Susesu Trabalhador Timor oan iha Korea do Sul : hatama Osan $4,226,352.15

Ekipa SEPFOPE halo Intervista ba kabens husi Trabalhdor

Resultadu husi impact assesment ba familia trabalhador Timor oan sira ne’ebe mak serbisu iha Nasaun Korea do Sul liu husi retornu ne’ebe mak sira haruka mai familia iha Timor Leste hodi hadia ekonomia familia nian. Politika Governu nian mak atu hatutan, hametin no hahu programa nebe mak bele kontribui ba desenvolvimentu rai doben ida ne’e liu husi haruka Timor oan sira ba serbisu iha rai liur hodi bele hadia ekonomia familia nian, hetan esperiensia foun iha ema nia rain, hadia mentalidade oinsa bele sai trabalhador professional no oinsa bele mos sai empregador iha futuru wainhira fila mai Timor Leste.

 Iha loron 19 de Setembro de 2014, ekipa husi DNE no Gabinete Sekretariu Estadu iha Distritu Oecusse halao assesmentu ba Trabalhador ne’ebe ho naran kompletu  Rosa Cofitalan, ne’ebe mak ba serbisu iha nasaun Korea do Sul hahu tinan 2011, serbisu iha area Agrikultura ho pozisaun kuda modo ho salariu kada fulan $900.00, no  oan husi esperanca Ail iha tinan 2013 Diretur kompania muda pozisaun fila fali ba iha kuda jamur ne’ebe ho salariu kada fulan sa’e ba $1,200.00, Rosa sai nudar trabalhador ne’ebe representa nasaun Timor Leste serbisu iha Korea durante tinan tolu nia laran no iha ambisaun maka’as atu hadia ekonomia familia nian kada trimestral sempre haruka osan mai familia liu husi banku ” western Union” ho valor osan ($2,000.00 X 12 = $24,000.00).

Makina ne’e hola hafoin ba serbisu iha Korea/Media SEPFOPE

Ho valor osan ne’ebe mak bin husi alin nain rua haruka mai ne’e informasaun ne’ebe mak ekipa sira hetan katak, familia utiliza osan hirak ne’e hodi halo uma mutin 1, utiliza ba han no hemu, selu alin nain rua ba escola, tratamentu saude ba inan aman no alin sira, hola makina dulas batar no loke kios ka negosiu.  Iha loron halo intervista mos trabalhador ne’ebe mak agora iha ona nia rai doben no nia konfesa mai ekipa sira katak agora daudaun saldo iha nia konta bankaria hamutuk $ 12,000.00 hafoin utiliza ba halo uma no loke kios.  Trabalhador Timor oan ne’ebe mak ba serbisu iha Korea do Sul haksolok tebes ho politika Governu nian nebe mak haruka Timor oan ba Korea tamba ba nia rasik nia hetan esperiensia nebe mak furak tebes wainhira serbisu iha ne’eba no nia rasik agora bele hamrik mesak hodi halo negosioatu bele hare’e ba nesesidade familia nian. Ho ida ne’e ita considera katak impaktu husi politika Governu nian hodi haruka trabalhador ba rai liur positivu tebes.

Tuir dadus Sekretaria Estadu ba Politika Formasaun Professional no Emprego numero Trabalhadores Timor ona Serbisu iha Korea hamutuk 1, 630 no iha Australia hamutuk 164 no ba tinan 2014 osan nebe mak trabalhadores sira haruka mai sira nian familia hamutuk. Area trabalhadores sira serbisu mak mak hanesan  Peskas mane  905, Fabrika   mane  577 no Feto 24 no ikus lai mak iha area Agrikultura mane  50 no feto 74.  Total trabalhadores iha Australia hamutuk  164 iha area hospitalidade no hortikultura. 

Uma ne’e hari’I hafoin ba serbisu iha Korea/Media SEPFOPE

Ba tinan 2014 total Total retorno husi Trabalhadores iha Korea do Sul liu husi BNU hamutuk $ 1,322,895.26, Wester Union   $ 2,119,004.89 no total hamutuk Total  $ 3,441,900.15 no total retorno husi Trabalhadores iha Australia nebe haruka liu husi Wester Union $ 784,452 no ikus mao total retornu iha iha tinan 2014 hamutuk $    4,226,352.15    

Wainhira hakarak konfirma ka hetan esplikasaun klean bele kontaktu ba Sr. Benigno da Cruz nudar Xefi Gabinete SEPFOPE ho nomor kontaktu +670 77327564/3310411.