TL - Korea Inagura Sentru CBT

DÍLI- Governu Timor Leste liu husi Sekretariu Estado ba Politika Formasaun Profesional no Empregu (SEPFOPE) ho Embaixador Korea do Sul ba Timor Leste, Kuarta (06/11), inagura sentru Computer Base Test (CBT) Becora, hodi nune’e trabalhadores sira bele tuir ezame lian Korea ho sistema online.

Sistama  Komputer Based Test (CBT) estabelese iha Timor Leste inkuli nasaun 13 entre 15 nasaun nebe mak tama iha sistema employment permits system Korea (EPS), tamba nasaun sira neé mak haruka sira nian trabalhadores ba serbisu iha Korea do Sul. CBT hanesan sistema teste foun ba lian korea nebe muda husi paper based Test (sistema nebe uza surat tahan) ba komputer based test (sistema teste uza komputador).  Sistema teste foun neé uza internet online ba perguntas no respostas.

Liu husi sistema neé Governo Korea do Sul liu husi HRD Korea iha Timor Leste ajuda Material hanesa Meja, kadeira, Laptop, no seluk tan no husi parte Governo Timor Leste liu husi SEPFOPE nian parte prepara edificio no linha internet.

Sentru ne’e ho ninia medida hamutuk 255 metrus kuadradu ne’ebe kompostu husi aula computer base test (CBT) ho ninia medida 170 metrus kuadradu, aula enkontru ho ninia medida 85.2 metrus kuadradu no aula istalasaun ekipamentus ho ninia medida 10 metrus kuadradu. Sentru Teste Lian Korea nian ne’e apoiu orsamentu husi governu Timor-Leste hamutuk $130 mil no husi governu Korea nian maka apoiu computer ho tan ekipamentus sira seluk.

Sekretariu Estado Ilidio Ximenes da Costa, lori governu TL nia naran agradese ba governu Korea do Sul ne’ebe apoiu ona TL iha area kapasitasaun rekursus humanus.

Tuir, Ilidio katak, hanesan nasaun foun sempre infrenta difikuldades liu-liu iha rekursus humanus, entaun liu husi sentru CBT nian ida ne’e bele fo pasu ba Timor Leste atu bele kapasita no eleva joven sira iha area teknolojia. Hau orgulhu ho sentru ida ne’e tanba Timor Leste liu husi trabailador sira maka hahu fila fali tuir teste lian Korea ho online, ida ne’e pela primeira-vez SEPFOPE halo ba trabailador,”Ildio dehan.

Iha oportunidade hanesan embaixador Korea do Sul ba Timor Leste, Hyang Kyum hatete, sentru CBT nebé inagura ona espera katak ba oin ho kolaborasaun ida ne’e bele alkansa hodi haruka trabailador barak ba iha Korea do sul

“Ba oin programa izame computador ida ne’e bele sai hanesan dalan ou maneira ida para trabailador sira bele halao ezame ho diak liu tan ho sistema online, Kyung hatete.

Kyung dehan, hori bainrua nia halo vizita ba iha Distritu Baucau no Lospalos hodi hasoru administrador hodi husu para enkoraja nafatin joven sira para bele partisipa kursus lian Korea nian ho diak no mos computador.

Seremonia inagurasaun ba sentru CBT ne’e marka prezensa husi Sekretariu Estado Peskas (SEP), Rafael Gonçalves, Vise-Prezidenti HRD Korea do Soul Lee Choon Bok, embaxador Korea Mai Timor Leste, Hyang Kyum, Direitor Jeral SEPFOPE, Jasinto Barros Gusmão,reprezentante Sekretaria Estado Apoiu Promosaun Seitor Privado (SEAPRI), professor no profesora lian Korea no mos funsionariu SEPFOPE. Julio/sepfopemedia.

