SEPFOPE Hala’o Enkontru ho Emprezariu Sira


Sekretaria Estadu ba Politika Formasaun Professional no Empregu (SEPFOPE) liu husi Diresaun Nasional  Empregu (DNE) realiza enkontru hamutuk ho emprezariu Timor oan hamutuk ema rua nulu resin-hitu ne’ebe hetan fiar husi SEPFOPE hodi hala’o obra kona ba programa empregu rural iha Timor laran tomak, enkontru neé realiza iha Sentru Formasaun SENAI Becora, 18/06/2014.
Enkontru ne’e atu fo hanoin ba kompania sira ne’ebe hetan fiar husi SEPFOPE hodi bele halo serbisu ho diak no responsavel tamba atu ezekusaun orasamentu SEPFOPE ba tinan 2014 bele atinji nia objektivu. Tuir Sekretariu Estadu, enkontru ne’e hala’o ho objektivu atu bele hadia kualidade no fahe informasaun ba kompania sira liu husi formasaun ba emprezariu sira.
“Emprezariu lokal balun foin mak atu hahú no balun komesa la’o diak no hirak ne’ebe foin hahú presiza aprende liu tan, ami nia injineriu sira sinal balu ne’ebe pozitivu no kontinua fo suporta atu hasa’e sira nia kualidade”, dehan Ilidio Ximenes.
Wainhira sira la halo sira nian obra ho diak no husik hela, SEPFOPE sei foti disizaun ba kompania sira. Husi 23 kompania, nota katak iha rua mak seidauk organiza-an diak no parte SEPFOPE sei foti medida no disizaun tamba kompania rua ne’e la implementa diak projetu empregu rural ne’ebe mak sira asina ona iha kontratu ho SEPFOPE.
Projetu empregu rural ne’ebe mak agora dadaun implementa iha baze mak projetu hirak ne’ebe hetan ona aprovasaun husi Parlametu Nasional liu husi fundus transferensia públika,  fundus ne’e iha kategoria oin-oin katak balun ita bele simu husi proposta ne’ebe tama husi komunidade, nudar programa emerjensia hodi fo ajuda ba komunidade. Aktualmente,  SEPFOPE mos iha linha kordenasaun ne’ebe diak hamutuk ho  Obras Públika, ADN, Estatal.   
Relasiona ho retensaun, SEPFOPE seidauk debe kompania durante tinan ida no 41 projetu  mak entrega ona ba ADN, falta deit 3 mak sei iha ADN nia meja, ida ne’e hatudu katak retensaun ba tinan ida ne la iha ona.

No comments:

Post a Comment

Related Posts Plugin for WordPress, Blogger...