Prosesu Pagamentu ba Eis Funsinario Indonesia.

Eis Funsionariu Indonesia Lamenta Prosesu Pagamentu Barak Naran La Iha

Tenke Mai Registu Naran Iha SEPFOPE.

DILI: Eis Funsionariu Publiku Indonesia hanesan militar, polisia, no funsionariu publiku no setor privadu barak lamenta sira nia laran la tama iha lista atu simu sira nia direitu ba pagamentu husi Governu Indonesia. Lamentasaun no kritika ne’e eis Funsionariu Indonesia sira hato bainhira akompania prosesu pagamentu ba loron ikus ba eis pensionista Indonesia iha Distritu Dili ne’ebé hala’o Banku Nasional Comerisiu Timor –Leste (BNCTL) Mandarin Dili, Sesta (22/11). tuir Eis Pensionista Indonesia, lamenta tanba dokumentu modal A - B no kriteria seluk hanesan SK, Karpek, maibe naran la iha. Eis pensionista Lino da Silva no Fernando Pereira Afonso husi Distritu Bobonaro husu atu parte BNCTL no SEPFOPE atu identifika didiak sira nia naran karik haruka sala ba Distritu balun.

       Nia dehan, durante ne’e sira nunka simu sira nia direitu ne’e husi governu Indonesia to agora. Hatan ba lamentasaun ne’e, funsionariu BCNTL hamutuk ho ekipa Diresaun Nasional Relasaun Trabalhador (DNRT) SEPFOPE nian hala’o kedas registu naran kuaze ema besik 150 liu hodi konfirma ho parte SEPFOPE depois sei haruka fali naran ba governu Indonesia hodi verefika. 

Xefi Gabineti SEPFOPE, Benigno Humberto informa katak, ba tinan 2014 ne’e Governu Indonesia hala’o tiha ona tranferensia orsamentu kuaze milloes 6 liu  hodi selu eis pensionaista Indonesia hamutuk rihun 15.124 hodi simu subsidiu ba trahalhador seitor privadu (JHT), Restu Subsidiu de Veilhice/THT, NTIP (Nilai Tunai Luran Pensiun) no NTIP (Nilai Luran Pensiu),   Nia dehan, ba sira ne’ebé naran la iha tenke hato keisa ba SEPFOPE hodi krense fali formulariu ida para SEPFOPE haruka naran ne’e ba governu Indonesia identifika los foin bele iha direitu atu simu sira nia osan.

          “Eis pensionista Indonesia hamutuk ema rihun 15.124 mak hetan rekoinesmentu husi governu Indonesia hodi selu sira nia osan, agora ba sira ne’ebé naran la iha tenke mai registu no prense formulariu ida iha SEPFOPE hodi haruka fali nara ne’e ba governu Indonesia iha PT JAMSOSTEK para sira kroscek iha sira nia base de dadus,” informa Benigno ba jornal INDEPENDENTE iha nia knar fatin.

          Pagamentu ne’e hala’o iha distritu 13  ne’ebé pagamentu hala’o koopera ho banku BNCTL no distritu Dili nian foin remata iha loron sesta liuba Nia dehan, dala ruma eis pensionista Indonesia balun naran iha la iha tanba, tuir akordu ne’ebé governu TL no Indonesia asina iha Jakarta tuir informasaun katak, uluk iha 1999 eis pensionista hotu iha dokumentu model A - B no ba sira ne’ebé la iha modal A - B Governu Indonesia sei la rekoinese. No dala ruma eis pensionista Indonesia balun naran la iha, tanba deskunfia sira ba foti ona sira nia osan iha Atambua ka Kupang Indonesia.

          “Tuir informasaun husi Governu Indonesia katak, balun naran la iha, tanba sira ba foti ona osan ne’e iha Atambua ka Kupang bainhira sai pengunsi iha 1999, no bainhira sira rona governu Indonesia mai halo pagamentu, entaun sira lori fali dokumentus mai halo reklamasaun,” dehan Benigno. Tuir nia katak, ba sira ne’ebé naran la iha, maibe dokumentu kompleitu no sente sira seidauk hetan sira nia direitu ba pagamentu, SEPFOPE  atu registu pronto atende sira nia naran.

          “SEFOPE prontu atu atende sira, se sira sente sira nia direitu durante ne’e la hetan no manobra ruma, sir abele mai registu naran iha SEPFOPE,” nia apela.

          Nia husu ba eis pensionista Indonesia atu labele laran taridu no tauk katak sira nia direitu ne’e atu lakon, tanba bainhira sira iha dokumentus modal A - B mak sei determina atu hetan sira nia direitu tuir akordu ne’ebé nasaun rua asiona ona.

LISTA PROSESU PAGAMENTU SUBSIDIU DE VELHICE/THT NO NTIP BÁ EIS FUNSINARIU PUBLIKU, MILITAR AGENTES POLISIA NO JAMSOSTEK HUSI GOVERNU INDONESIA

 

No	Agencia	Tipo de Pagamentu	Numeru Beneficiario	Total Orsamentu	Data Tranfere	Rezultadu	Observasaun
1	PT JAMSOSTE (Persero)	Subsidiu ba trabalhadorr seitor privadu (JTH)	4.255 Pessoas	RP/2.285.840.66.70 ($.185.886,04)rate 12.210	31 Dezembro de 2013	Procesu pagamentu laran	Tranfere Mai Bank Mandiri, Dili.
2	PT ASABRI (Persero)	Restu Subsidiu de Velhice/THT	512 Pessoas	RP.633.451.600 ($.56,231.83)rate 11.265	23 de Outuro de 2013	Procesu pagamentu laran	Tranfere Mai Bank Mandiri, Dili.
3	PT ASABRI (Persero)	NTIP (Nilai Tunai Luran Pensiun)	2.445 Pessoas	RP.10.345.215.500 ($.867.159,72)rate 11.930	3 de Agaosto 2014	Procesu pagamentu laran	Tranfere Mai Bank Mandiri, Dili.
4	PT TAPSEN (Persero)	NTIP (Nilai Tunai luran Pensiun)	15.124 Pessoas	RP.72.579.923.000 ($.6,414.487.23) Rate 11.315	12 de Maio de 2014	Procesu pagamentu laran	Tranfere Mai Bank Mandiri, Dili.