SEPFOPE Lansa primeira Pedra Dormitorio Centro Formasaun Tibar

Lansa primeira Pedra Dormitorio Centro Formasaun Tibar

Lansa primeira Pedra Dormitorio Centro Formasaun Tibar

lian nain fo bensaun nuu bee ba fatuk antes atu Lansa primeira Pedra Dormitorio Centro Formasaun Tibar

Diskursu Sekretariu Estadu, Ilidio Ximenes da Costa iha Lansa primeira Pedra Dormitorio Centro Formasaun Tibar

Sekertario Estado Politika Fromasaun profesional Emprego (SEPFOPE) Ilidio Ximens akompaina husi Sekertario Estado Konselho Ministro (SEKM) Avelino Coilho, Vise Prezidente Cimisaun D, Domingos Carvailho de Araujo oficialmente lansa primeira Pedra konstrusaun dormitorio Centro Formasaun Tibar.

SEPFOPE, Ilidio hatete objetivu husi dormitorio ida ne’e atu halo formasaun ida ne’ebe integrado katak husi formasaun humana too ba iha eskil ba estudante sira katak o husi munisipio ida ne’e no ida ne’eba inklui mos halo formasaun ida ne’ebe diak liu tan.

“ida ne’ebe mak agora ami infrenta mak presijamente formasaun ba ekipamentus alat berat, ne’ebe agora programa ba kintu Governo nian atu estabelese centro formasaun iha nivel Distritu komersa lao ona ne’ebe Suai iha ona, Oekuse ita iha ona no Baucau mos ita iha ona ne’ebe mak fiansia husi ADB,”Ailidio informa ba jornalista sira iha centro Formasaun Tibar tersa94/2) hafoin lansamentu Primeira pedra dormitorio centro formasaun.

Ilidio hatete, dormitorio ida ne’e hanesan uma mahun ida ne’ebe iha ne’eba bele produs ema ne’ebe mak ho vijaun no asaun ne’ebe mak klaru atu dezenvolve nasaun ho pais ida ne’e.
Iha fatin ahensan Sekertariu Estado Konselho Ministro Avelino Coilho hatete atu dezenvolve nasaun ida ne’e presija iha rekursus humanus ida ne’ebe preparadu atu kompete iha mercado do trabailho tantu servisu ba ema inklui mos bele ho esperensia siensia ne’ebe sira hetan bele mos sai hanesan ema ne’ebe servisu ba nia an rasik ou auto imprego.

“Ita nia rain ne’e iha potensia ne’ebe barak teb-tebes mak hanesan konstrusaun sivil, ingeneria, mekaniku no seluk tan maibe iha buat importante teb-tebes mak bolu dehan seito agrikulo ou seitor arte jenato ne’ebe aban bainrua industria bobot tama iha ne’e ema sei hakarak buka hahan oi-oin ne’ebe sei labele mai husi rai seluk maibe sei mai husi ita nia agrikultura sira no ita nia perskas sira no pekuario ho ida ne’e formasaun hanesan ne’e sei insentiva joven ne’ebe mak preparado didiak iha futuru oin mai,” Avelino hatete.

Entertantu Vice Prezidente Comisaun D Parlamento Nasional Domingos Carvailho de Araujo hatete alokasaun orsamneto Tinan 2015 ba SEPFOPE Tinan ida ne’e ho montante 15 milhoes ida ne’e ladun sufisiente tanba SEPFOPE nia area tematiku luan teb-tebes ne’ebe iha aktividade lubuk bot ida mak hanesan konstrusaun ba dormitorio centro formasaun Tibar, centro formasaun iha kada Distritu no seluk tan ne’ebe ho objetivu atu fo asesu formasaun ba juventude sira ne’ebe kada Tinan remata nia estudu iha eskola primaria.

“Nudar povo nia liman ain iha Parlamentu Nasional (PN) mai iha ne’e, ohin ami mai tau ona peletakan batu pertama, husu ba kompania ne’ebe kaer obra ida ne’e atu tenki halao ho kualidade ida ne’ebe mak diak,” Domingos sujere. Hare ba alokasaun orsamento ba SEPFOPE nebe kiik liu nune’e Vice Prezidente komisaun D ida ne’e promete katak sei defende orsamento ba SEPFOPE atu nune’e SEPFOPE bele halao dezenvolvimento ba iha 13 Munisipio hotu tanba laos iha Tibar deit no laos iha Suai deit no seluk tan maibe kuaje munisipio hotu presija. 

“ Lolos ne’e osan ho 15 milhoes ne’ebe tau ba SEPFOPE ida ne’e latoo, ne’ebe hau vice Prezidente komisaun D rasik iha momentu ne’e ba ne’e hau latama iha komisaun eventual ne’ebe mantein nafatin ho 15 milhoes ne’ebe SEPFOPE aprejenta ne’ebe ami husu duni atu aumenta nune’e aumenta maibe ituan deit,”Domingos promte. Montante orsamentu ba obra ne’e hamutuk $ 1,497.900.49, kar husi kompania G&S ho duransaun tempo Tinan ida.