Governu Lansa Ekipamentus Salva Vida Ba Seitor Privadu

Governu Lansa Ekipamentus Salva Vida Ba Seitor Privadu Governu liu husi Secretario Estado Politika Formasaun Profesional Empregu (SEPFOPE) no Ministerio Justisa (MJ) iha Mandarin.

Lansamentu ekipamentu salva vida hanesan kapaseti, no kameja serbisu ba trabalhador seitor privadu sira. Seremonia lansamentu salva vida ne’e ho loke mos reklame bo’ot ne’ebe mak produs husi SEPFOPE ninian kona-ba oinsa trbalhador sira uza kapaseti iha tempu serbisu. Iha reklame laran ne’e hakrek ho liafun katak, uza ekipamentus ba seguransa no saude iha serbisu. Bazeia ba lei trabalho seksaun IV kona-ba seguransa, ijjene no saude iha serbisu fatin artigu 34,35 no artigu 36.

 Sansaun trabalho viola dever empregador sei aplika medida dixiplinar. Emprega vila lei dever sei aplika multa ho koima. Seremonia ne’e asisti dereitamente husi, seitor privadu no trabalahdor sira. Liu husi diskursu SEPFOPE Ilidio Ximenes da Costa hateten, ba oin reklame ne’e sei monta iha distritu 13 atu nune’e bele hafanu ema hotu katak, salva vida ne’e importante. “Ita husu mos ba empregador sira kontrator ou kompanha sira tenki fo mos tramentu ne’ebe mak diak ba trabalhador sira,”esplika Ilidio Ximenes iha Mandadrin Tersa (30/04) ne’e. Iliido Ximenes akresenta, Presidente da Republika sai hanesan aman ba dezenvolvimentu. “Ba tinan ida ne’e Governasaun ami halo konsulta ho Presidente Republika. PResidnete Republika sai hanesan aman ba dezenvolvimentu,”tenik Ilidio Ximenes da Costa. Alende ne’e Ministru Justisa (MJ) Dionisio Babo hateten, loron 1 Maio loron trabalhador Internasional ninian ne’ebe rekohesidumente hanesan loron feriadu. “Timor Leste mos ita adopta buat ida ne’e, ne’e hatudu katak, Estadu Governu fo nia atensaun maka’as teb-tebes ba iha trabalhaldores sira,”esplika Dinio Babo. 

Dinisio Babo sublina, trabalhadores ninia kontribuisaun ba iha dezenvolvimentu Estadu pais ida ne’e nian konstitui kuaze 50%. “Tanba ne’e hau khakarak fo primeiru parabens ba SEPFOPE, tanba konsege implementa saida mak hakrek ona iha lei. Segundu parabens mos ba Parlamentu Nacional apoiu tomak ne’ebe mak fo durante ne’e. Fo parabens mos ba empegador sira,”tenik Dionisio Babo.