Prezidente Repúblika fó sai katak hatan ba rezignasaun Primeiru-Ministru nian



Prezidente Repúblika fó sai katak hatan ba rezignasaun Primeiru-Ministru nian

Ministru Estadu no Prezidénsia Konsellu Ministru no
  Porta-Vóz Ofisiál Governu Timor-Leste
Dili, loron 9 fulan-fevereiru tinan 2015
Prezidente Repúblika fó sai katak hatan ba rezignasaun Primeiru-Ministru nian
Governu konfirma katak Prezidente Repúblika, Taur Matan Ruak hatan ofisialmente kona-ba rezignasaun Primeiru-Ministru nian.
Komunikadu Imprensa fó sai ohin husi Gabinete Prezidente Repúblika nian refere:
“Hafoin tiha reuniaun Konsellu Estadu nian, S.E. Prezidente Repúblika, Taur Matan Ruak informa katak nia aseita pedidu demisaun Primeiru-Ministru nian, ne’ebé aprezenta iha loron 5, fulan-Fevereiru liubá. Demisaun Primeiru Ministru nian ne’e, iha hanesan konsekuensia ba demisaun Governu nian, tuir Konstituisaun.
S.E. Prezidente Repúblika agora sei fó inísiu ba prosesu harii Governu foun, hodi rona mós partidu políitku sira-ne’ebé iha reprezentasaun parlamentár. Hein katak prosesu harii Governu foun ne’e sei ramata to’o finál semana ida-ne’e”.
Titulár sira ba kargu atuál mantein nafatin sira nia pozisaun kona-ba Serimónia Tomada Pose Governu foun Primeiru-Ministru nian. Nu’udar fó sai iha Komunikadu Imprensa Gabinete Prezidente Repúblika nian katak, sei hala’o hela konsulta sira.
Iha semana ne’e nia rohan, Primeiru-Ministru Xanana Gusmão hateten katak sidadaun sira tenki kontinua hakmatek no hala’o sira ninia moris hanesan baibain, hodi asegura katak nia intensaun  “kontinua partisipa” iha Governu foun ninia estrutura.
Portavós Governu Konstitusionál da-V, Ministru Estadu Agio Pereira, hateten katak “ne’e hanesan marku tranzisaun nian ida ba Timor-Leste ita hotu hatene kona-ba ne’e katak ‘loron ida’ sei akontese’. Loron mak ida ne’e. Ita oras ne’e hola atensaun atu respeita baiha tranzisaun ne’ebé mai husi Primeiru-Ministru Kay Rala Xanana Gusmão; ita hahii ba nia lideransa no prepara ita nia an ba Governu foun ho kbiit maka’as no dignidade, hodi garante estabilidade iha governasaun ita nia nasaun nian”.

No comments:

Post a Comment

Related Posts Plugin for WordPress, Blogger...