Jornal da Repúblika

SEPFOPE - Corpo Diplomático

Sekretariu Estadu ba Politika Formasaun Profisional no Empregu, Ilidio Ximenes da Costa akompanha husi assesora excutiva Junia Lie encontru hamutuk ho embaxador Nova Zelândia mai Timor Leste Mr. Tony Fautua, Primeiro Secretária ba desenvolvimento, Anna Mosley, Country manager Hawkins seth Pardoe no executive general maneger Hawkins Brian Fitzgerald, encontru ne’e kolia kona ba seasonal worker program no vocational training. Encontru neé realiza edificio embaxada Nova Zelândia Farol Dili (22/10). Media SEPFOPE

Sekretariu Estadu ba Politika Formasaun Profisional no Empregu, Ilidio Ximenes da Costa akompanha husi assesora excutiva Junia Lie encontru hamutuk ho embaxador Nova Zelândia mai Timor Leste Mr. Tony Fautua no Primeiro Secretária ba desenvolvimento, Anna Mosley, encontru ne’e kolia kona ba seasonal worker program no vocational training. Encontru neé realiza edificio embaxada Nova Zelândia Farol Dili (22/10). Media SEPFOPE.

Sekretariu Estadu ba Politika Formasaun Profisional no Empregu, Ilidio Ximenes da Costa  encontru hamutuk ho embaxador Jepan mai Timor Leste Mr. Yoshitaka Hanada.  Iha encontru neé kolia kona ba Programa vocational training automotive nebé hetan ajuda husi Jepan liu husi JIDRAC. Edificio embaxada Jepan Farol Dili (22/10). Media SEPFOPE.

Sekretariu Estadu ba Politika Formasaun Profisional no Empregu, Ilidio Ximenes da Costa akompanha husi assesora excutiva Junia Lie encontru hamutuk ho embaxador Jepan mai Timor Leste Mr. Yoshitaka Hanada.  Iha encontru neé kolia kona ba Programa vocational training automotive nebé hetan ajuda husi Jepan liu husi JIDRAC. Edificio embaxada Jepan Farol Dili (22/10). Media SEPFOPE.

Komunidade Maluro entrega rai ba SEPFOPE

Viqueque – Komunidade sira iha Suku Maluro, Sub-distritu Viqueque Vila, distritu Viqueque, entrega rai ektare 1,5 ba Sekretariu Estadu ba Politika Formasaun Profesional no Empregu (SEPFOPE).

Komunidade sira entrega rai ne’e ba SEPFOPE hodi harii Sentru Formasaun iha sira nia area.

Komunidade sira iha suku ne’e ho hakarak rasik konvida Sekretariu Estadu Ilidio Ximenes da Costa hodi entrega rai gratuita.

Sekretariu Estadu ne’ebe akompana husi Diretor Nasional Empregu Paulo Alves no xefe departamentu Auto-empregu Lucio Beretasi hakat ba Suku ne’e hodi hala’o serimonia entrega rai.

Administrador sub-distritu Viqueque Vila akompana husi Xefe Suku Maluro no Komandante PNTL Viqueque entrega rai ba Sekretariu Estadu Ilidio liu husi serimonia adat ho esperansa atu prosesu dezenvolvimentu ba nasaun ne’e sei susesu liu husi programa ne’ebe SEPFOPE implementa.

Komunidade Maluro ho haksolok simu prezensa SEPFOPE no entrega rai hodi bele utuliza ba sentru treinamentu ba juventude iha suku ne’e nune’e iha tempu oin mai sira bele iha abilidade hodi partisipa iha prosesu dezenvolvimentu.

Molok ne’e komunidade sira husi distritu Oekusi no Maliana entrega mos rai ba SEPFOPE hodi harii sentru formasaun.

Sekretariu Estadu hatete SEPFOPE sei utuliza rai ne’ebe komunidade entrega hodi oferese matenek no abilidade ba komunidade sira liu husi treinamentu hirak iha sentru formasaun ne’ebe sei harii.

Iha oportunidade ne’e Sekretariu Estadu entrega mos revista Empregu edisaun dahuluk ne’ebe SEPFOPE produs ba komunidade sira.

Objetivu husi fahe Revista ne’e atu komunidade sira bele akompana informasaun kona-ba servisu no atividade hirak ne’ebe SEPFOPE hala’o.