Kompañia Tenke Fó Salariu Tuir Estandarte Nasional

Administrador Distritu Bobonaro, Domingos Martins husu emprezariu kompñia na’in sira atu selu traballadór sira tuir estandarte salariu minimu ne’ebé mak determina ona husi Sekretariu Estadu Politika Formasaun Profisional no Empregu (SEPFOPE).

Tuir nia, antes lori Lei Salariu minimu traballadór nian, SEPFOPE halo ona estudu viabilidade ba vantajen no dezvantazen husi salariu minimu ne’e ho valor US$ 115 kada fulan.

Liu husi enkontru formal sira, Administradór ne’e sempre anunsia beibeik ba emprezariu sira hodi kumpri Lei Salariu Minimu bainhira halo pagamentu ba traballadór sira.

Nune’e, nia mós husu ba SEPFOPE atu halo sosializasaun ba Lei Salariu Minimu, tanba iha kompañia balun sei kontinua viola direitu traballadór sira nian. Kuandu identifika kompañia balun viola tenke foti sansaun hasoru nia.

Administradór Domingos dehan, iha Administrasaun Distritu Bobonaru rasik oras ne’e daudaun implementa ona lei ne’e hodi selu salariu ba cleaner service sira ho salariu kada fulan US$ 115.