Traballador 300 Servisu iha Tasi Timor


   Traballador timor-oan ne’ebe oras ne’e dadaun hala’o servisu iha mina timor nian hamutuk ema na’in 300.
       Prezidente Autoridade Nasional petroliu (ANP). Gualdino da costa hateten, traballador sira hakarak ba hotu tasi laran. Maibe ro’o plataforma nia kapasidade la to’o atu tula traballador sira.
       Tanba ne’e mak sira koloka traballador asosiadu sira seluk iha rai maran ne’ebe mak fo apoiu ba iha tasi laran.
       Atu hari’I Suplay Base iha Distritu Kovalima, nia dehan diskusaun seidauk hotu tanba membru governu rasik koalia dala barak ona katak preferensia Timor Leste nin-ian ne’e klaru hela.
       Prezidente ANP husu ba kompañia hotu katak, presija iha dialogu atu bele hetan aseitasaun kona-ba konseitu uniku atu dezenvolve kampu Greater Sunrise.
       Gualdinho hateten iha ANP iha ninian meza iha opsaun tolu, maibe referensia prefensi ne’e klaru hela husi governu TL atu dada kadoras mai TL.
       Ministru koalia dala barak ona, komisariu ba Sunrise ninian mos koalia dala barak ona no fiar katak pozisaun Timor Leste nian ne’e klaru pipeline mai Timor-Leste. “katak nia.
       Maske nune’e, nia dehan tenke koalia halo dialogu atu deskuti iha nivel oioin atu bele iha konkordansia lalais iha tempu badak atu bele komesa ba dezemvolvimentu ba Greater Sunrise.
       To’o agora ANP rasik seidauk simu planu kona ba oinsa atu dezenvolve Greater Sunrise, tanba husi konseitu tolu ne’e seidauk iha solusaun no konkordansia diak entre parte ne’ebe mak relavante.
 
Edisaun nú. 352 | Tersa, 25 setembru 2012 | INDEPENDENTE

1 comment:

Related Posts Plugin for WordPress, Blogger...