SEPFOPE fahe Revista ba komunidade Wailili no Samalari

Sekretariu Estadu ba Politika Formasaun Profesional no Empregu (SEPFOPE) Ilidio Ximenes da Costa realiza sorumutu hamutuk ho komunidade iha Suco wailili no Suco Samalari Distrito Baucau, Kinta (10/04) kolia kona ba programa SEPFOPE nian liu huai programa Empregu Rural no oinsa partisipasaun komunidade iha prosesu dezenvolvimentu ida nee.

Iha nia vizita nee, Sekretariu Estadu akompaña husi Xefe Departamentu Empregu Temporariu, Lucio Bere Tasi inklui mos Autoridade lokal sira.

Iha sorumutu neé, komunidade husi suco Wilili husu ba Sekretariu Estado SEPFOPE para bele fasilita komunidade iha area rural liu husi programa empregu rural, no ejiji SEPFOPE hodi loke dalan no halo baleta liu husi programa 3 dolar nee.

Hatan ba pergutas husi komunidade sira kona ba probelema nebe mak sira infrenta Sekretariu Estadu fo hanoin ba sira katak SEPFOPE iha programa balun mak bele responde hanesan dalan iha area rural tamba SEPFOPE liu husi rejolusaun Conselho Ministro No 23/2013 sai hanesan bese legal para bele ajuda komunidade iha area rural liu husi projeito emprego rural.

“Kona ba prekupasaun sira seluk ami sei hato ba ministerio relevante para bele hare no oinsa bele responde ba komunidade sira nian prekupasaun,” hateten Ilidio.

Aproveita sorumutu ho komunidade nee, Sekretariu Estadu mos fahe revista no kalendario SEPFOPE, inklui mos jurnal ba lider lokal no komunidade sira.

Hafoin sorumutu ho komunidade iha Suco Wailili, Sekretariu Estadu ho delegasaun sepfope Kontinua sorumutu ho komunidade iha Suco Salamari Sub Distrito Laga Distrito Baucau ho objektivu hanesan, oinsa komunidade bele komprende programa empregu rural nian.

Remata sorumutu ho komunidade iha Suco Samalari, Sekertariu Estadu hamutuk ho kometiva, kontinua halo vizita ba estrada iha Suco Samalari, nebee kaer husi Kompania Loimar Lda.

Tuir Sekretariu Estadu estrada nebe halo iha Suco Samalari halo duni tuir dezenho nebee mak iha, tamba nee estrada ida nee bele sai hanesan exemplu ba kompania sira seluk.

Estrada nebe loke husi sepfope liu husi programa emprego rural fo ona impaktu positivo ba komunidade iha aldeia 3 husi Suco Salamalri ho total chefe de familia hamutuk 66 ho total populasaun hamutuk 381, Aldeia Surugoa ho total cehe de familia hamutuk 126 ho total populasaun hamutuk 619 inklui aldeia Lualari ho total chefe familia hamutuk 79 ho total populasaun hamutuk 345.