AUSTRÁLIA KOMETIMENTU APOIU PROGRAMA SEPFOPE

KAER LIMAN : Sekretariu Estadu Politika Formasaun Profesional no Empregu, Ilidio Ximenes da Costa kaer liman ho Ministru Rekursu Naturais no Turismu Austalia, Martin Ferguson bainhira halao vizita servisu ba gabineti SEPFOPE Kaikoli Dili, Kinta (21/02).

DILI - Governu Austrália liu husi Ministru Enerjia Rekursu Naturais no Turizmu (MRNT), Martin Fergusun pronto atu apoiu polítika governu hodi haruka traballadór Timor-oan ba Austrália.

                Kometimentu governu Austrália ne’e hato’o liu husi reuniaun entre Ministru Martin Ferguson no Sekretáriu Estadu Polítika Formasaun profisionál Empregu(SEPFOPE)Ilidio Ximenes da Costa, sesta (22/2), iha edifisiu SEPFOPE Kaikoli-Dili.

                Ministru Austrália dehan, Austrália iha kometimentu nafatin atu kontinua haruka traballadór Timor oan ba service iha Austrália iha kometimentu nafatin atu kontinua haruka traballadór Timor-oan ba service iha Austrália bazeia ba akordu ne’ebé Governu Austrália no Timor–Leste asina ona iha Dezembro 2011 liubá.

         Iha Soru mutu ne’e,Sekretáriu Estadu, Ilidio Ximenes hateten,Austrália ho Timor-Leste iha kooperasaun ne’ebé di’ak tebe-tebes hodi fortifika liu tan amizade no servisu ne’ebé durante ne’e hala’o iha programa service ba Timor oan iha Austrália.

                Sekretáriu Estadu hatutan, durante ne’e mós SEPFOPE hetan suporta husi Austrália liu husi AUSAID kona-ba programa IEP no mós programa TEABET ninian hodi fó benefisiu ba joven no funsionáriu sira.

                “Liu husi programa servisu sazionaljoven sir abele aprende matenek no esperiénsia husi kompañia no mós empreza sira iha Austrália atu sira fila mai bele implementa fali iha Timor-Leste,” tenik Ilídio.

               Nia hatutan, TL iha númeru dezempregu ne’ebé aas iha rai-laran ho persentajen besik 50%, tuir dadus labour Force Survey 2010 Tanba ne’e, SEPFOPE iha polítika asaun konkreta atu responde ba problema hirak ne’e.

Ilídio hateten, dezde tinan 2008, SEPFOPE hahú luta makaas hodi halo negosiasaun ho Governu Austrália  hodi haruka traballadór ba servisu iha Austrália no konsege halo akordu ba programa pacific Seasonal Workes.

                Husi akordu ne’e Timor-Leste hahú haruka ninia trballadór na’in 12 hodi ba srevisu iha Broome Austrália   iha area ospitalidade iha Marsu 2012.

                Ilídio promote,iha tinan2013 SEPFOPE iha esperansa sei haruka tan traballadór 100-resin ba servisu iha  Austrália no Korea du Sul la hanesan.

                Nia realsa katak, foin lalais ne’e empregadór husi Queensland, Austrália mai halo mós vizita hodi hassoru rasik traballadór hodi fahe sira ninian espetativa kona-ba estandarte no skills saida mak sira presiza ba iha sira ninian natar iha sabraka ne’e.

                Opurtunidade ne’e mós,empregador na’in e ne’e fó motivasaun ba kandidatu traballadór hamutuk 302 no fó mós informasaun kona-ba maneira atu moris no servisu ambiente iha, Austrália tuir regra no sixiplina iha service fatin. JORNAL Independente