Treinamentu ne’e sei halo iha loron tolu nia laran, hahú husi 11 to’o 13 Fevereiru 2014. Tuir Planu ne’ebe iha, SEPFOPE sei fo treinamentu ba partesipante hamutuk 73 (Hitu Nulu Resin-Tolu), husi númeru ne’e sei fahe grupu rua: grupu primeiru ne’ebe tuir dadún premeira etapa treinamentu ne’e hamutuk 33 (Tolu Nulu Resin-Tolu) no segundu grupu sei realiza iha tempu badak tuir planu ne’ebe iha.
Abertura ba formasaun ne’e partisipa mos husi Presidente Komisaun E, Pedro Mars, Vice-Diretor ADN, Alexandre Sarmento, Diretor Jeral SEPFOPE, Jacinto Barros Gusmão, Diretor Inspesaun Jeral Trabalhu, Aniceto Leto Soro, Diretor Direasaun Nasional Empregu, Paul Alves, Direktur Diresaun Nasional Relasaun Trabalhu, Ángelo Freitas no mos chefe departamentu sira.
‘Timor ba Timor oan’, nudar liafuan importante nebe akresenta husi Sekretáriu Estadu polítika ba Formasaun Profesional no Empregu (SEPFOPE), Ilídio Ximenes da Costa, iha diskursu ne’ebe hato’o iha seremonia abertura. Presidente Komisaun E Parlamentu Nasional, Pedro Mars nebe kolia kona ba knar husi Komisaun E Parlamentu nasional mak hanesan: halo lei, fiskalizasaun no desizaun politika.
iha parte seluk Vice-Director ADN, Alexandre Sarmento esplika kona ba knar ADN hanesan halo avaliasaun ba méritu no viabilidade husi projetu capital dezenvolvimentu,” halo hodi aprende no aprende hodi halo maibe presija tuir padraun nebe iha”, Alexandre sarmento hatutan.
Hakerek Nain : Lucia F.P. da Camara | Editor : Clelio Alves | Photo : Kandhi Barnez
No comments:
Post a Comment