (doméstica, sexual, assédio sexual) 
2.  Pressão husi grupo maioria (mane)

Maibe iha Constituição RDTL Nº. 50 (Direito do Trabalho), lei Laboral Timor-Leste N° 4/ 2012: artigo 17, Art. 6 (Princípio Fundamental); Art. 9 Justificação contrato, Convensaun N° 100 kona bá Remunerasaun nebé hanesan (Equal Remuneration Convention), Cconvensaun N° 111 kona bá Diskriminasaun iha servisu hó profisaun (Discrimination on employment and Occupation), Convensaun N°. 29 (Trabalho Forçado), CN°. 105 (Eliminação de Trabalho Forçado). Nudar trabalhadora, hot-hotu iha dever mak hanesan; Lei Laboral no 4/2012 lá halo discriminação entre trabalhadores (mane & feto) kona bá dever atu kaer knar; Ida-idak sei hala’o ninia servisu tuir contrato/acordo nebé halo ona entre sira; Termos gerais servisu nian nebé tau iha contrato mak nudar guia nebé parte rua sei uza hodi foti medidas bá sira nia relação servisu nian. Artigo 58 kona bá Princípio Fundamental liu-liu artigo 59 hateten kona bá proibição atu halo discriminação iha servisu nó profissão, particularmente relaciona hó Remuneração entre feto hó mane bá servisu nebé hanesan. Iha art. 58 (principio fundamentu) 59 alinea a,b, c no d kona bá modalidade especial trabalhadores balun (liu-liu art.59 ) específicamente feto sira nebé servisu iha companhia sei hetan tratamento especial tanba sira nia kondisaun nudar feto ká inan isin rua durante fulan 9 (sia) nia laran nó mós wainhira sira tur ahi/parto liu tiha durante fulan 3 tutuir malu atu fó susu/tau matan bá labarik/bebé. Iha art 65 específicamente koalia kona bá feto servisu nain nebé bele hetan prejuízo bá sira nia saúde ká sira nia oan(kosok oan) ninia saúde wainhira hala’o servisu todan/forçado.

Convenção N° 100 kona bá Remunerasaun bá servisu nain mane hó feto bá servisu nebé hanesan (Remuneration for men and women workers for work of equal value Termo “remunerasaun” significa salário ká vencimento normal, base ká mínimo nó emulomento/honorário adicional nebé selu directa ká indirectamente, pronto pagamento ká hó sasan/material bá trabalhador relaciona hó ninia servisu.

Termo “Remunerasaun hanesan bá trabalhador mane hó feto hó servisu nebé iha valor hanesan” refere bá valor salário nian nebé estabelece lá halo discriminação baseia bá género/gender.

Convenção N° 111 kona ba Diskriminasaun iha servisu ho profisaun (Discrimination on employment and Occupation) Termo “Discriminação”: diferença, excepção ká princípio kona bá: Raça, cor, sexo, religião, opinião política, origem nacional ou social nebé bele causa halakon ká hamenus oportunidade ká tratamento atu servisu ká hetan posisaun; Termo “Servisu” nó “Profisaun” cobre mós oportunidade/acesso atu tuir treino de capacitação, atu hetan servisu ká posisaun apropriado nó kondisaun servisu nebé diak; Kondisaun servisu nebé diak mak hanesan oras servisu, tempo descansa, feriado anual, iha contrato de trabalho, segurança social iha servisu fatin , prosperidade nó benefício sira seluk relaciona hó servisu.

Conclusão :

1. Timor-Leste em geral nó servisu nain, feto sira específicamente bele haksolok tanba Convenção N°s: 29; 100; 105 & 111 hatur ona iha ita nia Lei  Laboral, Oin sá bele implementa lolós, precisa colaboração tripartida liu-liu entre patrão nó servisu nain sira. 
2. Trabalhadoras precisa hatene katak molok hetan direito sei hala’o uluk sira nia dever, Atu relasaun industrial sai favorável, tenke iha equilíbrio entre dever nó direito

Nudar parte Governo nian:

1.  Hala’o orientação/educação de relação industrial geral nó específico kona bá condição servisu nian iha servisu fatin hotu-hotu; 
2. Halo inspecção geral nó específico kona bá condição servisu;
3. Hakiak relasaun diak entre parte sira nó colabora malu atu nune’e bele estabelece relação industrial nebe diak iha area kona ba  serbisu nain nudar feto
4. halo sosilaizasaun kona ba regulmento nebe governu hasae relaciona ho relasaun industrial liu husi edukasaun laboral
   
   

   

   Dadus DNRT tinan 2014.

   
   
   
   
   
   
   
   Hakerek nain: 
   Angelo dos Santos Veloso (Directur DNRT-SEPFOPE)
   
   
   
   
   Alumni: MAP-UGM Yogyakarta-Indonesia
   
   
   
   
   Email: velosoangelo_81@yahoo.com
   
   
   
   
   No Hp: 77327289