Timor-Leste hemetin kooperasaun iha área kapasitasaun institusionál ho Japaun



Sekretáriu Estadu Polítika Formasaun Profisionál no Empregu, Ilidio Ximenes da Costa, iha loron 26 fulan Setembru halo sorumutu ho Embaixadór Japaun ba Timor-Leste iha Edifísiu Embaxada Japaun, Díli, Timor-Leste, ho objetivu atu hametin kooperasaun iha área kapasitasaun instutusionál iha Sekretaria Estadu Polítika Formasaun Profisionál no Empregu (SEPFOPE).

Sekretáriu Estadu, Ilidio Ximenes informa katak asuntu sira ne’ebé ko’alia iha sorumutu ne’e maka hanesan: portál ba sistema bazededadus no informasaun, Téknika asitente ba SEPFOPE liu-liu iha área merkadu traballu, formasaun profisionál ba joven sira (liu-liu iha área mekánika, teknolojia no mós oinsá bele haruka joven sira halo job training iha rai liur) no programa kona-ba hamosu rendimentu (Income Generation Program) ne’ebé maka define ona atu kapasita joven sira liuhosi treinamentu atu bele dezenvolve produtu lokál no mós hasa’e koñesimentu kona-ba servisu, liuhosi programa home industry for youth no  programa one village one product.

Governu japaun liuhusi embaixadór hateten, “ ami prontu atu fó apoiu ba Timor-Leste liuhosi programa ba formasaun profisionál ba Joven sira hodi bele redús dezempregu iha Nasaun ida ne’e.

2 comments:

Related Posts Plugin for WordPress, Blogger...